卡塔爾航空低調出咗隻超平歐洲盤，仲要係香港來回添，竟然無乜人知。來回連稅計：米蘭HK$3,507起、巴黎HK$3,703起、慕尼黑HK$3,843起、蘇黎世HK$4,027起，其他地點來回超過4千就唔算好特別，不過如果透過Open Jaw（不同城市來回）方式，例如倫敦希斯路入米蘭走，來回連稅亦只係HK$3,747起；巴黎入馬德里走，來回連稅HK$3,883起，一樣唔駛HK$4K搞掂！香港<->多哈段仲要搭新機夢幻客機787，最重要係暑假都有（雖然非常少量，要快手），機票有效期亦長達4個月，係4個月呀！絕對適合長玩歐洲朋友入手。

至於里數，來回均為Class O，入Asiamiles無里數，入英航Avois仲有25%儲，算好過無啦！

【出發日期】5月9日起至2017年2月28日
【機票有效期】4個月
【最後出票日期】4月28日

【訂購網址】www.qatarairways.com/hk
【又飛啦製作搭乘報告】（波音787-8夢幻客機之旅，經濟艙）http://flyagain.la/h8rc

（覺得抵可用Whatsapp同LINE Share俾朋友架）

即搶！暑假有！卡塔爾航空香港來回歐洲連稅$3,507起，搭新機787！2017年2月28日前出發

嚟緊想搵個紅日去旅行，就要搵端午節喇，今年端午節紅假係星期四，即係只需攞多一日假，就可以由6月9日至6月12日放一個4日假期，小小編搵到以上呢個日子仲有筍貨執：香港來回台北最平只需HK$750（連稅HK$991），呢口價坐長榮喎，另外仲有港航、港龍揀，港航商務艙都有筍價，價錢唔錯，等小小編列晒比大家揀！

長榮航空：6月9日出發，6月12日返，來回台北HK$750（連稅HK$991）起，呢口價係Happy Hour限時優惠，去程限揀2班夜機（BR858 20:55-22:40 或 BR810 21:45-23:30），回程坐早機（BR891 07:00-08:45），時間就唔太靚，大家加HK$100去程改早少少下晝5點機，或者6月13日回程，落完機就去返工，玩到盡呀。

香港航空：6月9日出發，6月12日返，來回台北HK$844（連稅HK$1,135）起，呢口價去程限坐夜機（HX284 22:35-00:40），回程坐早機（HX285 08:00-09:50），時間就唔太靚，加HK$100去程改早少少下晝5點機，或者6月13日回程就有多啲回程航班揀，賣點係可以1人成行。

港龍航空：6月9日出發，6月12日返，來回台北HK$1,734（連稅HK$2,025）起，以成二千蚊飛台北真係唔係一個好選擇，如果您好鐘意坐港龍，加上以上選擇都唔啱先揀佢喇，時間方面選擇亦都算多嘅，可揀到早去晏返，可1人成行。

香港航空（商務艙）：6月9日出發，6月12日返，來回台北HK$1,374（連稅HK$1,665）起，商務艙鄶平過港龍經濟艙？係呀，您無睇錯，睇您識唔識揀喇。呢口價去程限坐夜機（HX284 22:35-00:40），回程坐早機（HX285 08:00-09:50），時間就唔太靚，加HK$360去程改早少少下晝5點機，或者6月13日回程就有多啲回程航班揀。商務艙座位舒服，有Flat Bed俾您（雖然冇時間瞓），有30kg寄艙行李配額，可用埋貴賓Lonuge添㗎！

以上各張飛有機票有效期為7日，訂長榮優惠要到官網訂購：www.evaair.com，其餘平飛可在Hutchgo搵到。Check過系統，所餘票數唔多，要買就快手喇。

【訂購網址】www.hutchgo.com.hk
【預訂教學】http://flyagain.la/33982

（覺得抵可用Whatsapp同LINE Share俾朋友架）

端午請1放4飛台北！長榮$750、港航$844、港龍$1,734，港航商務艙$1,374起

奧地利航空9月起開辦香港至維也納航線，之前都報過佢開航優惠喇，依家有個「新」玩法：由香港出發坐奧地利航空經維也納轉飛蘇黎世，回程坐瑞士航空蘇黎世直航返港，再加單程國泰飛新加坡，連稅只需HK$3,080起，飛歐洲三千蚊真係超正呀，奧航雖然就少啲香港人坐過，但質素都唔差㗎，瑞航就好多人Like，而且呢程仲係直航返港，好抵。至於第三程機係坐國泰或聯合航空飛新加坡，要返港後即日飛埋，如果想隔一日先飛，就加HK$120香港機場稅，咁就可以喺香港機場拎返行李同返屋企抖抖先。不過來回歐洲城市只有蘇黎世先搵到平價，其他城市暫時未見。

呢套飛只需另購新加坡返香港廉航機票，以Scoot 10月份新加坡單程飛香港約為HK$500-700（未包行李寄艙），總計大約HK$3,600起就有1次歐洲+1次新加坡之旅，抵到無朋友（Oh no！應該講快啲搵朋友一齊去先啱）！

【出發日期】9月11日至12月15日（最後從歐洲回程日期為2017年1月15日）
【機票有效期】1個月
【最後訂票日期】5月14日前或售完即止

【訂購網址】www.expedia.com.hk
【預訂教學】http://flyagain.la/31983

（覺得抵可用Whatsapp同LINE Share俾朋友架）

平呀！奧航+瑞航香港來回蘇黎世，加單程飛新加坡，連稅$3,080起，12月15日前出發