今晚介紹一隻冷門盤，澳門粉絲尤其要留意：澳門航空推出20週年劈，大部份航點都有平，出發日期由 2015年1月1日-6月30日，早餐盤是也！來回連稅計（折算港幣，下同）：廈門 / 南寧HK$1,366起、杭州 / 上海HK$1,463起、曼谷HK$1,521起、高雄HK$1,525起、成都 / 重慶HK$1,560起、天津HK$1,754起、瀋陽 / 北京HK$1,948起、首爾HK$2,241起、東京HK$2,423起、大阪HK$2,456起，以上嘅價位以泰、日、韓、台線相對吸引；另外，想今年年尾前去（2014年9月10日-12月31日）都得，不過就要補番附加費HK$194起。Check過系統，公眾假期同前後嘅日子都冇平飛，想去就要淡季期間出發喇！機票有效期為7日，最後出票日期為8月31日，啱就上官網買啦。

網址: www.airmacau.com.mo

（覺得抵可用Whatsapp同LINE Share俾朋友架）

澳門航空20週年哂冷劈，早餐盤來回連稅曼谷$1,521，高雄$1,525，首爾$2,241，東京$2,423，大阪$2,456起

華航推出限時翻翻翻翻翻劈！今次嘅價錢同之前幾次一樣，今晚12點前可以用書展5% 優惠再折（需要經以下指定連結到華航官網先享有5%既折扣優惠，進入後顯示 – 歡迎進入HKG BookFair活動專區）！出發日期由10月3日-10月31日：香港往返台北、高雄、台中、台南二人同行每位HK$646起，連稅HK$1,276起，去程航班有限制：台北去程只可坐晚上9點後航班；飛高雄坐下午4點後出發既航班；台中方面就要坐下午2點後出發嘅航班；回程無限制，視乎供應。另外，出發日期由9月9日至9月25日：香港往返台北、高雄、台中二人同行每位HK$750起，連稅HK$1,380起。想1人出發加多HK$104起就得。機票有效期7日，可以Open Jaw（台北/高雄/台中/台南返香港都得）！最後售票日期係8月18日08:00前！啱就上官網買！

提提您：1. 華航官網冇得訂不同城市往返機票，乘客須先訂好來回機票然後打去華到航熱線更改（2868 2299），華航官網已寫明”視乎機位供應情況”，要有心理準備到時未必改到心水航班。2. 回程能否改日子，要視乎您揀選航班之票價規定，詳情請參考”票價規則” -> “更多票價規則”內第22點，如沒有列明”不可改回程日子”，則可致電更改。

網址：www.china-airlines.com

（覺得抵可用Whatsapp同LINE Share俾朋友架）

華航翻翻翻翻翻劈！飛台灣多個城市，2人同行每位$646起，可OpenJaw，今晚12點前出飛

加航直飛多倫多連稅唔過一萬嘅盤又嚟喇！出發日期為10月9日-12月31日、2015年1月6日-2月13日、2月23日-3月20日、4月5日-6月15日，淨機票來回HK$6,300起，連稅HK$8,523起，雖然比上個月賣貴咗HK$400，不過東岸唔過萬仲要直航，仍然有睇頭。Check過系統，驚喜在於聖誕出發都有，如12月23-30，請4日假就玩8日，適合返鄉下探親用途，機票有效期為1個月，最後出票日期為8月30日，官網無得賣，啱就上ZUJI買啦。

網址：www.zuji.com.hk

（覺得抵可用Whatsapp同LINE Share俾朋友架）

加拿大航空淡季直航多倫多$6,300起，聖誕都有