尋日香港快運突然推出大阪超平機票，同係廉航嘅樂桃航空還擊啦！今晚23:00又開倉，香港飛大阪單程HK$548起，來回連稅HK$1,379起（不包行李寄艙及飛機餐），出發日期為17/12/2013 – 19/12/2013；06/01/2014 – 28/02/2014（農曆新年？應該冇啦），航班選擇無寫限制，不過根據之前經驗，呢口價估計又係夜去早返，一陣開咗倉又睇下點？訂樂桃機票記得分開去程及回程兩次訂，回程可用日圓計算，比港紙結算平二三百，來回連稅變相低至HK$1.1K起，同快運差唔多，都係平到唔去唔得囉！尋日搶唔到快運嘅，今晚23:00搵樂桃報仇喇！

網址：www.flypeach.com

（覺得抵請記得按Like同Share俾朋友）

01:40am 18/12 Updated：優惠延長，官網仲有呢口價賣！

中東航空三寶：阿聯酋／卡塔爾航空近日均推出歐洲劈盤，餘下嘅阿提哈德航空梗係唔執輸，推出全球機票限時劈，香港出發有平飛（經阿布扎比轉機，香港<->中東搭姊妹航空塞舌爾航空），但官網竟然隻字不提！奇怪！先講目的地，連稅計，來回日內瓦HK$5,344起，慕尼黑HK$5,629起，巴黎HK$5,692起，法蘭克福HK$5,771起，杜爾塞多夫HK$5,836起，倫敦希斯路HK$6,235起，連飛南美巴西聖保羅都係HK$12,833起。

仲想平啲？可以試下揀不同城市往返，例如倫敦入其他城市出，因為避開英國離境稅，埋單可以平千幾蚊！例如倫敦入日內瓦出，來回連稅低至HK$5,094起，倫敦入巴黎出就HK$5,452起（例子：去程12/03/2014，回程20/03/2014）！想輕易搵出超平價錢組合？貼士係先利用Round Trip方法分別搵出兩個目的地去程及回程最平日子，然後再揀Multiple destinations / Stopovers，將去程 + 回程日子及地點輸入，搜尋結果就係最平選擇啦！

機票有效期1個月，Check過系統，唔係日日有咁平，2014年2月至6月出發就易搵啲，最後出發日期為30/06/2014，最後訂票日期為05/12/2013。

網址：www.etihad.com

（覺得抵請記得按Like同Share俾朋友）

阿提哈德航空冬春飛歐洲來回連稅$5,344起，不同城市往返$5,094起