2至4月，超級淡季，乜嘢平盤都走出嚟！尤其係台北啦！呢隻套票有得諗：Expedia呢排谷緊華航台北套票，出發日期為13/2 – 15/4，以3日2夜計，入住最平嘅愛客發商務旅館 – 西門館（http://flyagain.la/dbzr），每人來回機票 + 酒店 + 稅款只係HK$1,830起，抵過去馬交！位於西門町中心點，方便到暈。講到最抵玩，就推薦和逸‧台北忠孝館（http://flyagain.la/5m63），距離台北車站只有15分鐘步程，包埋早餐 + WiFi上網，全包每人HK$2,612起，呢間齋買房每晚連稅都要HK$1,900！拆番開，華航來回台北機票連稅只係HK$712，呢間裝修極新，性價比超強，抵住！仲有其他平套票選擇，您可以去番Expedia官網慢慢揀。機票有效期7日，最後出票日期為26/2。

網址：www.expedia.com.hk

（覺得抵請記得按Like同Share俾朋友）

又係咁！樂桃航空今晚香港時間23:00推出大阪返香港平盤，價位同上次一樣：單程4,980円起（折合HK$379），稅6,795円起（約HK$517，已包括315円硬食之手續費），比用港幣結算平HK$160，換言之如果分開兩程買，來回連稅HK$1,219起，出發日期為3/3 – 31/3，如無意外又係午去早返，希望今晚有奇蹟吧！以上價格不包括行李寄艙及飛機餐。根據經驗，樂桃航空今晚會加推香港去程HK$548平機票，所以尋晚執唔到嘅朋友，今晚23:00再搶吧！記住今晚要去Global版網頁 + 大阪單程返香港先有此價，香港版因為用港幣結算，所以仍賣HK$548（都係嗰句：手機版易搶啲）。

網址（桌面版）：www.flypeach.com

網址（手機版）：mobile.flypeach.com

（覺得抵請記得按Like同Share俾朋友）

又有沖繩平機票！仲要係秘劈：港航將於18/3 – 29/3期間加開一班飛沖繩早機HX652 09:05/12:25，回程HX677 13:25/15:15，揀呢組來回有筍價：淨機票HK$1,240起，連稅HK$1,887起，比之前週末熱賣價平HK$700左右，唔駛HK$2K飛沖繩真係好抵，只可惜依家冇得玩陽光與海灘囉！唯有租車環島遊吧！Check過系統，供應量足，機票有效期7日。港航官網冇得賣，上ZUJI啦！最後出票日期為26/2。

網址：www.zuji.com.hk

（覺得抵請記得按Like同Share俾朋友）

馬航又嚟晒冷劈，不過要細心睇先唔會中伏：最抵仍然係直航嘅吉隆坡同沙巴，出發日期為15/2 – 15/4；24/4 – 30/6，前者淨機票HK$1,283起，連稅HK$2,005起，後者HK$1,183起，連稅HK$1,904起，航班冇限制睇供應，機票有效期14日。Check過系統，供應充裕。至於其他城市嘅經濟客位，因為稅費太貴，淨機票幾平都冇用，唔建議大家買，反而商務客位有睇頭（連稅計）：馬爾代夫HK$6,777起，墨爾本HK$12,650起，悉尼HK$12,782起，奧克蘭HK$15,739起，倫敦HK$20,887起，巴黎HK$19,180起，比其他航空公司平幾千蚊以上，馬航商務係好嘢嚟！呢批機票有效期30日，最後出票日期為5/3。

網址：malaysiaairlines.com

（覺得抵請記得按Like同Share俾朋友）