復活節快樂呀！HK Express放假唔休息，今日（3月26日0:00）推出週末例牌Weekend Sale，3個航點只需半價起：單程飛濟州/釜山HK$290起、廣島HK$390起，來回連稅計：濟州/釜山HK$907起、廣島HK$945起，呢口價都唔錯喇，Check過系統平飛數量都OK嘅，集中響5-6月較為充足，加上今日放假可以少啲人一齊搶飛，襯有少少時間約定朋友喇。如果買咗U-fly pass優先購票證，可以依家上去買！以上價格未包行李同飛機餐。

【出發日期】4月9日至6月9日
【最後訂票日期】3月27日23:59

【寄艙行李費用】
台中、昆明、寧波、清邁、峴港、暹粒、無錫：
20kg 每程HK$150，25kg 每程HK$200，30kg 每程HK$250
東京成田、東京羽田、大阪、福岡、名古屋、廣島、布吉、首爾、釜山、濟洲：
20kg 每程HK$225，25kg 每程HK$300，30kg 每程HK$340

【訂購網址】：book.hkexpress.com
【預訂教學】：http://flyagain.la/33992
【必睇！香港快運訂票10大Q&A】：http://flyagain.la/9895

（覺得抵可用Whatsapp同LINE Share俾朋友架）

HK Express周末優惠！單程飛濟州/釜山$290、廣島$390起，6月9日前出發

成日都要捕住廉航補買日本回程特價？唔駛愁，今次印度航空有隻好罕見嘅單程飛！大阪單程飛香港只需HK$480（連稅HK$794）起，印航係傳統航空公司，呢口價已包20kg行李寄艙同飛機餐，唔駛再俾一筆，加上呢條線用夢幻客機787飛行，硬件嚟講算唔錯！最啱之前搶咗廉航去程平飛，又未買回程飛嘅您。未有飛在手，都不妨先行入手，之後再等捷星、樂桃、HK Express等廉航促銷喇，供應有限，有需要就快手買喇。(官網冇此價，大家可先上Ctrip按以下日子搵，如果Ctrip冇可上Hutchgo試試。)

【航班時間】
大阪-香港：AI315 14:10-16:50（逢週二、四、六）

【有平飛日子（只供參考）】
9月15日、10月4,13,15,18,20,22,27日
（其餘日子都有大約HK$961起，大家不妨比較埋廉航價錢再考慮入手）

【最後訂票日期】3月31日或售完即止

【訂購網址】 www.ctrip.com.hk 或 www.hutchgo.com.hk
【預訂教學】http://flyagain.la/34618 或 http://flyagain.la/33982

（覺得抵可用Whatsapp同LINE Share俾朋友架）

抵呀！印度航空大阪飛香港單程$480起，包20kg行李，9-10月指定日子出發

卡塔爾航空做緊來回歐洲優惠，來回連稅HK$4,148起（詳情按此：http://flyagain.la/38225），如果以差唔多價錢飛歐洲，再加單程日韓，係咪好吸引？以往我哋為大家搵過「吉歐港日」組合，依家最新面世嘅係「星歐港日」，即係由新加坡飛歐洲，回程返香港，可隔一段短時間再飛日本，來回連稅HK$4,048起！日本航點選擇眾多，除咗東京、大阪、名古屋、福岡、廣島等大城市外，連札幌、函館、旭川、岡山、高松、大分等都有，識玩梗係梗平時少去嘅二線城市，另外今次仲可以揀飛韓國首爾或釜山，日本定韓國？實在太吸引！因為暑！假！有！

舉例8月1日從吉隆坡飛歐洲、8月11日回香港、8月18日再飛日本或韓國城市，來回連稅組合如下：

新加坡->倫敦 // 斯德哥爾摩->香港 // 香港->東京 HK$4,048起
新加坡->雅典 // 斯德哥爾摩->香港 // 香港->札幌 HK$4,248起
新加坡->法蘭克福 // 斯德哥爾摩->香港 // 香港->首爾 HK$4,278起
新加坡->倫敦 // 斯德哥爾摩->香港 // 香港->高松 HK$4,468起
新加坡->巴黎 // 斯德哥爾摩->香港 // 香港->名古屋 HK$4,478起
新加坡->哥本哈根 // 斯德哥爾摩->香港 // 香港->福岡 HK$4,538起
新加坡->曼徹斯特 // 斯德哥爾摩->香港 // 香港->旭川 HK$4,608起

以上組合只屬建議，您可以依據自己喜好拼合，於Expedia香港發掘心水城市組合。

砌呢套飛要留意番：
1. 歐洲去程城市可揀倫敦、曼徹斯特、雅典、法蘭克福、慕尼黑、巴黎等，回程揀斯德哥爾摩會較容易組合平價。
2. 返香港後同單程飛日韓之間，最多可相隔7日再出發，如果再隔長時間就組合唔到平價。

香港飛日本的航段係坐國泰或日本航空航班，飛韓國係坐國泰或港龍。至於去程飛新加坡可揀虎航或酷航。從日本返港可等HK Express（大阪、東京、名古屋）、樂桃航空（大阪、沖繩）、Jetstar（大阪、東京）等廉航推出優惠時候入手。從韓國返港首爾則有濟州航空、真航空、HK Express，釜山返港可揀HK Express或釜山航空。以呢口價坐到Skytrax 2015年全球最佳航空公司飛歐洲，又可以飛歐洲之前玩埋新加坡，再搭多一程日韓之旅，絕對有睇頭，票數有限，有興趣要盡快訂票。

【出發日期】即日起至5月22日、6月11日至9月30日（去程出發限星期一至四）
【機票有效期】3個月
【最後出票日期】3月28日或售完即止

【訂購網址】www.expedia.com.hk
【預訂教學】http://flyagain.la/31983

（覺得抵可用Whatsapp同LINE Share俾朋友架）

「星歐港日」嚟喇！正暑假！卡塔爾航空新加坡飛歐洲，回程返香港+單程飛日韓，連稅$4,038起，9月30日前出發