Hotels.com推出全新9折Code，不過今次只限用手機版網站或手機Apps預訂，入住日期由依家至6月30日，優惠包含農曆新年同復活節旺季，除咗連鎖酒店唔用得外（輸入Code後會出現”此折扣代碼不適用於你想預訂的酒店”），不論國家／地點都可以用到，可以港幣結算。最後使用日期為3月31日。老規舉：訂房前，請先比價。

請留意：用咗折扣Code後唔可以再享有Hotels.com買10晚送1晚優惠。

折扣代碼：MOBAND1

網址：www.hotels.com （記住用手機瀏覽器Click呢條Link先用得Code）

（覺得抵可用Whatsapp同LINE Share俾朋友架）

Hotels.com手機版訂房9折Code，新年復活節都用得，6月30日前入住

長榮見國泰劈台北線，「毛病Fat」唔跟啦！人哋叫HK$700，佢就HK$689起（連稅HK$1,046）！梗係殺啦！出發日期2月24日至3月30日，去程限坐BR828 07:30 / 09:10（週日至週三）或BR810 21:50 / 23:35（週一、二、四、五），如果想揀BR868 13:40 / 15:20就要補HK$46起；至於回程限坐中午1點前或晚上9點後。呢口價以長榮嚟講真係堅平，雖然航班選擇唔多，但都有唔少早去晚返選擇，加上燃油費下調，所以比上期價惠又平咗HK$100左右，又迫您去囉（如果想OpenJaw，可以睇睇國泰隻盤）！Check過系統，供應都唔少，機票有效期為7日，最後訂票日期為2月18日，啱就上ZUJI買。

網址：www.zuji.com.hk

（覺得抵請記得按Like同Share俾朋友）

齊齊追殺$689！長榮台北再劈一刀！3月30日前出發

國泰千揀萬揀，揀咗德國杜塞爾多夫作為新一期歐洲直航航點。主場隻德國漢莎航空當然不甘示弱，推出經慕尼黑飛杜塞爾多夫轉機新盤：來回HK$3,800起，連稅HK$6,354起，呢口價雖然比國泰直航貴HK$420左右，但勝在可以Openjaw（去程必須為杜塞爾多夫），舉例巴黎走，來回連稅HK$5,690起，咁就可以細味更多國家啦！出發日期由9月15日至12月31日，Check過系統，供應以淡季為主，機票有效期1個月，最後出票日期為3月3日，上Expedia買。

網址：www.expedia.com.hk

（覺得抵可用Whatsapp同LINE Share俾朋友架）

漢莎跟劈！飛德國杜塞爾多夫$3,800起，可OpenJaw，12月31日前出發

捷星日本（Jetstar Japan）將於2月12日10:00am推出直航大阪超平優惠，出發日期由2月28日至7月8日，今次真係鬥快狂搶：單程淨機票HK$66起，如果來回都搵到呢口價連稅計HK$659起，呢口價真係平到震，拿拿臨問埋朋友搵定護照同信用卡出嚟掃平飛啦！以上價格不包行李寄艙及飛機餐，最後訂飛日期為2月17日。

手提行李包限7kg，行李寄倉每程收費：
15kg – HK$165；20kg – HK$190；25kg – HK$220；30kg – HK$255；35kg – HK$290；40kg – HK$325。

航班時間：

香港->大阪
GK62　14：10 / 18：25（首航 2月28日）
GK62　13：00 / 17：15（只限3月3日）
GK62　12：45 / 17：00（3月6日至3月28日 週五、日）
GK62　14：10 / 18：25（3月6日至3月28日 週六）
GK64　21：25 / 02：05+1（3月29日至7月17日 週三、五、日）

大阪->香港
GK61　09：55 / 13：10（首航 2月28日）
GK61　08：40 / 11：55（只限3月3日）
GK61　08：35 / 11：50（3月6日至3月28日 週五、日）
GK61　09：55 / 13：10（3月6日至3月28日 週六）
GK63　17：20 / 20：15（3月29日至7月17日 週三、五、日）

