長榮剛於元旦嚟過限時劈，點知Load錯HK$840價，搞到大家冇晒癮。可能見係咁，長榮今次特別提早週末劈，依家已經開咗倉（平時要等00:00）！機票價錢 + 出發日期 + 航班選擇同上次一模一樣：來回淨機票HK$740起，連稅HK$1,375起（1/1起平咗幾十蚊燃油附加費），出發日期由依家到22/01及11/02 – 28/02（農曆新年冇，正常），去程指定坐BR828（07:30/09:10）及BR810（21:45/23:25），一頭一尾。如果想揀BR852（11:20/13:00）同BR868（13:40/15:20），就要俾多HK$200，機票有效期7日。回程一樣冇限制，可以揀Hello Kitty航班（BR857 18:10 / 20:00，視乎供應），如果買咗呢班機，記得預早同航空公司Book定兒童餐喎！最後出票日期為06/01早上08:00。

網址：www.evaair.com

（覺得抵請記得按Like同Share俾朋友）

04/01 6am：漏洞已封！下次再會！

中美州好多古城遺跡，想平飛？呢個漏洞要留意喇（雖然唔係香港出發）：西班牙國家航空（Iberia，又稱伊比利亞航空）官網出現漏洞價錢：德國四個城市（柏林／杜塞爾多夫／法蘭克福／慕尼黑）經西班牙馬德里往返中美洲三個城市（危地馬拉城，巴拿馬城，聖薩爾瓦多）來回淨機票只係10歐元（約HK$106），連稅241.31歐元起（約HK$2,558），出發日期為31/5之前，仲有里數儲（呢隻機票係P Class，可入落國泰Asiamiles賺取50%里數），可以不同城市往返（Open Jaw）。死因係淨機票標錯價（正常賣HK$8K以上），飛到老遠都係二千幾蚊（一程都要16個鐘）？明顯係漏洞啦！

香港飛德國有大把平選擇，最平國航來回連稅約HK$5K，中東三寶（阿聯酋／卡塔爾／阿提哈德）亦只係HK$6K左右，加埋八九千玩埋歐洲 + 中美州，的確吸引！機票有效期3個月（長到咁！），不能退款，不能中停。

訂飛前務必留意：不論持有特區護照或BNO，去呢三個城市都要簽證，當中危地馬拉同薩爾瓦多喺香港冇辦事處，須要經美國當地大使館申請，手續麻煩！據聞揸BNO可能因為極似英國護照而可矇混過關，但風險自負喇！

漏洞機票，老規舉：千祈唔好打電話／email問航空公司，以免打草驚蛇！漏洞嘅嘢，手快有手慢冇！

網址：www.iberia.com

（覺得抵請記得按Like同Share俾朋友）