如果唔係坐廉航，單程機票不嬲貴過來回飛，不過港航成日就暗出單程秘劈，今次出到2-3月份出發：香港單程飛台北HK$250（連稅HK$394）起，票價係包埋行李寄艙同飛機餐，真係同廉航飛台中有得鬥。至於回程方面單程HK$240（連稅HK$435）起，就只見3月19-22日有此價。買單程票係冇停留期限，所以最啱就係DIY一張停留7日或以上的機票，換言之你去足一個月，都係HK$829起咋！（需知道14日期效的機票大約要HK$1,500或以上，1個月期效更超過HK$2,000，都好貴吓）。如果唔會玩咁多日，普通的7日來回票都有特價，不妨比較埋（詳情按此：http://flyagain.la/36054）。有平飛的日子可參考以下表，售完即止，即到港航官網買。

有平飛日子（只供參考）：
台北去程（HK$250，連稅HK$394起）：2月16,17日
台北去程（HK$300，連稅HK$444起）：2月18, 20, 21-28日
台北去程（HK$350，連稅HK$494起）：3月1-22日
台北回程（HK$240，連稅HK$435起）：3月19,20,21,22日
去程限坐HX284，回程就冇限制，視乎供應而定，可以揀到晚機返。

網址：www.hongkongairlines.com

相關文章：秒懂必讀！睇埋香港航空官網手拉手零經驗訂票教學：http://flyagain.la/34422

（覺得抵可用Whatsapp同LINE Share俾朋友架）

單程劈！DIY長有效期平票！港航飛台北$250，台北返港$240，2-3月出發

澳洲東西南北各個城市都有獨特嘅風貌，位於西澳州的珀斯，最令人讚嘆就係壯麗自然風光，宏偉的天然巨石，不可思議的粉紅湖，仲有充滿動感吸引唔少人慕名而來。新加坡航空推出珀斯優惠，來回淨機票HK$2,440起（連稅HK$4,864起），而機票連兩晚酒店自由行套票，每位只需HK$3,399（連稅HK$5,823）起，更享低至6折預訂特色觀光遊及額外增值優惠。

新航出名星級服務，飛機新淨之餘座位亦舒服，識揀當然揀埋坐佢嘅空中巨無霸A380航班往返新加坡，而經新加坡轉機有一個好處，就係可以順便停留新加坡，而且可以用埋新加坡過境優惠，每位加HK$355起，就包左1晚酒店住宿連機場接送，玩埋真係抵；新加坡樟宜機場仲送你每人$20坡紙現金券，可以買班蘭蛋糕或者肉乾做手信！仲有，而家加HK$800，更可於新加坡至香港或香港至新加坡航段，單段升級至Premium Economy，個位大啲行李又拎快啲，全程仲有香檳添。

珀斯仲有好多矚目旅遊景點，除咗渾然天成的風景，水清沙幼的沙灘，更加有充滿動感的水上活動，潛水欣賞海豚，由鄭伊健、林曉峰主持的旅遊特輯「離家出走自己友」出街之後，令唔少人對西澳都蠢蠢欲動，不如就襯呢個優惠，都同自己友「離家出走」一次喇！套票唔一定4日2夜，可以選擇stay behind，機票有效期最少14日。出發日期由2月15日至3月23日、3月29日至6月30日。買飛可上新航官網，訂購套票可Click入新航假期單張了解更多詳情，或者打2870 8788查詢及報名。

珀斯必遊景點：
自然之窗 Nature’s Window：鬼斧神工的天然藝術品，經由長時間風化作用而成，有如一扇窗，可飽覽國家公園的自然美景，令人嘆為觀止。
尖峰石陣 Pinnacles Desert：是澳洲令人著迷的自然景觀，可一睹歷經數百萬年形成的高大石灰岩尖柱在沙漠中的獨特景象。
粉紅湖 Pink Lake：湖水呈現粉紅色的湖泊，呈現浪漫迷人的色彩，令人驚嘆。

