「還讓愛情…定格於…吻別的位置」，哈哈，小小編今日唔係要同大家吻別，而係要介紹北海道紋別（Monbetsu）俾大家。去北海道大家較熟悉嘅可能都係札幌、函館、旭川，但其實位於北海道東北方沿岸嘅紋別都絕對值得推介，最為人所知嘅就一定係坐破冰船，您可能話，都係坐船啫又有咩咁特別，但係破冰船就真係唔同一般嘅船喇，因為船上配有鑽頭，氣勢十足，一路破冰一路前進，場面都幾震撼㗎。而且坐紋別嘅呢款破冰船（ガリンコ号），由於座艙更貼近冰面，所以可以更近距離以眼睛嘅水平線欣賞流冰。如果想欣賞旭日初出可以揀06:00出發嘅航班，或者想睇黃昏景色就可揀16:10的航班，景色更加令人陶醉。提提大家，破冰船係採取「完全預約制」，所以大家要預早訂定，至於點訂下面再講。
如果唔係冬天去，春夏期間去賞花一樣令人心醉，每年大約5-6月去可以欣賞到芝櫻同鬱金香，齋睇相絕對感受唔到果種一望無際花海嘅感動同震撼，一定要去到北海道先可以重新認識花海呢個概念。其他景點仲有鄂霍次克塔、道之驛站、鄂霍次克流冰館等等。
美食方面，當然以海鮮最為知名，而各種海鮮之中，以螃蟹最為盛行，更有涮涮鍋、烤蟹、水煮等唔同料理。另外，亦不可不品嘗「鄂霍次克紋別白咖哩」，只有紋別先有得食㗎。聽小小編講完咁多，如果大家仲有興趣深入了解，可以喺6月18日去到國際旅遊展參加由H.I.S.舉辦嘅北海道紋別觀光推介會（時間：1:30pm-2pm）。
紋別位於北海道東北方沿岸，由札幌如果自駕去要4小時左右，所以建議大家可以訂購「H.I.S. x ANA內陸線套票」，就可以由東京出發，坐ANA內陸機來回紋別，套票更包1晚紋別中央酒店Monbetsu Central Hotel連早餐及晚餐，連稅每位只需HK$1,530起。同時訂購觀光破冰船，更有9折優惠，只需JPY2,700起。查詢及訂購，歡迎於6月18日至19日去到會展國際旅遊展C103攤位，同場更有其他精彩優惠（詳情：http://flyagain.la/40573）。如果未能親臨會場訂購，亦可到喺H.I.S. 香港店或者網上（www.hisgo.com.hk）訂購。
國際旅遊展日期及開放時間：
6月18日〈星期六〉10:00-19:00
6月19日〈星期日〉10:00-17:00
展區位置：
香港會展香港國際旅遊展C103攤位
