又到週末，又有港航週末熱賣！打算中秋／國慶／重陽節出遊嘅您，由於冇「一Click即享」價平機票，就要趁今晚00:00至週日23:59，把握機會用Promotion Code幫輕下喇！記住：只有紫荊會會員先用到Promotion Code（免費申請網址：http://bit.ly/XiCJvm）。至於10月打後飛亞洲區機票（如台北／曼谷／峇里島等），仲有好多「一Click即享」價平機票，雖然用唔到Code扣減，但紫荊會會員買都可以減HK$50，平上加平啦！

尋日香港快運正式開賣其廉航機票，但Check過港航官網，原來佢都有得賣11月後嘅快運機票（只限舊航線如台中／昆明／清邁／布吉），仲包2件行李添！不過以今日為例，就算有得用週末熱賣Promotion Code，減完都比香港快運官網貴（假設來回均買20kg行李），不過呢個發現極具參考價值：若果港航減完仲平過快運，咁梗係去港航網站Book啦（話晒包埋行李寄艙）！咁大家以後勤力啲，多啲留意兩邊價錢呀！

想享用Promotion Code？謹記以下步驟：

1. 您必須係紫荊會會員，冇就去呢度免費申請：http://bit.ly/XiCJvm

2. Promotion Code不適用於購買「一Click即享」機票

3. 到填寫乘客及付款資料時，記得先Login紫荊會Account，然後才輸入Promotion Code

4. Promotion Code必須跟足大細階

5. 二人以上同行，建議分開訂（可以用番同一Account），用盡扣減優惠

參與週末熱賣嘅航點如下：

河內：D4HDVFIO（減HK$500）

海口／三亞／福州／北京／上海浦東／上海虹橋／南京／杭州／昆明／沙巴／哈爾濱／成都／重慶／峇里島／呼和浩特／清邁：wZQ638EV（減HK$300）

台北／台中／沖繩／廈門／曼谷／布吉：OWSqPZGQ（減HK$200）

網址：www.hongkongairlines.com

（覺得抵請記得按Like同Share俾朋友）

飛加拿大機票，平機票賣少見少，華航就有一隻了！出發日期為15/9 – 30/11，飛溫哥華來回淨機票HK$3,500起，連稅HK$6,073起，只係貴過國航三舊水。最大賣點係可以免費中停台北（回程），只需先訂來回溫哥華機票，出票後打電話俾香港華航辦事處（2868 2299）改機票，唔駛換票，只需補番相關稅款就得，非常方便，咁又可以嚟過「一雞兩味」玩埋台灣了！機票有效期1個月，夠您返去探親用。Check過系統，供應量算充裕，有心去者可以考慮（仲想平？梗係買國航啦！來回連稅HK$5,756起咋！去ZUJI買：http://bit.ly/zujihongkong）

網址：www.china-airlines.com

（覺得抵請記得按Like同Share俾朋友）

13/9 11:24am Updated：11月份出發冇晒，但剛剛發現明年4月都有！仲可以復活節附近日子出發（例如16/4/2014去，21/4/2014返）

凌晨都要報，皆因又有漏洞機票（雖然官網話係特價，但平到唔似係真，所以暫時歸入漏洞類別）！今次主角係中國南方航空：廣州直航尼泊爾加德滿都，來回淨機票竟然低至HK$460！連稅HK$1,783！香港出發就算肯轉機，最平東航來回連稅都要HK$3.6K以上！雖然要走去廣州搭，但由於係直航關係（去程CZ3067 19:10/22:10，回程CZ3068 23:15/05:45+1），計埋來回香港<->廣州巴士，點計都有So！出發日期主要喺今年11月（例如18/11去，28/11返），之後都冇漏洞價，有心去嘅就要果斷入手！聽日瞓醒未必有！想最快最方便搵到漏洞價嘅來回日期，建議先上http://www.skyscanner.com.hk 搵，然後再去中國南方航空官網（香港站）http://tw.csair.com/twn/eng/index.shtml?country=hong%20kong，搜尋後見到連稅價US$228.57，就係您今次出擊目標！記住訂完先好瞓呀！

漏洞機票，老規舉：千祈唔好打電話／email問航空公司，以免打草驚蛇！漏洞嘅嘢，手快有手慢冇！

網址：http://tw.csair.com/twn/eng/index.shtml?country=hong%20kong

（覺得抵請記得按Like同Share俾朋友）