暑假去日本，機票貴貴，唯有酒店慳慳幫補下。AirAsiaGo將於今晚00:00起曬冷式推出日本各大城市平酒店，包括東京、大阪、京都、名古屋、福岡、沖繩、札幌、奈良、神户，參與酒店數目有40間以上，最平打5折，您仲可以用埋佢9折Code，抵上加抵。Check過系統，東京可以試下新宿格蘭貝爾飯店，新開幕冇耐，每晚HK$858起（未連稅及未用9折Code計，下同），難得暑假冇額外加價，試新嘢吖！大阪可以諗下哈頓北區梅田飯店，呢間我哋成日推介，今次半價，每晚賣HK$636起，暑假亦有，抵玩；暑假係沖繩島超旺季，搵平Resort一向好難，今次佢都有一間沖繩Kafuu Resort，4.5星級，位於正海邊，打65折，每晚HK$1,727起，好貴？您睇完佢啲相就知好嘢嚟（有免費泊車及上網）。其他特價房詳情可上番AirAsiaGo官網望望。最後訂房日期為14/6。

AirAsiaGo 9折訂房Code：AAGTEN，可用港幣結算，大型連鎖酒店不適用，特價房亦可以用，訂其他國家都得！只要喺輸入住客資料嗰頁中，右邊價格一欄Click”推廣代碼”，系統就會彈出格仔，您就輸入”AAGTEN” 再按Enter就得（請留意：折扣只限純房價，稅及服務費冇得折）。

網址：www.airasiago.com

（覺得抵請記得按Like同Share俾朋友）

AirAsiaGo日本酒店大曬割！5日限定！東京、大阪、京都、名古屋、福岡、沖繩、札幌、奈良、神户5折起+9折Code，暑假都有！

又有馬爾代夫平盤執。斯里蘭卡航空同國泰航空有一隻組合盤，來回淨機票HK$2,310起，連稅HK$4,571起，不過平係有代價：皆因要轉2次機，先搭國泰飛曼谷，然後轉搭斯航去哥倫坡，最後再轉飛馬代，中間不設中停，不過勝在機票有效期長達1個月，可以慢慢玩，加上Check過系統，供應量多，暑假及其他大節日都有貨賣。對手廉航虎航來回連稅都要三千頭兼唔包行李及飛機餐，計落斯航係諗得過的。至於直航，港航賣緊連稅約HK$6,639起，差HK$2,068，揀邊隻，自己諗。出發日期由依家到18/12，可以上ZUJI訂。

網址：www.zuji.com.hk

（覺得抵請記得按Like同Share俾朋友）

斯里蘭卡航空飛馬爾代夫來回$2,310起，連稅$4,571起，暑假都有