HK Express失驚無神又做Sale！想去緬甸就留意喇：香港飛曼德勒/仰光單程HK$98起，來回連稅HK$507起，價錢幾抵之餘，如果有DBS信用卡，可以用折扣Code票價就再8折添！呢口價限9月1日至10月29日出發，另外訂呢兩個航點機票有2倍Reward-U積分喎，圍起都有1萬分，睇嚟呢條線客量可能麻麻喇，7月15日0:00起開搶！

【出發日期】9月1日至10月29日
【訂票日期】7月15日至7月17日

【寄艙行李費用】
全部航點劃一收費20kg $260、25kg $360、30kg $365

【DBS信用卡代碼】HKEDBS20

【訂購網址】：book.hkexpress.com
【預訂教學】：http://flyagain.la/33992
【必睇！香港快運訂票10大Q&A】：http://flyagain.la/9895
【Reward-U全攻略】：http://flyagain.la/38928

（覺得抵可用Whatsapp同LINE Share俾朋友架）

HK Express緬甸優惠！單程飛曼德勒/仰光$98起，10月29日前出發

港航又有廉航價飛沖繩喇，淡季9月至出年1月出發：來回機票只需HK$1,050（連稅HK$1,247）起，以千二蚊仲要連埋行李，真係超抵，廉航都企埋一邊。秋冬季沖繩都唔係冇嘢好玩，其實海水溫度唔太凍，浮潛、玩水一樣都冇問題，加上有冬天限定嘅觀鯨活動，又可輕鬆行下美國村、國際通、首里城、水族館等著名景點，就襯港航有平飛，淡季平玩沖繩！

呢口價去程可揀早機或中午機，HX682（07:25-10:55）或HX658（11:45-15:05），回程則限坐早機返HX681（11:55-13:50），或加HK$200改坐下午機HX657（16:05-17:50），呢口價限11月6日之後出發，9至10月出發要加HK$250起，Check過平飛集中平日日子，有興趣就上官網訂。

【出發日期】 9月1日至2017年1月20日（旺季除外）
【機票有效期】7日
【最後訂票日期】售完即止（需於出發前至少45日前預訂）

【訂購網址】www.hongkongairlines.com
【預訂教學】http://flyagain.la/34618

（覺得抵可用Whatsapp同LINE Share俾朋友架）

淡季沖繩超平！香港航空來回$1,050起，包行李包餐，2017年1月20日前出發

中東三寶靜咗一排，梗係喇，風頭俾「港歐X」搶晒喇！不過卡塔爾航空都推出新優惠：香港經多哈來回歐洲HK$1,650起（連稅HK$3,756）起。以赫爾辛基做到三千七真係好抵，9月至3月更為極光旺季，去睇北極光絕對抵，其他城市例如馬德里、薩格納布、維也納、巴黎、法蘭克福等航點就四千五樓下，以價論價確係唔錯！而且可Openjaw（不同城市往返），例如法蘭克福入、赫爾辛基走連稅HK$3,816起。商務艙都有特價，來回斯德哥爾摩連稅HK$15,741起，以商務艙平時要2萬幾蚊，依家萬五呢個水位唔錯㗎，卡航仲榮獲Skytrax 2016全球最佳商務艙航空公司，值得一試喇！另外經官網訂依家有得儲2倍Qmiles，唔係多，叫做好過冇吧！

優惠航點包括：（經濟艙來回連稅計）
赫爾辛基HK$3,756起、馬德里HK$4,127起、斯德哥爾摩HK$4,149起、蘇黎世HK$4,203起、薩格納布HK$4,223起、維也納HK$4,348起、巴黎HK$4,354起、柏林HK$4,421起、哥本哈根HK$4,443起、法蘭克福HK$4,470起、米蘭HK$4,552起、威尼斯HK$4,613起、阿姆斯特丹HK$4,654起、羅馬HK$4,656起、奧斯陸HK$4,801起、倫敦HK$5,065起、伯明翰HK$5,235起、曼徹斯特HK$5,356起。

【出發日期】10月1日至12月10日
【機票有效期】1個月
【最後出票日期】7月19日或售完即止

【訂購網址】www.qatarairways.com/hk
【又飛啦製作搭乘報告】（波音787-8夢幻客機之旅，經濟艙）http://flyagain.la/h8rc

