今晨樂桃航空開賣嘅香港飛大阪單程HK$648平飛您有冇入手（有零晨去夜晚返喎）？想買大阪返香港平飛（用日圓結算），今晚香港時間23:00就有喇！價錢同上次一樣：大阪返香港單程5,980円起（折合HK$441），連稅8,980円起（折合HK$662），比尋晚用港紙結算平HK$200左右，幫補下行李寄艙費吖！根據之前經驗，樂桃航空會加推香港去程HK$648平機票，所以尋晚執唔到嘅朋友，今晚23:00再搶吧（分開訂來回連稅加埋HK$1,463起，以上所有價格不包行李寄艙及飛機餐）！出發日期為20/01 – 19/03；07/04 – 25/04；07/05 – 31/05。記住今晚要去Global版網頁 + 大阪單程返香港先有此價。

提提您，樂桃航空由29/03起更改航班時間如下：

MM64 HKG 12:30 / KIX 17:15 320 D
MM68 HKG 00:35 / KIX 05:20 320 D

MM63 KIX 08:55 / HKG 11:45 320 D
MM67 KIX 21:05 / HKG 23:55 320 D

網址：www.flypeach.com

（覺得抵請記得按Like同Share俾朋友）

週三晚先劈完，今日又拎番出嚟，莫非淡季冇人去台灣？華航將台灣Open Jaw（不同城市往返）筍盤翻劈，內容同上次一樣：出發日期由依家到22/1；10/2 – 9/4，飛台北／高雄／台中／台南來回淨機票HK$690起，連稅HK$1,358，一人飛都得，回程可改其他城市走（台北／高雄／台中／台南任揀，有位就得），去程往台北或高雄只可揀晚上9:00後出發之航班，台中限晚上9:00後，台南則不限；如果加HK$50，去程往台北限坐CI922（07:55/09:30）或 CI678（08:20/09:55），高雄／台中／台南就唔限班，呢隻似乎上算啲。如果您只需飛台中／台北，買番香港快運／香港航空似乎仲平啲。機票有效期7日，最後出票日期為本週日（19/1）23:59。

提提您：華航官網冇得訂不同城市往返機票，乘客須先訂好來回機票然後打去華航熱線更改（2868 2299），華航官網已寫明”視乎機位供應情況”，要有心理準備到時未必改到心水航班。

網址：www.china-airlines.com

（覺得抵請記得按Like同Share俾朋友）

好少介紹瑞士航空，因為佢好少劈價，不過佢最近做緊嘅冬春劈的確有睇頭：經蘇黎世轉飛一眾歐洲城市（除咗大城市如阿姆斯特丹，巴塞隆拿外，仲有冷門嘅布達佩斯，馬拉加，都伯林，總之一大堆）來回淨機票HK$3,400起，連稅HK$6,642起，但最值錢係機票有效期長達3個月，加上Open Jaw（即不同城市往返）一樣有平，例如倫敦入里斯本出，來回連稅只係最低價嘅HK$6,642起，倫敦仲可以揀希斯路（LHR）或城市機場（LCY），須知道LCY位於倫敦市中心，好少航空公司會飛兼夾平呢！相比中東三寶更有睇頭。出發日期為6/2 – 31/5。Check過系統，除咗復活節附近日子冇之外，其他日子唔難搵。直航蘇黎世就貴啲，來回淨機票HK$4,340起，連稅HK$6,650，其實都抵買嘅～

瑞航有樣好：Search Engine中嘅日曆會一次過Show晒整個月來回程邊日有平機票（藍色顯示），慳時又慳錢。

網址：www.swiss.com

（覺得抵請記得按Like同Share俾朋友）