今個Weekend係重陽節長假期（週一係假期），想飛曼谷但又未買機票？嗱！又有筍盤喇！皇家約旦航空剛剛推出劈盤：來回淨機票HK$921起，連稅HK$1,793起，重點係一人飛都得！佢唔係廉航，呢口價包埋行李寄艙同飛機餐，即刻技術性擊到空氣亞洲！出發日期由依家到17/12。Check過系統，可能新開賣關係，唔太難搵，連重陽節長假期都有（即12/10去，15/10返，請1日假），Last Minute想平飛曼谷，最後機會喇！至於其他日子當然唔難搵。提提您：佢每逢週二／四／六／日各對飛一班，去程搭RJ183（21:35/23:25），回程RJ182（15:25/19:00），好啱週四放工出發，請週五1日大假就飛去曼谷過Happy Weekend人士（假設返五日工）。機票有效期7日，最後出票日期為16/10。

網址：www.zuji.com.hk

（覺得抵請記得按Like同Share俾朋友）

虎航飛雅加達航線，一向少人提，可能來回時間一般啦（去程RI845超早機06:25 / 10:25，回程RI840 00:10 / 05:55，返嚟剛好有機場快線搭），但其實用佢做跳板，晨早轉飛其他印尼渡假城市（如峇里島／龍目島），回程又可以傍晚先出發，晚上喺雅加達轉機，都仲有足夠時間，所以唔好睇小佢。依家虎航推出特價，去程淨機票HK$654起，回程淨機票HK$304起，來回連稅HK$1,135起，加埋雅加達飛峇里島或龍目島廉航機票，來回千幾蚊有找，抵過直航一大半，而且您仲可以玩埋雅加達先走，一雞兩味，諗得過架～出發日期由依家到明年31/08/2014，Check過系統，去程HK$654唔係日日有，大時大節梗係冇，不過唔算太難搵，反而回程HK$304就供應量多，大家可以上虎航官網發掘下。最後出票日期為14/10。

網址：www.tigerair.com

（覺得抵請記得按Like同Share俾朋友）