上星期華航推出嘅台北同台中優惠，唔知大家有無買到呢？今晚12點又嚟喇，推出Lucky 7驚喜票第二擊，出發日期由依家至9月28日、10月3日至12月10日：香港經台北來回大阪、沖繩、高松每位淨機票HK$1,277起，連埋計大阪HK$2,176起、沖繩HK$2,022起、高松HK$1,976起，呢口價以大阪相對吸引，雖然要轉機，但如果坐廉航，加埋行李同飛機餐，條數都差唔多啦。不過最吸引當然係加多HK$2,000就可以Upgrade坐上商務艙，除咗可以享受更闊落嘅座位同飛機餐之外，就連轉機個段時間都可以用埋機場貴賓室。提提您：呢張飛唔可以停台北，出票日期由9月8日至9月10日，機票有效期為7日，啱就記住今晚12點上華航官網睇睇。

網址：www.china-airlines.com

（覺得抵可用Whatsapp同LINE Share俾朋友架）

嘩！12點即搶！華航香港飛大阪、沖繩、高松來回每位$1,277起，加$2,000來回均升商務艙

飛歐洲，識貨嘅朋友都知瑞士航空係靚嘢，只可惜香港出發好少有劈盤，呢次就俾我哋率先發現原來只要肯由新加坡出發，回程照返香港，來回淨機票HK$1,170起，連稅最平可以去到HK$4,073起，加埋香港飛新加坡單程廉航包行李，都係HK$5,000唔駛，仲可以Open Jaw（正確嚟講係Double Open Jaw）！出發日期由11月至2015年5月都有！聖誕節新年冇，農曆新年有，例如新加坡經蘇黎世飛英國曼徹斯特，瑞士盧森堡經蘇黎世回香港，2015年2月18日（大年三十晚）去3月3日返來回連稅HK$4,083起；又例如去程飛伯明翰回程盧森堡，例如2015年2月6日去2月13日返，來回連稅一樣HK$4,073起，如果係正復活節假（4月4日去4月12日返）就HK$5,032起；咪以為淨係得飛英國先有，其他歐洲航點都有，例如去程飛德國法蘭克福，巴塞隆拿回香港，2015年5月5日去12日返來回連稅都係HK$4,387起。由於極多歐洲城市來回組合，建議大家上Expedia慢慢發掘，基本上連稅HK$5,000之內都搵到，個別日子或航點可能改搭同系嘅德國漢莎航空（經法蘭克福或慕尼黑轉機）。最少須逗留6日，最長1個月。轉機不可停留。Expedia比官網平多幾舊，邊度訂，自己諗（Class Code係K，只能儲極少里數，不要也罷）。最後出票日期為10月5日。

至於香港去新加坡，酷航經常有平貨買，冇特價時單程連稅連20kg行李都係HK$742起，唔駛行李就HK$610起，週一佢哋會做Promo，詳情明早先知，不過頂多平一兩舊而已。

Expedia網址：www.expedia.com.hk
瑞航網址：www.swiss.com

（覺得抵可用Whatsapp同LINE Share俾朋友架）

首報！瑞士航空新加坡往歐洲，歐洲返香港，再可Open Jaw，來回$1,170起