華航又將新春劈翻推：來回台北淨機票HK$590起，連稅HK$1,271起，去程限坐夜CI928（22:15/23:50），放工即閃台北真係爽～回程限坐CI919（16:40/18:25），CI 677/CI921（22:10/23:55），可以晚返！出發日期為13/2 – 9/4。另一隻HK$690起（連稅HK$1,371起），飛台北及高雄都有，賣點係可不同城市往返（回程可揀台北／高雄／台中／台南），9/4前出發飛台北及高雄去程限坐晚上9:00後出發之航班。機票有效期7日，最後出票日期情人節（14/2）晚上11:59。

提提您：1. 華航官網冇得訂不同城市往返機票，乘客須先訂好來回機票然後打去華航熱線更改（2868 2299），華航官網已寫明”視乎機位供應情況”，要有心理準備到時未必改到心水航班。2. 回程能否改日子，要視乎您揀選航班之票價規定，詳情請參考”票價規則” -> “更多票價規則”內第22點，如沒有列明”不可改回程日子”，則可致電更改。

網址：www.china-airlines.com

（覺得抵請記得按Like同Share俾朋友）

日本機票劈劈劈，買咗機票嘅您，要留意埋Hotels.com優惠：佢已推出日本酒店101小時劈，全線低至5折，入住日期由依家到30/6。最大賣點係覆蓋城市眾多，除咗大路嘅東京／大阪／京都／沖繩／札幌，仲有少見嘅福岡／神戶／名古屋／奈良／橫濱／廣島／金澤／高山／岐阜，如果您打算去日本唔同城市賞櫻，呢隻Offer啱晒您，因為可以一次過訂晒平房。推介三間酒店：1. 東京新宿陽光酒店，每晚連稅HK$709起，新宿Shopping超方便呀！2. 京都國際酒店，每晚連稅HK$537起，京都賞花期酒店勁貴！3. 大阪哈頓北區梅田酒店，每晚連稅HK$701起，距離大阪及梅田商圈好近！最後訂房日期為14/2。

網址：www.hotels.com

（覺得抵請記得按Like同Share俾朋友）

嘩！今日真係多日本機票劈價消息！新鮮出爐係廉航樂桃航空：出發日期3/3 – 31/3（香港快運劈8月後，所以兩家冇衝突），單程飛大阪HK$548起，來回連稅HK$1,379起，冇航班限制，嗰價同上次一樣，換言之今次俾大家補飛之用（尤其係3月底，之前冇做劈價），咁Last Minute先拎出嚟，唔知供應量夠唔夠？今晚香港時間00:00開倉就知（提提您：手機版易搶啲），以上價格不包行李寄艙及飛機餐，最後出票日期為16/2。

如果想用日圓結算，今晚淨係訂香港去大阪算啦！根據經驗，第二日先劈日本回程，如果想利用日圓結算慳兩三百，聽晚先訂回程。如果人太多，今晚訂埋回程算啦（用港紙結算），免煩！

網址（桌面版）：www.flypeach.com

網址（手機版）：mobile.flypeach.com

（覺得抵請記得按Like同Share俾朋友）

期待已久嘅日航劈盤，終於奉上！2人同行飛東京，每人淨機票HK$2,180起，連稅HK$2,991起，日航劈盤比起廉航有三大賣點：1. 日航國際線行李配額有2件23kg（即合共46kg），非常夠用，水貨客一定最Like；2. 出發日期踏到7月初（1/4 – 15/4；21/4 – 30/4；3/5 – 4/5，7/5 – 29/5；1/6 – 26/6，30/6 – 9/7），5.1 + 佛誕長假期都得；3. 可加國內線，每程$500，最多加2程，如果您想飛埋其他日本城市（如北海道及其他30個日航JL及NU航班編號），呢HK$500 x 2真係幾抵俾！機票有效期10日，去東京限坐JL736（10:40/16:05），回程限坐JL735（18:15/22:00），早去晚返，時間超靚！最後出票日期為23/2。

揀其他日本城市之溫馨提示：

1. 千萬要記住：一定要喺訂飛時一併加埋其他城市（搜尋器上揀”停留2個或以上城市”），一旦出咗票（香港<->東京Only）就唔可以追加架！
2. 可以Open Jaw：去程可揀A城市，回程揀B城市（兩地均以東京做起點／終點），中間A去B就自己諗辦法
3. 來回程皆可中停東京
4. 轉機地點有時喺羽田機場！請預鬆轉機時間

網址：www.hk.jal.com

（覺得抵請記得按Like同Share俾朋友）

唔好瞓！即搶！香港快運又嚟過晒冷劈！今次賣點係竟然連8月暑假超旺季都有咁平！淨機票計，來回大阪／東京羽田／首爾HK$920起，台中／布吉／清邁／檳城HK$120起，沙巴HK$320起。連稅計，東京羽田HK$1,486起，大阪HK$1,514起，首爾HK$1,490起，台中HK$558起，布吉及清邁HK$648起，檳城HK$634起，沙巴HK$834起，出發日期方面，台中／布吉／大阪／檳城／清邁為1/8 – 31/12，東京羽田／沙巴／首爾則1/8 – 25/10，以上價格不包行李寄艙及飛機餐，Check過系統，呢一刻暑假仲有！但估計每班機平飛只有5位以下，真係搶完先好瞓呀！最後出票日期為15/12。

網址：www.hkexpress.com

訂快運機票，請留意以下3點：

1. 如訂購時見到：機票預定成功，工作人員正在處理的字眼，但又冇俾過任何錢，即代表失敗，請重新訂過！

2. 如訂購成功，強烈建議先Screen Capture或影相或抄底PNR預訂編號，因為快運有時好耐都冇確認電郵寄番，呢個號碼方便您向快運追查機票狀況。

3. 如有任何問題，請第一時間致電Hotline 3902 0288，記得揀英文，好快有人接聽，揀中文十世冇人聽！

相關文章：必睇！香港快運訂票10大Q&A：http://flyagain.la/?p=9895

（覺得抵請記得按Like同Share俾朋友）