今晚樂桃開賣回程，但名額只限1千，如果搶唔到，仲有機會！明日（8月7日）香港時間早上9時，捷星日本（Jetstar Japan）開賣：東京成田5,990円起，連稅8,830円（約HK$548）起；大阪飛香港單程4,990円起，連稅9,330円（約HK$579）起，出發日期由10月28日至12月17日、2016年1月14日至1月29日、2月16日至3月10日，呢口價真係平呀，拿拿臨問埋朋友搵定護照出嚟明早準時掃平飛啦！以上價格不包行李寄艙及飛機餐，最後訂飛日期為8月10日5pm。

手提行李包限7kg，行李寄倉每程收費：
15kg – HK$143；20kg – HK$161；25kg – HK$186；30kg – HK$217；35kg – HK$248；40kg – HK$279。

網址：www.jetstar.com

（覺得抵可用Whatsapp同LINE Share俾朋友架）

嘩！明早開賣！捷星日本東京飛香港單程$548起、大阪飛香港單程$579起，2016年3月10日前出發

飛中南美洲機票一向較貴，今次呢口價，分分鐘令您大破慳囊，發瘋搶購：搭美國航空，由香港經美國達拉斯轉機（要有美國簽證），來回淨機票HK$3,920起，連稅計：墨西哥城HK$5,385、墨西哥坎昆HK6,249、巴西聖保羅HK$6,851、巴西里約熱內盧HK$8,058、秘魯利馬HK$8,155、烏拉圭蒙德維的亞HK$8,310起、哥倫比亞波哥大HK$8,395、阿根廷布宜諾斯艾利斯HK$8,708、厄瓜多爾瓜亞基爾HK$9,024起，當中聖保羅連稅唔駛七千，比以往平三四千！墨西哥口價都幾靚仔！呢口價包埋2件23kg寄艙行李，仲可以Openjaw（不同城市往返），不走回頭路，舉例聖保羅入、布宜諾斯艾利斯出HK$8,746起。呢張飛Class Code係N，以香港來回聖保羅為例，可賺到約18,000Asia Miles，已經可以免費換1張來回台北／越南經濟位機票，惟每個Class Code機票數量有限，建議致電Ctrip客服查詢您心水日子機票之艙等。出發日期由10月5日至12月10日、2016年1月22日至2月2日、2月12日至3月30日，可惜平飛日子唔多，要花時間發掘下。機票有效期1個月，最後出票日期為8月15日，Ctrip先有平。

網址：www.ctrip.com.hk

（覺得抵可用Whatsapp同LINE Share俾朋友架）

破瘋！超平飛南美！美國航空來回中南美洲各地$3,920 起，2016年3月30日前出發

邊個話玩馬爾代夫要幾皮嘢㗎？一於把握今次平套票機會：經Expedia香港買虎航套票，由香港出發經新加坡來回馬爾代夫，以6日4夜2人同行為例（幾多日都得，只係舉例），每人來回機票 + 3至5星酒店 + 所有稅款只係HK$3,347起（舉例11月15日出發，11月20日回程，住馬爾代夫景色民宿），價錢竟然與峇里島/關島相若！豪啲住水上屋，機加酒加三餐加水上飛機加稅，每人只需HK$10,000左右！快啲睇睇心水酒店介紹：

1. 帕拉左拉穆酒店（http://flyagain.la/wbn4）6日4夜全包價每位HK$3,786起（另加水上飛機接送機場服務，每位來回約HK$1,550起，須額外訂購），包早餐，酒店設有室外泳池及健身俱樂部，仲可以租用單車同玩各類水上活動；

2. 瑪薩瑞精品酒店（http://flyagain.la/kz0i）6日4夜全包價每位HK$3,853起（另加水上飛機接送機場服務，每位來回約HK$1,550起，須額外訂購），包早餐，酒店除了設有健身室、沙灘外，更可參加潛水、浮潛、單車租借、滑浪、釣魚等活動；

3. 赤道村酒店（http://flyagain.la/x9bd）6日4夜全包價每位HK$4,425起（另加水上飛機接送機場服務，每位來回約HK$3,131起，須額外訂購），酒店設有室外泳池、兒童游泳池及網球場，仲可以租用單車，Hea靈玩假期；

4. 可哈德島酒店（http://flyagain.la/ljie）6日4夜全包價每位HK$5,918起（另加水上飛機接送機場服務，每位來回約HK$3,642起，須額外訂購），酒店屬於5星別墅度假村，整個島嶼均屬於酒店管理，除咗一般酒店設施及活動外，更有壁球室及水療，以呢口價嚟講，確實抵玩。

以上價格不包飛機餐及行李寄艙，出發日期由8月17日至9月17日、10月5日至11月28日、2016年1月5日至1月23日，仲有其他平房，可直接上Expedia香港搵。

此外，經Expedia買套票有一個優點，可以免費Stay Behind：只要喺Search Engine中揀選”我只需要在部分旅程中入住酒店”，再揀選需要入住房間的日子就可以，其他日子您住邊都得，非常有彈性。最後訂房日期為8月12日。

