呢隻超筍盤，真係平到快啲去搶：專賣套票嘅AirAsiaGo推出吉隆坡飛澳洲悉尼或珀斯$0機票（稅及油附要俾），出發日期為1/3 – 31/5，最大賣點竟然連復活節假及5.1勞動節長假期都有！配間悉尼背包旅館，住5晚，每人連稅只係HK$2,418起（住少啲，更抵啲，當然可以住長啲），配合香港來回吉隆坡平平AirAsia機票（來回連稅每人約HK$1.2K），每人機票+5晚住宿+稅及油附只係HK$3,600起，仲可以一雞兩味玩埋吉隆坡，平到唔識講！記住要見到用紅色字寫住”推廣”先係$0機票（如圖），否則就Keep住按F5，話唔定下一次就Load出$0機票來！以上價格不包行李寄艙及飛機餐，最後出票日期為2/3。

網址：www.airasiago.com

（覺得抵請記得按Like同Share俾朋友）

又嚟突劈！廉航香港快運突然推出超平平平平平盤：來回大阪HK$660起（連稅HK$1,247），台中／清邁／檳城來回HK$260起（連稅台中$698／檳城$774／清邁$788），出發日期由18/2 – 9/3，屬於超Last Minute即買即飛之選！不過Check過系統，供應量唔多，要快快快快手喇！以上價格不包行李寄艙及飛機餐．最後出票日期為18/2 香港時間下午6點。

網址：book.hkexpress.com

訂快運機票，請留意以下3點：

1. 如訂購時見到：機票預定成功，工作人員正在處理的字眼，但又冇俾過任何錢，即代表失敗，請重新訂過！

2. 如訂購成功，強烈建議先Screen Capture或影相，因為快運有時好耐都冇確認電郵寄番，呢個號碼方便您向快運追查機票狀況。

3. 如有任何問題，請第一時間致電Hotline 3902 0288，記得揀英文，好快有人接聽，揀中文十世冇人聽！

相關文章：必睇！香港快運訂票10大Q&A：http://flyagain.la/?p=9895

（覺得抵請記得按Like同Share俾朋友）

虎航剛推新劈盤，今次玩2人同行，1人免費：除番開，飛新加坡來回連稅每人HK$980起，飛峇里島每人HK$1,544起，比之前嘅優惠再平一截，出發日期為5/5 – 6/6（新加坡）及19/2 – 23/10（峇里島），買嗰陣記得揀2人以及見到價錢上有”Buy 1 Get 1″先係正貨。Check過系統，唔算太難搵，講真呢口價飛峇里島真係幾抵買！新加坡就OK平。想復活節平飛峇里島？正日就冇，最近磅都要15/4去24/4返．以上機票價格不包行李寄艙及飛機餐，最後出票日期為23/2。

網址：www.tigerair.com

（覺得抵請記得按Like同Share俾朋友）

阿聯酋航空又有新一批歐洲筍盤，出發日期去到10/6（12/4 – 20/4不適用），來回連稅計，飛蘇黎世HK$6,047起，巴黎HK$6,195起，阿姆斯特丹HK$6,196起，里昂HK$6,253起，日內瓦HK$6,262起，伊斯坦堡HK$6,375起，慕尼黑HK$6,406起，里斯本HK$6,407起，法蘭克福HK$6,413起，哥本哈根HK$6,413起，羅馬HK$6,568起，都伯林HK$6,590起（較少見），倫敦格域HK$7,117起，倫敦希斯路HK$7,327起。Check過系統，復活節前1星期出發（如9, 10/4）仲有呢口價，建議請前面日子連復活節大假，可以慳番唔少錢。機票有效期1個月，最後出票日期為20/2。

此外，Open Jaw（即不同城市往返）都有平，例如倫敦格域入蘇黎世出，來回連稅約HK$6,138起，比起齋來回倫敦平HK$1,000左右，足以夠您買一張由倫敦去蘇黎世單程機票。搵平Open Jaw機票好簡單：只需先分別搵呢兩個城市由香港來回之最平航班及日子，然後再用”多個目的地／中途停站”方法拼番出嚟，結果之價錢唔係最平都會係尾二平。

仲有，由依家到18/2期間經阿聯酋航空官網訂非洲、中東或歐洲指定目的地（須香港出發），可以參加抽獎，有機會贏取iPad Air 1部（名額2位），詳情請往官網查詢。

網址：www.emirates.com

抽獎詳情：www.emirates.com/hk/chinese/offers/1546763/book-online-and-win-ipad-air

（覺得抵請記得按Like同Share俾朋友）

終於開倉！搶啦！香港快運福岡／大阪／東京羽田劈價：出發日期30/3-11/7（東京、大阪）；10/4-11/7（福岡），來回大阪HK$1,120起（連稅HK$1,715起），東京羽田HK$1,120起（連稅HK$1,686起），福岡HK$1,320起（連稅HK$1,755起），以上價格不包行李寄艙及飛機餐。福岡呢口價比港龍平一半以上，大阪就同樂桃劈價相若，只係勝在行李費平過樂桃；東京羽田都OK平，快啲入手啦！依家Server超繁忙，依家搶唔到嘅不如去瞓先，等一陣零晨4至6點再去，分分鐘有收獲架！

此外，每逢快運開倉，緊接住個幾晚9-11pm，快運可能隨時增添新平飛入系統度，總之唔好氣餒，呢幾日Keep住去佢官網Search啦！最後出票日期為19/2。

網址：book.hkexpress.com

訂快運機票，請留意以下3點：

1. 如訂購時見到：機票預定成功，工作人員正在處理的字眼，但又冇俾過任何錢，即代表失敗，請重新訂過！

2. 如訂購成功，強烈建議先Screen Capture或影相或抄底PNR預訂編號，因為快運有時好耐都冇確認電郵寄番，呢個號碼方便您向快運追查機票狀況。

3. 如有任何問題，請第一時間致電Hotline 3902 0288，記得揀英文，好快有人接聽，揀中文十世冇人聽！

相關文章：必睇！香港快運訂票10大Q&A：http://flyagain.la/?p=9895

（覺得抵請記得按Like同Share俾朋友）