AirAsia將於週日（9月7日）零晨00:00推出幾個月一度的Big Sales。今次最大看點係曼谷同清邁！淨機票來回可能有$0！來回連稅只係HK$340起，真係澳門船飛價飛去泰國喇！無辦法啦（再提提大家：曼谷仲有紅色旅遊警示）！呢一年大家都踴晒去日韓，泰國線要滿就要Back to Simple。出發日期為2016年3月1日至10月29日，雖然係遠期期貨盤，但平成咁，一於買咗先算～布吉就冇$0，來回連稅HK$1,030起，價錢就一般般。至於大本營馬來西亞，吉隆坡來回連稅HK$646起，沙巴HK$650起，都係一向Big Sales價，買唔買就睇您心水。最後出票日期為9月13日，到時上官網搶！

網址：www.airasia.com

（覺得抵可用Whatsapp同LINE Share俾朋友架）

嘩嘩嘩！曼谷清邁$0機票！AirAsia Big Sales週一零晨00:00開倉！

捷特航空之前有隻印度平盤，依家咖喱餐變成下午茶！因為佢有Last Minute減價：香港往返淨機票HK$2,200起，連稅計：孟買HK$2,959起、新德里HK$3,155起。飛孟買少少地減幾十，飛新德里就減得多，平約HK$237。呢張飛可以Open Jaw，舉例新德里入、孟買走連稅HK$3,089起，不走回頭路。出發日期由即日至10月31日，機票有效期1個月（但11月20日前要完成旅程），Check過系統，供應量足。最後出票日期9月15日，上Hutchgo買（因Hutchgo不支援Openjaw選項，如需要請到官網訂票）。

想知印度捷特航空係乜東東，可以睇番我哋嘅試搭報告（詳情請睇：http://flyagain.la/7d83），唔差㗎！

網址：www.hutchgo.com.hk
網址：www.jetairways.com

（覺得抵可用Whatsapp同LINE Share俾朋友架）

Last Minute平歎咖喱！捷特航空飛孟買、新德里$2,200起，10月31日前出發

全東南亞咁多個國家，小小編覺得最值得大家去最少一次嘅就係柬埔寨，除咗可以了解當地赤柬嘅歷史，又點少得睇埋吳哥窟呢！越南航空推出優惠：香港經越南飛金邊/邏粒來回HK$1,093起，連稅HK$1,959起；如果想OpenJaw（金邊入邏粒走或邏粒入金邊走）來回連稅HK$2,240起；如果想中停越南（河內或胡志明市）來回連稅HK$2,383起。越南航空已包寄艙行李及飛機餐，加上轉機時間短，都算抵玩。出發日期由即日至12月31日，Check過系統，供應量足，但聖誕期間未見有平，機票有效期1個月，最後訂票日期為10月30日，上Expedia香港買。

請留意：

柬埔寨：持特區護照及BNO均需申請簽證，可到尖沙咀梳士巴利道星光行柬埔寨領事館辦理，或在入境時申請落地簽証，費用35美元。

越南：（直接轉機者不用簽証）持特區護照及BNO均需申請簽證，單次旅遊費用為HK$640，可直接上灣仔道越南領事館申請，需時約1星期。想平啲？可於網上透過越南方面的旅行社代理申請簽證批准信，再憑此信件於入境越南做落地簽證，總費用約HK$413，不過要留意落地簽證可能較為耗時。

（確實簽證細則，以各地領事館為準。）

網址：www.expedia.com.hk

（覺得抵可用Whatsapp同LINE Share俾朋友架）

深入柬埔寨！越南航空來回金邊、邏粒$1,093起，12月31日前出發

AirAsia將會於聽晚凌晨00:00（即係9月6日星期日深夜）推出Big Sale票，出發日期由10月1日至2016年7月31日，想去沙巴、布吉、吉隆坡、曼谷等地嘅朋友要準時捕住電腦，但如果唔想同全亞洲朋友一齊搶，只要提早一日（即係今晚凌晨00:00）上AirAsiaGo買套票，機票可以搶先用Big Sale價入手，而且酒店更低至3折（留意齋買機票係無BigSale價）。價錢方面，來回AirAsia機票 +4晚2-3星酒店（只係舉例，其實您住幾多日住邊間都得） +  所有稅款只係HK$1,200起，勁有睇頭（確實價錢以正式開賣為準），有興趣朋友記住今晚00:00率先搶喇！以上優惠價格不包行李寄艙及飛機餐，最後出票日期為9月13日。（提提您：曼谷仲有紅色旅遊警示）

提提您：去AirAsiaGo搶Big Sales票有幾個好處：1. 訂購時唔會遇上Waiting Room（即俗稱嘅小黑屋）阻頭阻勢；2. 今晚夜啲瞓買Package，第朝放假遲起身都冇問題啦！如果遲一日買分分鐘唔知醒返工返學；3. 反正您訂平機票都要訂酒店，一次買埋免煩。4. 只要喺Search Engine度揀選”我只需要在部分旅程中入住酒店”，再揀埋需要住房嘅日子就掂，其他日子您住邊都得，勁有彈性。

網址：www.airasiago.com

（覺得抵可用Whatsapp同LINE Share俾朋友架）

早一日搶！AirAsiaGo沙巴、布吉、吉隆坡、曼谷5日4夜套票$1,200起，今晚00:00開倉！2016年7月31日前出發

台灣線打得激烈，香港航空更嚟個割喉式減價：香港往返台北淨機票$650起，但用埋星期六日「週末熱價」折扣Code再減HK$100後，淨機票減至$550起，連稅HK$876起，九舊水都唔駛，相信係全港暫時最低價！有興趣9、10月飛台北就要立即卜！出發日期由即日起至9月23日、10月3日至10月31日，Check過系統，平飛供應充足（九宮格唔準，Show HK$850其實Click入去後就見到HK$650），不過航班時間只可午或晚機去程，早或午機返，機票有效期7日，9月6日23:59前上官網出票。

航班時間：
去程（香港－台北）HX264 12:10-13:50、HX254 12:15-13:55、HX284 22:50-00:40+1
回程（台北－香港）HX285 08:00-09:40、HX253 12:25-14:20、HX265/HX255 14:50-16:40

「週末熱價」HK$100折扣Code：D4HDVFIO

提提你：必須先登記成為會員，登入後方可以輸入折扣Code，如同一訂單訂多於一張機票，都只會扣減HK$100，所以可選擇分開訂單訂購。

網址：www.hongkongairlines.com

（覺得抵請記得按Like同Share俾朋友）

即即即搶！限賣2天！港航飛台北爆筍價$550起，10月31日前出發