飛新加坡，好少會揀到聯合航空，因為來回時間超差嘛……但如果係復活節、暑假都有平呢？咁都可以望望嘅：香港來回新加坡HK$1,004（連稅HK$1,362）起。講平就唔夠國泰砌（來回連稅HK$1,237起），航班時間又唔多靚仔（去程20:25-00:20+1／回程06:00-09:55），但呢張飛最大賣點係旺季都有，包括復活節、端午節、暑假等日子都有唔少供應，廉航喺旺季都做唔到咁平，同大家Check埋復活節3月25日、28日返都有呢口價（一日假都唔駛請，不過實際得2日玩囉……）。聯合係傳統航空公司，包2件23kg行李寄艙及飛機餐。出發日期由即日至12月23日、12月26日至2016年2月3日、2月12日至8月31日。機票有效期14日（比國泰或新航都長），最後訂飛日期為11月8日，官網較貴，上Hutchgo買。

網址：www.hutchgo.com.hk

（覺得抵可用Whatsapp同LINE Share俾朋友架）

復活節、暑假有平！聯合航空來回新加坡$1,004起，2016年8月31日前出發

埃塞俄比亞航空早前曾經停賣香港-東京飛，依家航權問題搞掂，再推出至明年3月嘅平飛，最正係連聖誕、農曆新年都有！今次要即搶！來回東京（成田）機場HK$1,615（連稅HK$2,002）起，例如12月23日去、1月3日返，依家仲有此價！食正聖誕之餘仲可趁元旦激安喪掃平貨同福袋，佢包30kg寄艙行李，放心狂買啦！航班時間係午去晚返，兼用全新波音787夢幻客機執飛，唔同以前啦！出發日期由即日至2016年3月25日，Check過系統，平飛量足，不過旺季檔期要買快手，機票有效期1年，即上Hutchgo出票。

航班時間：
去程：14:45-20:15（逢週三、五、日）
回程：21:15-00:50 +1（逢週三、五、日）

網址：www.hutchgo.com.hk

（覺得抵可用Whatsapp同LINE Share俾朋友架）

即搶！聖誕新年都有！埃塞俄比亞航空來回東京$1,615起，包30kg行李，2016年3月25日前出發

大韓月頭咪出咗隻澳門飛歐洲平飛，香港粉絲唔駛得個望字，因為香港出發都有啦！經首爾來回歐洲各大城市HK$4,145起，連稅計：伊斯坦堡HK$4,739起、馬德里HK$5,527起、阿姆斯特丹HK$5,530起、米蘭HK5,533起、蘇黎世HK$5,571起、巴黎HK$5,755起、法蘭克福HK$6,013起、倫敦HK$6,622起，呢口價比上期平約HK$300，不過澳門出發都仲係平少少，最大賣點係機票有效期3個月，長玩歐洲都得，所以比中東三寶貴少少都合理，不過唔可以中停首爾，只可以靠轉機時間入境首爾玩大半日。出發日期由11月1日至2016年2月4日、2月15日至3月31日，Check過系統，平飛主要集中淡季，最後訂飛日期為10月31日，上Ctrip買。

網址：www.ctrip.com.hk

（覺得抵可用Whatsapp同LINE Share俾朋友架）

大韓歐洲盤！經首爾來回歐洲城市連稅$4,739起，2016年3月31日前出發

上期國泰/港龍嘅泡菜盤啱啱完咗，今日又再加推：2人同行來回韓國每位HK$2,220起，連稅計：首爾HK$2,580起、釜山HK$2,545起，搶唔到HK$22機票咪考慮番，話哂國泰/港龍包寄艙行李同飛機餐，想去瘋狂Shopping朋友就Very Good，加上航班冇太大限制，早去晚返都得（視乎供應）。出發日期由即日至12月18日。Check過系統，供應量足，機票有效期7日，最後出票日期12月18日，上Expedia香港買。

網址：www.expedia.com.hk

（覺得抵可用Whatsapp同LINE Share俾朋友架）

韓冬有平！國泰港龍香港往返首爾、釜山2人同行每位$2,220起，12月18日前出發