就快有廉航飛河內，所以一眾傳統航空都減價迎戰！香港航空都推出優惠，來回河內HK$831起，連稅計HK$1,305起，呢口價話平唔平，話貴唔貴，真係想去先買。出發日期由即日至9月25日、10月2日至12月15日，Check過系統，供應量足，機票有效期7日，最後出票日期為9月30日。

請留意：去越南持特區護照及BNO均需申請簽證，單次旅遊費用為HK$640，可直接上灣仔道越南領事館申請，需時約1星期。想平啲？多謝「又飛啦旅人團」粉絲報料，於網上透過越南方面的旅行社代理申請簽證批准信件，再憑此信件於入境越南做落地簽證，總費用約HK$413，平HK$200左右，但要留意落地簽證可能較為耗時。

網址：www.hutchgo.com.hk

（覺得抵可用Whatsapp同LINE Share俾朋友架）

一般般！香港航空來回河內$831起，12月15日前出發

澳門航空哂冷出早餐平盤，出發日期由2016年1月1日至2月4日、2月12日至3月24日，想喺澳門直飛嘅澳門粉絲要留意喇！來回連稅計：高雄MOP1,238起、上海/杭州/廈門/南寧/鄭州MOP1,328起、台北MOP 1,338起、成都/重慶MOP1,628起、北京MOP1,928起、瀋陽MOP2,028起、東京MOP2,685起、大阪MOP 2,714起，其中高雄及台北線比過往平MOP300左右（梗係啦，台灣虎航咁平，無得唔減！），係入手靚價（話晒澳航包行李），至於其他航線則相約。Check過系統，供應量足，其中飛中國各航線只限週二至週六出發，另外回程日期必須為2016年3月26日前。機票有效期為7日，最後出票日期為9月4日，上官網買。

網址: www.airmacau.com.mo

（覺得抵可用Whatsapp同LINE Share俾朋友架）

澳門航空早餐盤大哂冷！來回連稅高雄MOP1,238、中國線MOP1,328、台北MOP 1,338、東京MOP2,685、大阪MOP 2,714起，2016年3月24日前出發

香港直航馬來西亞的航點只有吉隆坡、檳城同沙巴，如果大家有計劃前往西馬其他地方，可參考飛螢航空：由吉隆坡蘇丹阿都阿茲沙機場（梳邦機場）飛蘭卡威（浮羅交怡）、檳城、新山、亞羅士打、哥打巴魯單程MYR9.9（約HK$18或TWD78起），連稅MYR 52起（約HK$98或TWD412起），以上價格確實超值，而且飛螢航空已包20kg行李寄艙。出發日期由9月1日至2016年3月26日，優惠供應足，最後訂票日期為8月30日，到官網出票。

網址：www.fireflyz.com.my

（覺得抵可用Whatsapp同LINE Share俾朋友架）

深度遊西馬！飛螢航空單程連稅$98/TWD412起，2016年3月26日前出發

之前我哋介紹過嘅聯合航空美國盤，原來暑假尾飛三藩市仲平呀！直航來回HK$3,040起，連稅HK$4,088起，呢口價仲要係直航，係直航呀！快啲攞假，即刻出發。出發日期由8月28日至9月2日，Check過系統，供應量足，不過，其他航點未見有平。另外，呢隻Fare Class Code係K，最抵係儲入新加坡航空，可以儲番100%里數。而加航或長榮只有50%，至於ANA就得30%。機票有效期1個月，上Expedia買。

網址：www.expedia.com.hk

（覺得抵可用Whatsapp同LINE Share俾朋友架）

嘩！暑假尾Last Minute劈！聯合航空直航三藩市來回$3,040起，9月2日前出發

香港航空官網開賣日本、台灣及東南亞航點超遠期平盤，出發日期由2016年3月1日至6月28日。來回淨機票HK$600起，連稅計：台北HK$938起、沖繩HK$1,331起、峇里島HK$1,982起、鹿兒島HK$$2,768、札幌HK$4,333起。以上各價首推沖繩及札幌線，沖繩價位比起話飛就飛更平，價格直逼對手樂桃航空，抵買。札幌線就勝在櫻花期（約4月底）都有平貨。台北就跌破千元大關，不過台北線競爭大，成日都有劈價盤，唔Sure去就唔好買。如果唔係咁遠期出發，近排港航都有日本線平賣。Check過系統，平飛供應足，不過大假就Black Out晒，機票有效期7日，官網有售。

網址：www.hongkongairlines.com

（覺得抵可用Whatsapp同LINE Share俾朋友架）

港航超遠期盤！香港來回台北$600、沖繩$1,050、峇里島$1,650、鹿兒島$2,550、札幌$4,050起，2016年6月28日前出發