榮獲Skytrax全球最佳航空公司嘅阿聯酋航空，剛推出淡季曼谷平機票，出發日期為01/11/2013 – 31/03/2014（20/12 – 26/12以及28/01 – 03/02不適用），價錢一如以往：經濟客位來回連稅HK$2,047起，比起平霸港航貴五至六百，但有得坐A380 + 頂級機上娛樂，貴少少都值。不過坐得阿聯酋，最聰明玩法莫過於坐一程經濟 + 一程商務甚至頭等，因為阿聯酋A380最正嘅嘢都響上層商務及頭等度，例如機尾特設空中酒吧，任您點Cocktails + 香檳 + 紅白酒，同朋友（+空姐）Chill Out非常爽！揀經濟+商務來回連稅HK$3,109起，揀經濟+頭等來回連稅HK$5,489起，前者可以試下其舒服Flat Bed，後者更可以嘗試喺38,000里高空上沖涼，加上餐飲水準極高（飲佢一支香檳王KRUG已值回票價），趁有特價，同Honey豪一豪喇！機票有效期1個月，最後出票日期為20/11/2013。

網址：www.emirates.com

（覺得抵請記得按Like同Share俾朋友）

02:24pm 1/11 Updated：今日（01/11）起，由於香港快運之燃油附加費向下調，每程由HK$229減至HK$120，來回變相減HK$218，配合前日推出之限時優惠，來回連稅計台中再劈到HK$638／昆明HK$674／清邁HK$889／檳城HK$880起，全部跌破一千大關，可謂近年史上新低！去澳門搭船來回都要三舊幾啦！請留意最後出票日期為今晚（01/11）23:59，行動要快！

廉航香港快運又推出新一輪劈價，今次玩限時劈：出票日期由依家到明日（01/11），出發日期為14/11 – 19/12，來回台中HK$198起（連稅HK$856），昆明HK$198起（連稅HK$892），清邁HK$350起（連稅HK$1,107），檳城HK$358起（連稅HK$1,098），以上價格不包括飛機餐及行李寄艙（寄艙費用：每程15kg HK$80，20kg HK$100）。4個選擇中以檳城最抵，Check過系統，呢一刻訂聖誕節機票（例如19/12去26/12返）都仲有呢口價（相信好快沽清），聖誕超旺季去旅行，每人連稅一千鬆啲就搞掂，仲想點呢？當然要過一個熱辣辣嘅聖誕啦！台中嗰批來回HK$198主要係去程夜機，至啱週五放工即閃去台灣嘅朋友；聖誕飛清邁就冇來回HK$350，不過12月普通日子就唔難搵到，講真呢口價超抵，港龍就算出fanfares都貴近一陪，更可況港龍好少出清邁fanfares價呢！

訂票之前，強烈建議大家請先熟讀香港快運訂票10大Q&A：http://flyagain.la/?p=9895。此外，更須切記如果需要打上Hotline，語言記得揀英文，唔好揀廣東話，因為中文熱線人手唔夠，長年冇人聽，但英文客服往往唔駛1分鐘就接聽，解決問題亦好迅速。儘管我哋每日都收到Fans對香港快運訂票嘅求助，只要您識得玩，買快運機票冇問題（小弟亦親身經歷過出唔到email及過數問題，一打英文熱線就搞掂晒，呢一招後來唔少fans試過係Work嘅）。

網址：www.hkexpress.com

（覺得抵請記得按Like同Share俾朋友）