網址：www.jetstar.com

（覺得抵請記得按Like同Share俾朋友）

嘩！暴搶！捷星日本香港飛大阪單程$66起，來回連稅$659起

12/2最新Update：澳門出發都有二人同行買一送一，來回連稅及附加費2位合計HK$1,322起（即每位HK$661起）

澳門fans留意！明日（2月12日）中午12:00，台灣虎航（台灣版）開賣情人節二人同行買一送一優惠，推出單程台北/高雄飛澳門回程劈！連稅及預訂服務費兩位合計TW$2,118起（約HK$521起，即每位HK$261起），而今次澳門出發估計未包含在內，不過唔好理，平成咁，買咗先！之後再等佢開賣去程優惠。出發日期由3月1日至6月30日，以上格價不包飛機餐及行李寄艙。最後出票日期為2月14日11:59pm。啱就明日上虎航台灣版網站出票。

提提您：如果用虎航Andriod Apps或手機版（http://m.tigerair.com）網頁，俾錢時揀用‘au-issued master debit’，之後用您任何一張Master Card付款，就可以免除預訂服務費喇。

每程寄倉行李收費（為折算港幣後大約價錢）：

15kg – HK$102；20kg – HK$118；25kg – HK$133；30kg – HK$149；35kg – HK$220；40kg – HK$276。

航班時間表（由2015年3月29日開始）：

澳門->台北 IT302 22:10 / 23:55 (逢週二、三、五、六)、IT304 01:40 / 03:30 (每日)
台北->澳門 IT301 06:30 / 08:20（逢週二、三、五、六）、IT303 21:30 / 23:20（每日）

澳門->高雄 IT322 09:00 / 10:40（逢週二、三、五、六）
高雄->澳門 IT321 19:40 / 21:20（逢週二、三、五、六）

網址：www.tigerair.com

（覺得抵可用Whatsapp同LINE Share俾朋友架）

台灣虎航情人節激劈！二人同行一位免費！台北/高雄單程飛澳門連稅每位$261起，明日中午開搶

唔知大家對塔斯曼尼亞（Tasmania）嘅印象如何呢？小小編記得年幾前睇過一個旅遊節目叫〈塔斯曼尼亞的日與夜〉，就已經被佢嘅大自然風光所吸引，所以去塔斯曼尼亞絕對係一個小小的大心願（版主就去過，據聞佢日日食生蠔，嘿嘿）。

其實塔斯曼尼亞有62個香港左右咁大。但人口得50萬左右，工業化較低，污染較少，政府盡可能保持原生態，所以喺2014年10月，塔斯曼尼亞被《Lonely Planet》評選為“2015年全球十大最佳旅行地區”之一，亦係澳紐唯一上榜嘅地區。得獎嘅原因皆因佢有古老嘅雨林、起伏嘅群山同壯麗嘅海岸景色！而呢個小島上約有百分之四十係國家公園、保護區同世界遺產，仲可以拜候超卡哇伊嘅袋熊、小霸王塔斯曼尼亞魔鬼同睇到企鵝回巢，除咗啱鐘意影相嘅您，亦都啱一家大細嚟大自然同野生動物上寶貴嘅一課。

如果想玩得激，都冇問題，可以坐船出海，面對一望無際的南太平洋，心曠神怡。或者坐四驅車喺原始森林嚟一場大冒險都唔錯。

除咗玩，小小編最鐘意就係食喇！嚟到塔斯曼尼亞可以試到即開即食嘅太平洋新鮮生蠔、鐘意品酒必試黑皮諾葡萄酒，當然唔少得去果園採摘新鮮莓果即摘即食啦，仲有芝士同蜂蜜，買啲翻嚟做手信都唔錯！筆值多少少就記住食餐鮮活生蠔鮑魚宴，一定令您呢個旅程帶嚟一個完美嘅句號！（小小編細聲講：記得年幾前見到版主喺塔斯曼尼亞返嚟，食到肥咗兩個碼，搞到返嚟要做Gym Keep Fit！）

由香港去塔斯曼尼亞雖然冇直航，其中澳洲航空（Qantas Airways）每日由澳洲各地城市提供多班內陸航班直達首府荷伯特（Hobart）或位於北部嘅第二大城市朗塞斯頓（Launceston）。由墨爾本或悉尼出發只需要50分鐘至1小時10分鐘左右，就可以嚟到呢個大自然寶庫。無論您嘅假期係幾長定幾短，呢個地方一定令您滿載而歸。

