今個Weekend嘅香港國際旅遊展，多平嘢買，記得去灣仔會展睇喎！冇時間去？長榮都將一隻旅展優惠擺上網俾您買：來回台北淨機票HK$700起，連稅HK$1,285起，出發日期為06/16 – 06/26；06/30-07/09。呢口價去程指定坐夜機BR810（21:45 / 23:30），如果想早啲出發，俾多HK$120可揀埋BR868（13:40 / 15:25）／BR870（15:25 / 17:10）／BR856（17:00 / 18:45），回程航班冇限制。Check過系統，HK$700日子選擇唔多，HK$820就多啲，想暑假頭段平飛台北就要快手。機票有效期7日，最後出票日期為15/6。

網址：www.evaair.com

（覺得抵請記得按Like同Share俾朋友）

長榮週末旅展劈，來回台北$700起，7月9日前出發

暑假一家大細想平飛？去新加坡啦！因為Expedia.com.hk有隻超平平平套票呀！搭廉航酷航（Scoot），來回機票+2晚2星酒店（只係舉例，想住多幾晚又得，住邊間酒店都得）+所有稅款，每人最平竟然低至HK$1,033起！最正係7至8月都有（最後出發日期去到25/10添）！咁就要落足眼力望望。Check過系統，最抵住係新加坡威豪酒店（http://flyagain.la/br6l），位處小印度，行去Orchard Road唔遠，位置唔錯，仲有泳池仔（以新加坡嚟講，好少平酒店有泳池）！每人連稅HK$1,453起，極度抵住！另一間推介叫大酒店（http://flyagain.la/6i53），喺威豪酒店附近，全新酒店，型格設計，包免費早餐同WiFi，每人連稅HK$1,804起；如果有小朋友，住好啲就住聖淘沙財富度假村（http://flyagain.la/a9rq），4.5星靚仔Resort，Infinity Pool + Gym + 92%Expedia住客推介！行去Universal Studio只需10分鐘，方便您同小朋友去玩餐飽，每人連稅HK$2,209起，平到唔識形容！仲有其他平房，可以上番Expedia.com.hk望望。以上價格不包行李寄艙及飛機餐。

此外，經Expedia.com.hk買套票有樣好，可以免費Stay Behind：只要喺Search Engine度揀選”我只需要在部分旅程中入住酒店”，再揀埋需要住房嘅日子就掂，其他日子您住邊都得，勁有彈性。事實上，由於酷航回程時間係零晨1:50，回程日子記得揀多1日，而酒店就剔選”我只需要在部分旅程中入住酒店”，Check-out日子揀番回程日子減1日先得，否則3日2夜分分鐘變成2日1夜呢！

網址：www.expedia.com.hk

（覺得抵請記得按Like同Share俾朋友）

暑假極品！Expedia.com.hk新加坡3日2夜套票來回連稅每位$1,033咋！