網址：www.expedia.com.hk

（覺得抵可用Whatsapp同LINE Share俾朋友架）

嘩！夢想成真！Expedia6日4夜馬爾代夫套票連稅每位$3,347起，2016年1月23日前出發

荷蘭皇家航空推出冬天優惠，出發日期由10月1日至12月31日，香港直航阿姆斯特丹淨機票HK$4,580起，連稅計HK$5,367起，直航唔洗HK$6K，都幾有睇頭。除此之外，其他歐洲城市都有（經阿姆斯特丹轉機）淨機票HK$4,240起，連稅計：巴塞隆拿HK$5,877起、馬德里HK$5,887起、日內瓦HK$5,896起、哥本哈根HK$5,911起、布魯塞爾HK$5,955起、羅馬HK$5,966起、巴黎HK$6,004起、倫敦HK$6,933起，其他航點可以上官網搵。呢口價對比上期平HK$400左右，連稅價普遍回落至HK$6K以下，而呢張飛可以Openjaw（請用Multi-City去Search），舉例倫敦入、阿姆斯特丹直航走，連稅計HK$5,654起，咁就可以慳返英國離境稅。Check過系統，呢口價供應量足，聖誕旺季未見有平，機票有效期1個月，最後出票日期為8月18日，啱就上官網訂飛。

網址：www.klm.com

（覺得抵可用Whatsapp同LINE Share俾朋友架）

歐洲秋冬早盤，荷航直航阿姆斯特丹$4,580，其他城市$4,240起，12月31日前出發

星期四都可以Happy Thursday，長榮有隻Happy Hours快閃優惠醒大家：香港往返台北HK$730（連稅HK$1,073）起，呢口價接近近期低位，但航班時間麻麻地，限星期日至四出發，仲要限坐夜機（BR810 21:45-23:30），想轉上午或下午機就加番HK$70/HK$150，回程航班無太大限制，但唔可以揀Hello Kitty彩繪機（BR857 18:10-19:55）同BR809夜機返（19:00-20:45）。出發日期由8月30日至9月2日、9月4日至9月24日、10月4日至10月20日、10月20日至11月30日。好似限制多多？同期長榮都有另一隻優惠。機票有效期7日，啱就去官網買，8月7日中午12:00前出票。

網址：www.evaair.com

（覺得抵可用Whatsapp同LINE Share俾朋友架）

賣1日咋！長榮快閃優惠來回台北$730起，11月30日前出發

今晚00:00上樂桃搶呀！樂桃航空為慶祝1,000萬名乘客紀念，推出特別活動，準備了共1,000張的超筍機票，香港飛沖繩（那霸）單程只售HK$100（連稅HK$265）起、大阪（關西）單程只售HK$150（連稅HK$315）起，有效出發日期由10月25日至2016年1月31日（11月3日及12月29至31日除外）僅限星期一至五出發，以上價格不包行李寄艙及飛機餐（寄艙行李每程每件20kg以下HK$260）。至於台灣粉絲都有，台北（桃園）飛東京羽田、大阪（關西）、沖繩（那霸）及高雄往大阪（關西）單程TWD500（連稅TWD1,000）起。8月10日13:59前出票，但先搶先得（限量1,000張），今晚準備上官網搶票。

提提您：買樂桃機票，填寫人名時必須：1. 全大階 及 2. 字冇空格，例如您叫Chan Tai Man Peter，姓就要打CHAN，名就要打TAIMANPETER，否則就訂不了！

網址（桌面版）：www.flypeach.com
網址（手機版）：mobile.flypeach.com

（覺得抵可用Whatsapp同LINE Share俾朋友架）

今晚搶呀！樂桃超限量單程飛沖繩$100、大阪$150起，2016年1月31日前出發

每逢週四虎航推出新加坡出發閃光優惠，香港出發飛檳城（經新加坡轉機）來回連稅HK$1,318起、布吉HK$1,346起、雅加達HK$1,670起、浮羅交怡HK$1,695起、馬爾代夫（馬里）HKD$2,715起，至於台北／高雄出發，來回連稅飛檳城TWD5,680起、浮羅交怡TWD6,009起、雅加達TWD6,224起、布吉TWD6,284起、馬爾代夫（馬里）TWD10,988起。

如果已經入手新加坡機票，再加配今期優惠即可兼玩其他東南亞地方：今期最大驚喜是推出浮羅交怡及檳城的$0機票，連稅約HK$190/TWD760。另外雅加達、布吉單程SGD5（約HK$218/TWD872）起、馬爾代夫（馬里）單程SGD65（約HK$554/TWD2,216）起，其他航點可上官網瀏覽。出發日期由8月15日至9月2日（各航點之出發日期各有不同，詳情請睇官網）。

以上價格不包行李寄艙及飛機餐，最後出票日期為明早8月7日7:59am前，上官網買。

網址：www.tigerair.com

（覺得抵可用Whatsapp同LINE Share俾朋友架）

虎航閃光！香港來回檳城/布吉/雅加達/浮羅交怡連稅$1,318/TWD5,680起，新加坡單程飛浮羅交怡/檳城$0，9月1日前出發

長榮台灣線突減，香港來回台北淨機票2人同行每位HK$800（連稅HK$1,143）起，此價只限淡季日子（10月3日至12月17日）出發，去程限坐BR828（0730-0910）／BR870（1530-1710） ／ BR856（1705-1845）／BR810（2145-2330），回程無太大限制（但冇得揀HelloKitty機），可早去晚返。同時暑假旺季及暑假後時段續賣，價錢與上期相同，即日至8月22日出發2人同行每人HK$1,400（連稅HK$1,743）起，暑假後出發（8月30日至9月24日），2人同行每人HK$980（連稅HK$1,323）起。機票有效期7天，Check過系統，供應量多，10月21日（重陽節）出發，25日回程都有平（請2日放5日，抵玩！）出票日期各有不同，有興趣上官網買，記得要Click人數2位或以上先Search到此價。

網址：www.evaair.com

（覺得抵可用Whatsapp同LINE Share俾朋友架）

淡季割價！長榮來回台北2人同行每位$800起，12月17日前出發