澳洲航空網址：www.qantas.com

塔斯曼尼亞旅遊局網址：www.discovertasmania.com

（覺得正可用Whatsapp同LINE Share俾朋友架）

澳元跌！平玩豪食，享受盡在塔斯曼尼亞

今個農曆新年，去邊度旅行都好，記得買埋旅遊保險，依家經中銀香港投保「環宇旅遊綜合險」，單次旅程計劃保費低至85折優惠，如果一家大細去，家庭投保保費可低至每人HK$41起^。如果成日都要飛，建議買全年保險計劃，因為有9折優惠兼送HK$100超市禮券。成功投保更可獲得高達10,000中銀信用卡簽賬積分# ，簽賬積分仲可以換到「亞洲萬里通」里數（每15分 = 1里數），咁下次又可以用分換機票去玩喇！即刻上www.bochk.com或download 中銀香港App 投保「環宇旅遊綜合險」喇！優惠期由即日起至2015年2月22日，優惠受條款約束，活動詳情同投保範圍請去中銀香港官網睇睇（請留意：買保險唔同訂酒店/機票，千祈唔好單睇保費多少，一定要比較埋受保範圍及賠償金額多少先係真正格價）。

^以父母及2名6星期至17歲或以下子女同時投保4天「地區1–銀計劃」計算，適合亞洲熱門地點短遊人士
( 地區 1 的受保地區包括中國內地、台灣地區、緬甸、泰國、馬來西亞、新加坡、印尼、菲律賓、汶萊、越南、柬埔寨、老撾、韓國、日本及關島。地區 2 的受保地區包括世界各地。)

# 簽賬積分：所有客戶經中銀信用卡付款及登記直接付款授權服務可獲5,000簽賬積分。折後保費達HK$200或以上嘅「智盈理財」客戶可獲額外2,500中銀信用卡簽賬積分，而「中銀理財」客戶可獲額外5,000中銀信用卡簽賬積分。

網址：http://goo.gl/osM6Oh

（覺得抵可用Whatsapp同LINE Share俾朋友架）

經中銀香港投保「環宇旅遊綜合險」，單次旅程計劃保費低至85折，家庭投保每人$41起。有機會獲贈$100超市禮券及高達10,000中銀信用卡簽賬積分

AirAsiaGo開賣日本8大旅遊熱點酒店半價劈，包含東京、大阪、京都、札幌、名古屋、廣島、褔岡、沖繩，合共61間酒店，最平未連稅計每晚HK$316起，總有您心水啦！入住日期由依家至8月31日，以下酒店值得推介：

1. 東京：新宿陽光酒店（Hotel Sunlite Shinjuku）每晚HK$614起（未連稅，下同），住喺新宿區，搭車去近去遠都好方便，而且行去購物區只需8分鐘，趁日元低微，不如就去新宿瘋狂購物啦；

2. 大阪：南船場哈頓酒店（Hearton Hotel Minamisenba）每晚HK$438起，位於心齋橋筋，由心齋橋地鐵站1號出口行4分鐘就到，就算行去難波、黑門市場都係12分鐘，呢間酒店地理位置絕對係正；

3. 京都：都市酒店（Urban Hotel Kyoto）每晚HK$345起，酒店行5分鐘就到JR稻荷站和電鐵深草站，往返京都市內外或關西各市都好方便；

4. 札幌：新太陽道酒店（Hotel Sunroute New Sapporo）每晚HK$399起，酒店位處狸小路六町目，激安殿堂、藥裝店、各式各樣食肆勁齊全；

5. 名古屋：誠信酒店（Hotel Trusty Nagoya）每晚HK$362起，行去榮區Shopping都係7分鐘，酒店離伏見地鐵站一號出口只需5分鐘，酒店樓下就有便利店，要買日常用品都好方便；

6. 褔岡：東急博多卓越酒店（Hakata Excel Hotel Tokyu）每晚HK$445起，酒店前面嘅小河沿路有好多多屋台，想食地道野或九州拉麵絕多選擇，而酒店離地鐵中洲川端站步行一分鐘，至於去運河城Shopping都係行10分鐘，絕對係一間舒適方便嘅酒店。

仲有其他平房，可上番佢官網望望。提提您，最後訂房日期為2月14日。

網址：www.airasiago.com

（覺得抵可用Whatsapp同LINE Share俾朋友架）

AirAsiaGo日本8大旅遊熱點酒店半價劈，8月31日前入住