一眾韓迷，早啲番屋企喇！因為今晚00:00 HK Express HK$22第五「激」，有韓國兩大城市首爾及釜山！加埋平過搭船過馬交嘅廣島，今晚唔爆Server就奇！來回連稅計：廣島HK$257起、釜山HK$419起、首爾HK$461起！飛去日本來回HK$300都唔駛，唔諗是常識吧，首爾釜山價位亦冇得輸，不妨自製釜山入首爾走或首爾入釜山走，總之今晚00:00暴搶啦！

照前幾「激」經驗，HK Express之後唔會補貨，所以建議早10分鐘入定Server Load定心水日子，一到00:00就狂按F5，會稍稍提高捕平票機會（當然多開幾個瀏覽器，Set多幾組來回日子去狂F5係常識）；就算得一程有平，建議買咗先，稍後再等優惠時補購。出發日期由10月27日至2016年10月29日，以上價格不包行李寄艙及飛機餐，最後訂票日期為10月23日23:59。

寄艙行李費用：
台中、昆明、寧波、清邁、峴港、暹粒、無錫：
20kg 每程HK$150，25kg 每程HK$200，30kg 每程HK$250
東京成田、東京羽田、大阪、福岡、名古屋、廣島、曼谷、布吉、首爾、釜山、濟洲：
20kg 每程HK$225，25kg 每程HK$300，30kg 每程HK$340

HK Express網址：book.hkexpress.com

相關文章：必睇！香港快運訂票10大Q&A：http://flyagain.la/?p=9895

（覺得抵可用Whatsapp同LINE Share俾朋友架）

暴搶！HK Express 2週年第5激！廣島、首爾、釜山單程$22起！2016年10月29日前出發

樂桃今晚（10月22日00:00）推出新優惠，票價同上期一樣：香港飛沖繩/大阪單程HK$398起，來回連稅計：沖繩HK$961起、大阪HK$1,081起。大阪線之出發日期由11月10日至12月24日、2016年1月5日至1月31日，至於沖繩線11月10日至12月25日、2016年1月4日至2月29日。以上時段已開賣多次，估計貨量不多，沖繩就首賣2月時間，但相信農曆新年有平飛機會極極極微。價格不包行李寄艙及飛機餐（寄艙行李每程每件20kg以下HK$260），最後出票日期為10月15日香港時間23:59。啱就記住今晚00:00上樂桃香港版網站出票。

提提您：買樂桃機票，填寫人名時必須：1. 全大階 及 2. 字冇空格，例如您叫Chan Tai Man Peter，姓就要打CHAN，名就要打TAIMANPETER，否則就訂不了！

網址（桌面版）：www.flypeach.com
網址（手機版）：mobile.flypeach.com

（覺得抵可用Whatsapp同LINE Share俾朋友架）

今晚00:00開賣！樂桃單程飛沖繩/大阪$398起，2016年2月29日前出發

阿聯酋航空向來性價比高，佢嘅曼谷線睇嚟好掛住大家，又減啦：經濟艙來回HK$1,260（連稅HK$1,583）起，同廉航加埋行李唔差幾；有筆直又想歎吓，不妨試佢A380商務艙，來回HK$4,410（連稅HK$4,733）起；有一啲筆直又想豪吓，不妨買一程經濟一程商務，來回HK$2,840（連稅HK$3,163）起，話晒叫坐到商務，可以入機場Lounge添，仲可以用埋A380機艙上層特設嘅空中酒吧，任您點Cocktails + 香檳 + 紅白酒。出發日期由10月23日至12月17日，Check過系統，平飛集中喺11月，想聖誕節去可以揀12月17日去，25日返，要加HK$250左右。機票有效期1個月，最後出票日期為11月11日，官網有售。

航班時間：
去程：EK385 香港->曼谷 21:15 / 23:15 （僅限週日至四出發）
回程：EK384 曼谷->香港 13:45 / 17:30（僅限週一至五回程）

網址：www.emirates.com

（覺得抵可用Whatsapp同LINE Share俾朋友架）

泰Again！阿聯酋航空來回曼谷經濟艙$1,260起、商務艙$4,410起，12月17日前出發

旺季去旅行都唔一定捱貴機票，香港航空飛台北就有一批搶手旺季平飛比大家揀，我哋睇過唔少日子，價格絕非天價，以下嘅分析，有得諗㗎：

聖誕及跨年檔期（12月18日或之後出發）：來回淨機票HK$763（連稅HK$1,052）起。舉例12月19/20日出發，12月24日返去有此價，如果12月22日去、26日返連稅HK$1,202起。至於跨年日子最平係12月28日去，1月4日返，連稅HK$1,052起。其次可揀12月30或31日出發，1月4-6日回程，連稅都係HK$1,202起；

農曆新年檔期（2016年2月7日或之後出發）：來回淨機票HK$1,163（連稅HK$1,453）起。農曆新年票價較聖誕為貴，去長啲（超過7日）反而平。舉例2016年2月8日（初一）或2月9日（初二）出發，2月18日或之後回程有以上呢個價。或可以揀2016年2月12日（初五）或14日（初七）出發，2月18日或之後回程，都有呢口價；

復活節及清明節檔期（2016年3月23日或之後出發）：來回淨機票HK$1,163（連稅HK$1,453）起。呢段檔期平飛數量供量都幾多。最正一定係2016年3月25日去、3月29日返（請1日放5日，速搶啦）。如果想復活節連埋清明節咁放，可以揀3月26日或27日出發，4月4日返，都有以上呢口價。

港航已包20kg行李寄艙及飛機餐，廉航飛台中計埋行李都未必有咁平。不過以上平飛都有限制，去程限坐夜機（HX284 23:05-00:50 +1），回程係中午14:55或之前航班，想揀其他航班時間就補約HK$200或以上，不妨按行程考慮啦。提提您如果訂酒店，可以用Expedia88折Code（詳情：http://flyagain.la/27518）。以上價格都係經Ctrip出票，官網價會貴幾十，想慳少少可經Ctrip訂票。平飛有限，售完即止。

網址：www.ctrip.com.hk

（覺得抵可用Whatsapp同LINE Share俾朋友架）

正！聖誕、農曆新年、復活節期間有平！香港航空來回台北$763起