Hotels.com推出全新9折Code，不過今次只限用手機版網站或手機Apps預訂，入住日期由依家至5月31日，優惠包含農曆新年同復活節旺季，除咗連鎖酒店唔用得外（輸入Code後會出現”此折扣代碼不適用於你想預訂的酒店”），不論國家／地點都可以用到，可以港幣結算。最後使用日期為2月28日。老規舉：訂房前，請先比價。

請留意：用咗折扣Code後唔可以再享有Hotels.com買10晚送1晚優惠。

折扣代碼：MOBCNY15

網址：www.hotels.com （記住用手機瀏覽器Click呢條Link先用得Code）

（覺得抵可用Whatsapp同LINE Share俾朋友架）

Hotels.com手機版訂房9折Code，新年復活節都用得，5月31日前入住

超平班霸俄航翻推佢嘅歐洲盤，抵過去日本！今次嘅出發日期延長至6月20日（3月5日至3月10日除外），連稅平過HK$4,000嘅平飛都有唔少，來回淨機票HK$1,550起，連稅計：直航莫斯科HK$2,648起（3月前）！！！！經莫斯科轉機：奧斯陸HK$3,374起、斯德哥爾摩HK$3,410起、米蘭HK$3,517起、羅馬HK$3,597起、巴黎HK$3,737起、伊斯坦堡HK$3,877起、巴塞隆拿HK$3,966起、哥本哈根HK$3,969起、法蘭克褔HK$3,986起、馬德里HK$4,005起、布達佩斯HK$4,007起、阿姆斯特丹HK$4,030起、柏林HK$4,281起、維也納HK$4,303起、倫敦HK$4,772起。以上咁多個航點，平成咁，點會唔心動先？呢張飛可以OpenJaw，加上機票有效期165日，玩盡東南西北先返啦，最後訂飛日期至2月28日，去Expdia買飛。

網址：www.expedia.com.hk

（覺得抵可用Whatsapp同LINE Share俾朋友架）

超平班霸俄航Encore！來回連稅莫斯科$2,648，歐洲其他航點跌破$4,000！可OpenJaw，6月20日前出發

當對手係咁減，華航都出手喇，不過同之前水位一樣，台北、高雄、台中、台南來回淨機票HK$680起，連稅HK$1,082起，價錢競爭冇長榮、國泰港龍咁正，叫做有獨家台南線同可OpenJaw，出發日期由2月27日至4月1日、4月7日至4月29日、5月3日至5月21日、5月25日至5月31日。同過往一樣，台北去程限坐晚上9點後嘅航班、台中去程限坐AE1832（20:40 / 22:10）、高雄去程限坐CI938（21:35 / 22:55），至於回程同台南航線無限制睇供應，如果想航班選擇多啲就要補HK$110起。依舊可以Open Jaw（回程可揀台北／高雄／台中／台南）。Check過系統，供應足，可以過一個Long Weekend。機票有效期7日，最後訂飛日期為3月1日23:59，上官網買吧～

提提您：1. 華航官網冇得訂不同城市往返機票，乘客須先訂好來回機票然後打去華到航熱線更改（2868 2299），華航官網已寫明”視乎機位供應情況”，要有心理準備到時未必改到心水航班。2. 回程能否改日子，要視乎您揀選航班之票價規定，詳情請參考”票價規則” -> “更多票價規則”內第22點，如沒有列明”不可改回程日子”，則可致電更改。

網址：www.china-airlines.com

（覺得抵可用Whatsapp同LINE Share俾朋友架）

華航限時優惠又嚟喇，台北、高雄、台中、台南來回$680起，可Open Jaw，5月31日前出發

愈來愈多海外商戶接受銀聯卡，如果您身上都有一張（不論信用卡抑或提款卡），呢個優惠值得留意：由依家至2月28日，凡先登入銀聯「旅遊貼士網」即可免費下載咖啡或礦泉水贈飲券，去到香港機場只要Show銀聯卡+登機證+贈飲券，即可去Pacific Coffee換咖啡乙杯或Relay換Evian礦泉水乙支；另外去日、韓、台旅遊時憑銀聯卡消費，除享有個別商戶折扣外（例如日本丸井百貨（優惠至2015年6月30日）、日本阪急百貨（優惠至2015年12月31日）有95折），消費滿等值人民幣3,000或以上，憑收據返香港中旅社任何一間分店即可換領HK$300超巿/旅遊禮券（送完即止）。近排日Yen咁平，加上有HK$300 Coupon送，下次去日本記得用銀聯卡消費。優惠受條款及細則約束，詳情請去官網睇睇。

網址：www.unionpayintl.com/hk/travel

（覺得抵可用Whatsapp同LINE Share俾朋友架）

打孖送！帶銀聯卡去機場免費嘆咖啡或Evian，飛日、韓、台消費滿等值人民幣3,000再送$300超市禮券

陣間12點，酷航又有開倉筍盤益大家，來回連稅計：新加坡HK$807起、澳洲珀斯$2,324起（已包去程Scoot-Thru轉機服務，酷航硬性規定，因為去程轉機時間太少）、黃金海岸/悉尼$2,558起，新加坡口價比之前貴咗啲啲，不過坐全新787夢幻客機；相反，澳洲盤就平咗（依家仲係旺季架），加上澳元跌，值得入貨。由於酷航係廉航，可以分開買單程，啱晒去Working Holiday／留學／探親朋友選購。出發日期由依家至5月28日，以上價格不包行李寄艙同飛機餐，最後出票日期至2月15日。

