尋日先講過，華航飛台南HK$1,070（連稅HK$1,702）機票唔抵買，蝦！華航今日立即”順應民意”劈俾大家駛！出發日期19/8 – 18/9；21/9 – 10/10；13/10 – 26/10，唔單止台南，高雄都有，來回淨機票HK$799起，連稅HK$1,431起，不過只有7日有效期，一般旅遊應該夠用，回程仲可以改台北／高雄／台南，以Open Jaw機票嚟講係超級抵買（因為對手都劈唔到呢個水平）！就算齋去高雄，自從冇咗港航，得番港龍，唉！平嘢唯有靠華航啦！只限100張，今晚23:59截飛，遲買就冇架啦！提提您：回程想改城市，請先訂台南／高雄來回，然後打電話俾香港華航辦事處（2868 2299）改機票，唔駛換票，Easy！

網址：www.china-airlines.com

（覺得抵請記得按Like同Share俾朋友）

所謂「食過翻尋味」，連維珍航空都深明此道，今日又將7月尾曾經推出過嘅直航悉尼超平機票大翻劈：出發日期為7/8 – 16/9（早過上次嘅24/9），來回淨機票HK$1,890起，連稅HK$4,548起，同上次一樣。點解我哋話超抵？一來機票有效期長達1個月，對手澳航只係14天，就算國泰今期有悉尼HK$1,990 fanfares，都只係指定日子來回，得幾日貨仔點夠喉呢？二來呢隻Fares有里數儲（約9.190里），除咗可以儲入維珍飛行會外，更鮮為人知係：可以儲入達美航空會藉（里數以100%計算）！咁就值錢喇！須知道達美係SkyTeam天合聯盟成員之一，SkyTeam網絡覆蓋非常廣泛，呢9,190里足以俾您免費換短途國內線（如中國／韓國／美國／歐洲短途等）單程甚至來回！抵上加抵！上次錯過咗，今日再搶過！最後出票日期為12/8。

（溫馨提示： 以上經濟客位HK$1,890起票價唔包括須預先繳付嘅稅款及燃油附加費，每張機票嘅稅款及燃料附加費為HK$2,658起，實際款項或會因匯率及燃料附加費嘅更改而有所變動，資料僅作參考之用）

網址：www.virgin-atlantic.com

（覺得抵請記得按Like同Share俾朋友）

7/8 15:21 Updated：原來係漏洞價！ANA已經下咗架，訂唔到鳥～

7/8 01:56 Updated：呢隻fare連Open Jaw都用得！東京入大阪出／大阪入東京出都可以！記得用Multi-destination去Search喎！

今日報紙先講香港快運將於今年10月底開廉航飛東京羽田，對手ANA見狀，立即先下手為強！今次劈價有啲特別：平時劈幾個月內出發機票，今次出發日期竟然一下子拉到勁長：由今年9月去到明年7月尾都有！最特別係連大時大節附近日子都有喎（例如聖誕，新年，農曆新年，復活節），暑假更不在話下！不過講明先：唔係日日都有平飛，要自己上網發掘下，但供應量暫時唔少。講番價錢：東京來回連稅HK$2,622（早去晚返航班都揀得），大阪連稅HK$2,657，唔駛諗，即搶（特別想大節日出埠者）！機票有效期7日，官網未有得賣，上ZUJI啦！

網址：www.zuji.com.hk

（覺得抵請記得按Like同Share俾朋友）