唔想轉機飛倫敦，可以考慮維珍航空推出嘅2人同行優惠，出發日期為10月5日至12月17日、12月24日至12月31日：直航倫敦每位來回價HK$3,990起，連稅HK$7,515起，呢口價直航嚟講都算OK；另外經倫敦轉飛鴨巴甸、愛丁堡、曼徹斯特都有平，連稅$7,776起，補返稅嘅差價就可以stopover倫敦。呢隻盤最大賣點係機票有效期長達3個月，探親絕對啱用。Check過系統，供應量足，聖誕跨年旺季都有。提提您，鴨巴甸同曼徹斯特航線要經維珍航空訂位部（2532-6060）先訂到。訂票日期由依家到9月20日，有興趣可上Travelzen訂飛。

網址：www.travelzen.com

（覺得抵可用Whatsapp同LINE Share俾朋友架）

聖誕跨年都有！維珍航空2人同行飛倫敦、鴨巴甸、愛丁堡、曼徹斯特每位來回$3,990起，3個月有效期

極少劈價嘅泰航，為配合泰國旅遊推廣活動，一係唔出手，一出對手冇得抖！飛曼谷來回淨機票HK$820起，連稅HK$1,491起，航班選擇勁多！布吉來回HK$1,120起，連稅HK$1,791起，直航架！呢條航線好耐都冇劈lu！經曼谷轉飛喀比（Krabi）／清萊（Chiang Rai）／清邁／合艾（Hat Yai）／孔敬（Khon Kaen）／鳥汶（Ubon Ratchathani）／素叻他尼（Surat Thani）／烏東他尼（Udon Thani）來回HK$1,670起，連稅HK$2,288起，可免費中停曼谷一次，出發日期為10月3日至12月23日；12月27日至1月31日，難得包埋年尾旅遊旺季（布吉仲要係直航添）！一定搶啦！Check過系統，聖誕節期間出發就冇，其他日子唔難搵。機票有效期14日（比港航7日長），最後出票日期為9月30日。官網冇得賣，上ZUJI快手訂。

網址：www.zuji.com.hk

（覺得抵可用Whatsapp同LINE Share俾朋友架）

泰航大劈！來回曼谷$820起，布吉$1,120起，轉飛其他內陸城市$1,670起，2015年1月31前出發