如果嫌酷航冇免費行李寄艙同飛機餐，可睇睇新航隻盤，來回新加坡$970起，連稅HK$1,451起。

提提您：
新加坡每程寄艙行李費：15kg HK$120、20kg HK$132
澳洲每程寄艙行李費：15kg HK$330、20kg HK$372
至於飛新加坡航班時間方面，早機出發，凌晨機返，一落機返工，慳返日假實行玩到盡！
去程：TZ221 07:05 – 10:50（2015年3月31日前）；07:10 – 10:50（2015年4月1日後）
回程：TZ220 01:50 – 05:40（2015年3月31日前）；01:50 – 05:40（2015年4月1日後）

網址：www.flyscoot.com

（覺得抵可用Whatsapp同LINE Share俾朋友架）

12點開搶！酷航來回連稅新加坡$807、澳洲珀斯$2,324、黃金海岸/悉尼$2,558起，5月28日前出發

依家飛新加坡，最平係酷航，連稅七舊水但唔包行李寄艙及飛機餐。想時間靚仔啲又有服務，佢阿媽新航有貨喎！來回新加坡$970起（連稅HK$1,451），扣番起行李價值（以酷航為例，來回20kg合共HK$264），價錢同酷航差HK$4xx多啲，但新航航班選擇極多：除咗去程SQ857（09:05 / 12:55）唔揀得外，其他都可以揀（睇供應），有機會來回都揀到A380班次添（去程SQ861 15:20 / 19:20，回程SQ856 09:30 / 13:30），呢4舊水個人認為值得俾，唔知您又點睇？出發日期為2月24日至3月31日，機票有效期5日，Expedia比官方平HK$10，去邊度買，自己諗。

網址：www.expedia.com.hk

（覺得抵請記得按Like同Share俾朋友）

廉航價飛A380！新航來回新加坡$970起，3月31日前出發

歐洲平飛一地都係！中東三寶之一嘅阿聯酋航空又返嚟lu！出發日期由2月23日至6月10日（視乎航點），經杜拜轉機來回歐洲各地HK$1,020起，連稅計：莫斯科HK$4,523起、聖彼得堡HK$4,802起、布達佩斯HK$5,367起、伊斯坦堡HK$5,427起、奧斯陸HK$5,614起、蘇黎世HK$$5,718起、布魯塞爾HK$5,756起、巴黎HK$5,787起、巴塞隆拿HK$5,906起、哥本哈根HK$5,909起、羅馬HK$5,937起、米蘭HK$5,957起、法蘭克福HK$6,056起、曼徹斯特HK$6,683起、倫敦HK$6,910起，仲有其他歐洲城市。去程航班香港飛杜拜限坐EK387/EK383，回程杜拜返香港限坐EK386/EK380，可以OpenJaw（不同城市往返），呢口價雖然無俄航咁發出震撼性聲音，但阿聯酋質素始終高啲，有溢價屬正常。Check過系統，淡季機票供應足，如果想中停杜拜，補番約HK$180左右機場稅就得。機票有效期為1個月，最後出票日期為2月17日，上官網買。

網址：www.emirates.com

（覺得抵可用Whatsapp同LINE Share俾朋友架）

阿聯酋航空又嚟，來回歐洲連稅$4,523起，可OpenJaw，6月10日前出發

連稅幾舊水，就可以包晒機票加酒店？Expedia有啦！佢推出全新泰國及馬來西亞嘅套票優惠，目的地包括沙巴、曼谷、布吉、清邁、吉隆坡，出發日期由依家至6月30日，以3日2夜套票為例（日子冇定，只係舉例），每人來回機票 + 3星酒店 + 所有稅款大概HK$748起，真係迫您飛！今次就介紹啲心水酒店俾大家：

沙巴：文華東方酒店（http://flyagain.la/ckdl）3日2夜全包價每位HK$1,035起，喺市中心嘅假日市場隔離，交通好方便，旁邊有好多餐廳，離怡豐，天天，佑記，新記都好近，食盡馬來西亞各種美食；

曼谷：檸檬茶酒店（http://flyagain.la/2ffx）3日2夜全包價每位HK$1,690起，位於水門市場，唔洗小小編多講都知有好多好野食啦，行10分鐘就係Big C同大型商場，您識揀啦；

布吉：新諾酒店（http://flyagain.la/5hsp）3日2夜全包價每位HK$1,206起，酒店設有泳池同桌球室，坐10分鐘車就到Central Festival同BigC，加上房內嘅mini bar仲係免費食用，Hea嘆一流；

清邁：Arte House（http://flyagain.la/702q）3日2夜全包價每位HK$1,572起，酒店以民宿設計，位於古城區內，去周日市場只需8分鐘，小小編提議參加一天Local Tour可去西門（Tha Phae Gate）搵比利叔叔報團，由酒店行去只需5分鐘；

吉隆坡：卡普里弗雷澤酒店（http://flyagain.la/35td）3日2夜全包價每位HK$1,737起，首先推介位於33樓嘅無邊泳池，酒店裝修舒適，獲得97%Expedia房客推薦，係性價比高嘅選擇。

仲有其他平房，可上番佢官網望望。最後出票日期：泰國各航點為2月22日、馬來西亞各航點為3月1日。

沙巴套票預訂網址：http://flyagain.la/8o1f

曼谷套票預訂網址：http://flyagain.la/cn78

布吉套票預訂網址：http://flyagain.la/pco2

清邁套票預訂網址：http://flyagain.la/6qgs

吉隆坡套票預訂網址：http://flyagain.la/blmw

（覺得抵可用Whatsapp同LINE Share俾朋友架）

Expedia全新沙巴、曼谷、布吉、清邁、吉隆坡套票優惠，每位$748起，6月30日前出發