馬航今日又有新一輪劈劈劈，甚有睇頭！先講內容：飛吉隆坡來回淨機票HK$900起（連稅HK$1,642），來回程指定坐新開辦航班：去程MH449（14:05 / 17:55），回程MH448（09:45 / 13:25），揀其他時間會貴HK$200 – 600不等（視乎航班）；馬爾代夫來回淨機票HK$1,800起（連稅HK$4,430），建議大家坐商務，來回HK$3,600起（連稅HK$6,811），呢口價同坐直航經濟相若，但馬航係坐商務播！馬航商務質素向來唔錯，食好啲，坐好啲，機場又有Lounge用，兼且里數又賺多啲（125%），雖然只係坐細機737-800，俾多HK$2K係超值嘅！至於出發日期，吉隆坡HK$900就17/2 – 29/3，其他價格就6/2 – 31/3，馬爾代夫亦係6/2 – 31/3，機票有效期14日，最後出票日期為24/1。

網址：www.malaysiaairlines.com

（覺得抵請記得按Like同Share俾朋友）

又有一隻跳樓價機票，今次主角竟然係移民客至Like嘅溫哥華：國航靜靜雞推出爆平盤，來回淨機票HK$2,370起，連稅HK$4,772起，機票有效期1個月。呢口價同我哋喺24/11/2013發現嘅國航漏洞價只係貴HK$600！而且當時係深圳出發，今次係香港出發，相比之下今次價錢同上次漏洞相若，實在難以抗拒！出發日期為3/2 – 15/4，Check過系統，日子選擇多，連復活節前出發都有！一於平平地返鄉下探親吧！

不過要留意：去程一定要喺北京過夜（但國航會提供免費中轉酒店住宿，詳情請睇：http://www.airchina.hk/tw/STPC.html），如果想即日走就要加HK$570，前者可趁機玩北京一晚（北京往溫哥華開中午12:00）（如中停北京須加HK$1,000，唔花算），後者就慳時間，自己諗啦。

網址：www.airchina.hk

（覺得抵請記得按Like同Share俾朋友）