新航假期網址：www.sia-holidays.com
新加坡航空官網：singaporeair.com/au16c

（覺得抵可用Whatsapp同LINE Share俾朋友架）

新航珀斯熱賣！機票$2,440、兩晚自遊行套票$3,399起，6月30日前出發

嘩！歐洲返香港坐商務好平呀！多謝又飛啦粉絲Ken Chan同小小編報料，斯里蘭卡航空巴黎經可倫坡來回香港，商務艙連稅只需€1,036/約HK$8,773起，呢口價出發日期由即日起至12月15日，橫跨多個旺季都有，例如農曆新年2月5/6日出發，2月15日或之後回程、復活節3月23日出發、4月2日回程。香港出發都有，連稅HK$11,295起，不過平飛唔多。雖然要經斯里蘭卡轉機，但等候時間都唔耐，總飛行時間唔算特別長，而且商務艙有Flat Bed歎吓、加上用埋機場貴賓Lounge、歎豐富飛機餐，呢口價抵！機票有效期1個月，平飛售完即止，即上斯航官網出票。

網址：www.srilankan.com

（覺得抵可用Whatsapp同LINE Share俾朋友架）

嘩！爆平坐商務！斯里蘭卡航空巴黎來回香港連稅約$8,773起，12月15日前出發

澳門粉絲注意喇！虎航而家做緊隻特別優惠，由澳門出發飛高雄來回HK$330起，連稅HK$588起，計埋來回預訂手續費，只需HK$698起，以呢口價黎講都算幾抵，係大家入手位。而且航機時間可以揀到早機去晚機番，確實唔錯，不過暫時只見高雄線有平，台北線就冇喇。Check過系統，平飛主要集中係平日，橫跨Weekend都有，請1日假就可以平平地飛台灣玩個weekend！出發日期由3月1日至5月31日，以上價格不包括飛機餐及行李寄艙，即上虎航官網訂飛。

行李寄艙費用（每程計）：
15kg – HK$99、20kg – HK$115、25kg – HK$130

網址：www.tigerair.com

相關文章：秒懂必讀！睇埋虎航手拉手零經驗訂票教學：http://flyagain.la/34413

（覺得抵可用Whatsapp同LINE Share俾朋友架）

虎航特賣！澳門飛高雄來回$330起，5月31日前出發

唔少人飛台北都鐘意長榮，剛剛推出一個Happy Hour限時購票優惠：來回台北HK$750（連稅HK$1,035）起，以一千頭呢口價坐長榮係唔錯，出發日期由2月15至2月29日。呢口價去程限坐BR810（21:50-23:35），加HK$90可以揀BR828（07:30-09:10）、BR852（11:15-13:00）、BR858（21:05-22:45），回程冇限制，視乎供應。優惠可一人出發，Check過系統，供應量足，橫跨Weekend都有平價。機票有效期為7日，最後訂飛日期為1月29日，上長榮官網出票。

網址：www.evaair.com

（覺得抵可用Whatsapp同LINE Share俾朋友架）

限賣2日！長榮航空來回台北$750起，1人成行，2月29日前出發

上星期香草航空先做完香港去東京春季優惠，而家輪到日本國內航線，今晚香港時間6點推出12小時限定優惠：東京飛札幌單程只係990円，來回連稅約3,740円（約HK$246）起；奄美大島單程1,990円，來回連稅約5,740円（約HK$370）起；沖繩單程2,990円，來回連稅約7,740円（約HK$509）起。呢個價喺東京飛札幌真係好抵！上星期買左平飛嘅朋友不妨諗諗佢，飛上北海道玩多幾日，都只係比多200幾蚊，認真超值！出發日期由4月6日至4月27日、5月10日至6月30日 (星期二至四出發)，以上價格不包行李寄艙及飛機餐。留意番訂票時間，東京飛札幌係今日下晝6點開始至聽日（1月28日）上晝6點；東京飛奄美大島、沖繩於明天（1月28日）下午6點開賣至1月29日早上6點。上香草航空日本站訂購。

寄艙行李費用：20kg每程2,000円，之後每5kg 1,000円

札幌
來回：JW903/906/909/911/913/914 （星期二/三/四 出發）

沖繩
去程：JW803 （星期二/三/四 出發）
回程：JW804/808 （星期三/四/五 出發）

奄美大島
去程：JW823/825（星期二/三/四 出發）
回程：JW824/826 （星期三/四/五 出發）

網址：www.vanilla-air.com/jp

相關文章：秒懂必讀！睇埋香草航空手拉手零經驗訂票教學：http://flyagain.la/35536

激抵！今日6pm開搶！香草航空東京單程飛札幌約$65起、沖繩約$197起，6月30日前出發