（覺得抵可用Whatsapp同LINE Share俾朋友架）

追極光必買！卡塔爾航空來回歐洲連稅$3,756起，坐787客機，12月10日前出發

e路東瀛（JAPANiCAN.com）推出日本九州旅館優惠，熊本縣及大分縣包括別府、湯布院、黑川等地旅館參與，折扣低至3折：最平房位於大分的「城島高原酒店」，單人房連早及晚餐折扣後只需5,000円（約HK$373）起。熊本最平嘅就係「熊本日航飯店」，單人房連早餐折扣後5,700円（約HK$425）起，呢間酒店位於熊本市中心，毗鄰購物街，而且更係日航品牌營運，質素當然有保證！

溫泉旅館都好抵，真係超心動！例如位於湯布院網上人氣極高的溫泉旅館「旅籠Kayausagi」，2人入住和式房（1泊2食），原價49,680円，折扣後每房每晚16,000円（約HK$1,194）起，記住係包早及晚餐，而且旅館內設有露天風呂及大浴場。仲有一間劈得仲勁，別府超有名嘅「杉乃井酒店」本館，入住雙人房（1泊2食）原價48,600円，折扣後每房每晚10,240円（約HK$746）起，呢間旅館嘅露天溫泉「棚湯」，好多人都慕名而來，邊浸住溫泉邊欣賞絕景，另外有免費接送車由別府站西口接載到旅館，平房有限，快搶訂！

記住見到房價旁有寫「九州旅遊特別優惠活動」就係今次嘅優惠，而JAPANiCAN有個好方便嘅功能，揀選酒店後按「房間供應狀況及價格」，即可以月曆形式睇晒成個月嘅平房，超省時。最後都要提提大家：訂房前，請先比價。

【適用入住日期】即日起至9月30日
【最後有效日期】到達補助金上限額度，即自動結束（以各縣為單位）
【預訂網址】www.japanican.com

（覺得抵可用Whatsapp同LINE Share俾朋友架）

搶訂超平溫泉旅館！JAPANiCAN九州巨減：別府/湯布院/熊本等地住宿低至3折，9月30日前入住

介紹完澳門航空福岡線優惠之後，連其他航點都有減呀，想年尾去番轉旅行嘅澳門粉絲可以留意吓：澳門出發來回所有航點MOP$661起（約HK$641起），連稅計：台北約HK$923起、高雄約HK$969起、峴港約HK$1,500起、曼谷約HK$1,536起、河內約HK$1,571起、首爾約HK$1,864起、東京約HK$2,321起、大阪HK$2,353起。呢口價都算OK，台灣線就最抵，而且澳門航空係傳統航空，包埋20KG行李、飛機餐及機上娛樂！香港嘅粉絲亦可以順便過埋澳門玩，例如到新開嘅南灣雅文湖畔、關前街文創區都係值得一去㗎，咁就可以小小哋自製一雞兩味，玩完澳門再去其他地方，正呀！Check過系統，平飛唔難搵，Ctrip再平啲，價啱即訂！

【出發日期】8月27日至12月15日（9月15至16日、9月30日至10月2日、10月7至9日除外）
【機票有效期】7天
【最後訂票日期】7月26日

【訂購網址】 www.ctrip.com.hk
【預訂教學】http://flyagain.la/34618

（覺得抵可用Whatsapp同LINE Share俾朋友架）

限時減！澳門航空澳門飛台/日/韓/東南亞來回MOP661起，12月15日前出發

坐泰航都唔一定飛泰國嘅，佢有條香港直飛首爾嘅航線都做緊優惠：來回HK$1,952（連稅HK$2,312）起，呢口價唔係話好平，但勝在係可一人成行，每位旅客包30kg寄艙行李，兼且泰航質素有保證。仲有一大賣點，Check過中秋、重陽等紅日都有平，最少請1日假即可放4日。不過提番大家，泰航航班時間唔太靚仔，午去早返（去程 TG628 15:30-20:10；回程 TG629 10:20-12:55），記得考慮埋呢點。Check過系統，平飛供應充足，價啱即上Hutchgo訂飛。

【出發日期】8月25日至9月28日、10月3日至10月24日
【機票有效期】14日
【最後訂票日期】9月30日或售完即止

【旺季參考日子】
中秋：9月15日去、18日返（請1放4）
十一：9月28日去、10月2日返（請3放5）
重陽：10月8日去、11日返（請1放4）

【訂購網址】www.hutchgo.com.hk
【預訂教學】http://flyagain.la/33982

（覺得抵可用Whatsapp同LINE Share俾朋友架）

紅日有呀！請1放4筍盤！泰國航空香港來回首爾$1,952起，10月24日前出發