7月頭想平飛大阪？有機會喇！日本廉航樂桃航空將於今晚00:00翻劈佢隻優惠：單程HK$698起，來回連稅HK$1,691起，如果7月頭都有，咁就快啲買喇！想再慳兩舊？不妨今晚先用港紙結算買去程，回程等聽日有埋日本出發嘅優惠（大機會有），用日Yen結算買回程，但留意心水日子未必有平，如果人數少就可以搏下。以上格價不包行李寄艙及飛機餐，最後出票日期為18/5。

提提您：買樂桃機票，填寫人名時必須：1. 全大階 及 2. 字冇空格，例如您叫Chan Tai Man Peter，姓就要打CHAN，名就要打TAIMANPETER，否則訂唔到架！

網址（桌面版）：www.flypeach.com

網址（手機版）：mobile.flypeach.com

（覺得抵請記得按Like同Share俾朋友）

補飛用！今晚00:00劈！樂桃航空飛大阪單程$698起，7月16日前出發

又有日本平房喇！今次AirAsiaGo特登拎38間日本各地酒店，遍佈東京／大阪／沖繩／京都／札幌／名古屋／福岡，最平5折起，仲可以用埋佢9折Code，抵上加抵，入住日期由依家到30/9（暑假折扣幅度就睇個別酒店，預咗冇淡季咁平）。東京推介有東京芝公園酒店，附近就係東京鐵塔！做5折，每晚HK$763起；大阪三間哈頓酒店及兩間蒙特利酒店分店都平，想平平哋又唔想嘈，住番美國村內嘅心齋橋哈頓酒店，做5折，每晚HK$450起，行落街就大把潮店及美食揀；依家福岡有HK Express（香港快運）飛，趁有平房不如去一次福岡吖！福岡中洲最佳西方飯店話晒都係Best Western主理，打7.5折，每晚只係HK$395起，性價比超高。仲有其他平房，可以上AirAsiaGo官網望望。最後訂房日期為17/5。

AirAsiaGo 9折訂房Code：AAGTEN，可用港幣結算，大型連鎖酒店不適用，特價房亦可以用，訂其他國家都得！只要喺輸入住客資料嗰頁中，右邊價格一欄Click”推廣代碼”，系統就會彈出格仔，您就輸入”AAGTEN” 再按Enter就得（請留意：折扣只限純房價，稅及服務費冇得折）。

網址：www.airasiago.com

（覺得抵請記得按Like同Share俾朋友）

絕讚大割！今晚00:00開催！AirAsiaGo日本酒店5折起 + 9折Code，9月30日前入住

長榮又有一排冇玩限時劈，今晚又嚟啦！截飛時間係明早（13/5）10 點，出發日期為1/6 – 25/6，來回台北HK$690起，連稅HK$1,275起，去程指定坐夜機BR810（21:45/23:25），如果肯加HK$50，去程仲可以揀Hello Kitty機添（BR858 21:05 / 22:45）．回程亦有指定航班，不過選擇頗多，唔怕冇得揀．以價論價，今次係長榮首度賣6月份HK$6XX平機票，再跌空間不大，有心去依家可入手．機票有效期7日，必須去以下指定Link買先有平，就咁去長榮官網主頁係Search唔到的．

網址：http://www.evaair.com/zh-hk/hongkong/happy_hours.html

（覺得抵請記得按Like同Share俾朋友）

即搶！限時劈！首度開賣！長榮來回台北$690起！6月25日前出發

倫敦直航機票好少有平（除咗國泰出fanfares價），如果唔介意15/6前出發，呢隻其實幾抵買：維珍航空剛延長佢隻直航優惠，來回淨機票HK$3,500起，連稅HK$6,977，比中東三寶轉機貴幾百蚊而已，直航喎！是抵買的，而且維珍話晒來回都係夜機（去程VS201 23:25 / 05:25，回程22:30 / 17:50），一上機可以大覺瞓，瞓醒食完早餐／晚餐就落機，爽呢！Check過系統，供應量唔太多。機票有效期1個月，最後出票日期為13/5（即係聽日），ZUJI有售。

提提您：呢隻平飛Class Code係”O”，有積分儲，可以儲落維珍flyingclub 或同系嘅達美航空「飛凡哩程常客計劃」，同樣儲足100%里數（約11,940里），建議入落達美度，話晒佢係Sky Team（天合聯盟）一員，將來兌換免費機票都有多啲航空公司揀（例如可換華航台灣線）。

網址：www.zuji.com.hk

（覺得抵請記得按Like同Share俾朋友）

直航筍盤！維珍春季飛倫敦來回$3,500起，1個月有效期，6月15日前出發