今個禮拜嘅華航週末劈，香港往返台北、高雄、台中、台南，一人出發都得，出發日期為10月14日至11月15日：來回淨機票HK$680起，連稅計HK$1,304起，台北去程限坐晚上8點後航班，台中去程限坐下午2點後航班，回程視乎供應。如果想喺10月3日至10月8日、10月11日至11月15日出發：來回淨機票HK$790起，連稅計HK$1,414起。機票有效期7日，可以Open Jaw（即不同城市回程），回程可揀番台北/高雄/台中/台南，最後出票日期為9月15日早上8點正，官網有售。

提提您：1. 華航官網冇得訂不同城市往返機票，乘客須先訂好來回機票然後打去華到航熱線更改（2868 2299），華航官網已寫明”視乎機位供應情況”，要有心理準備到時未必改到心水航班。2. 回程能否改日子，要視乎您揀選航班之票價規定，詳情請參考”票價規則” -> “更多票價規則”內第22點，如沒有列明”不可改回程日子”，則可致電更改。

網址：www.china-airlines.com

（覺得抵可用Whatsapp同LINE Share俾朋友架）

華航週末劈，台北高雄台中台南來回$680起，可Open Jaw，11月15日前出發

芬蘭航空係小小編其中一間好鍾意嘅航空公司，服務水平好有保證，不過佢少有劈價，今次就有喇！出發日期由9月30日至明年3月29日：經芬蘭首都赫爾辛基轉機至歐洲各大城市，來回淨機票HK$3,990起，連稅計：馬拉加HK$7,016起、華沙HK$7,048起、日內瓦HK$7,090起、巴塞隆那HK$7,099起、馬德里HK7,110起、布拉格HK$7,114起、米蘭HK$7,149起、布達佩斯HK$7,180起、布魯塞爾HK7,190起、羅馬HK$7,194起、蘇黎世HK$7,204起、阿姆斯特丹HK$7,206起、巴黎HK$7,245起、聖彼德堡HK$7,213起、莫斯科HK$7,225起、漢堡HK$7,466起、維也納HK$7,516起、柏林HK$7,539起、杜塞道夫HK$7,541起、慕尼黑HK$7,579起、法蘭克福HK$7,666起、曼徹斯特HK8,122起、倫敦HK8,383起。呢口價唔算話係好平，但賣點有三：1. 可以Open Jaw；2. 駁機時間快，停赫爾辛基大概一至兩個鐘就有機走；3. 機票有效期1個月。不過最搞笑嘅係：如果只係去赫爾辛基嘅，係冇得減嘅！想Stopover赫爾辛基？Sorry！都唔得！Check過系統，呢口價供應量足，不過旺季期間就無喇。就最後出票日期為9月23日，啱就上ZUJI或官網買啦。

ZUJI網址：www.zuji.com.hk

官方網址：www.finnair.com

（覺得抵可用Whatsapp同LINE Share俾朋友架）

芬蘭航空冬天歐洲盤，來回歐洲各線$3,990起，可Open Jaw