上週五華航vs長榮大戰，戰況激烈！上次7-8月劈價係由長榮首先策動，9月呢？華航先郁手！出發日期由25/8 – 28/9，7日機票，無論飛台北／高雄／台中，連稅一律HK$1,836，如果你用埋佢PayPal優惠，再減HK$155，扣番下欄HK$706，淨機票只需HK$975，又回復番淡季價錢，最正嘅係佢去程可揀早機：CI930（08:20/10:00）及CI602（10:15/11:55），回程基本上任揀（視乎供應量），比7-8月平兩舊，嗯！華航遲啲會唔會拎啲夜機再劈一回，例如去番淨機票HK$650水位？有傳9月起有新航空公司加入台港戰線（未經證實，初步我唔太信，因為呢間航空公司未必夠飛機飛），「又飛啦！」會幫大家睇住！一有消息必率先報（仲有國泰／港航呢？佢哋未出手架）。

網址：www.china-airlines.com

（記得按下面「讚好」Share俾Facebook朋友）

今日下午我哋「又飛啦！」報導長榮突然劈價，其實源於華航今早推出另一隻台灣劈價盤，仲要包埋台中高雄添！是咁的，無論台北／高雄／台中，一律HK$1,340（連稅HK$2,046），出發日期去到24/8，本來就係睇住長榮嚟食（HK$1,340 vs HK$1,580一人飛，差唔多啦），佢亦喺官網有宣傳，仲話送你免費禮品四選一兌換券（包括「驚艷水金九超值旅遊包」／台灣 Wifi Card／台北 101 觀景台門票乙張／洪師父牛肉麵）同埋台灣觀光遊樂園免費入場券，小童出發仲可減半，但就講明唔可以用PayPal HK$155折扣優惠。蝦！咁啱小弟想八月中搵個Weekend飛台北，於是小心求証之下，搵到個小漏洞：就係唔經佢宣傳頁面條Link訂，就咁喺華航網站訂飛，價錢一樣，但又俾你用PayPal付款。如此一來，就可以再減多HK$155，變相淨機票減至HK$1,185，7日有效期，暑假高峰期喎！即訂啦！不過代價係：1. 無禮品送，2. 冇得享受小童半價優惠，所以睇你情況，如果有小朋友同行嘅，唔好用PayPal優惠，否則梗係情願用PayPal個HK$155啦！即訂即慳，反正羊毛出在羊身上，係咪？

網址：www.china-airlines.com

（記得按下面「讚好」Share俾Facebook朋友）

華航近排成日失驚無神跌啲幾舊水飛台北Last Minute機票，我哋「又飛啦！」當然有報啦！至於暑假高峰期，觀察咗一排，似乎華航冇心再劈啦！因為佢近排力谷兩隻飛台灣平盤（叫得平盤，梗係唔係最筍但都食得落），一隻係暑假旺季0-7日機票連稅HK$2,189，如配合PayPal付款可再減HK$155，減番開淨機票HK$1,295（飛台北／高雄／台中同價），早去晚返。咁當然唔係HK$655個啲咁筍啦！但暑假算啦！以前太平啫！至於尋日推出嘅送高鐵飛優惠，連稅話就話HK$2,029起，實情只係淡季價，喺7-8月最高峰期係連稅HK$2,559（台北／高雄／台中同價），兩者相差HK$370，剛好與買一張台北落高雄單程高鐵一樣，咁即係冇著數啦！又要向華航預先申請，又要親身去香港Office拎換領券，仲要去到高鐵站換飛，咁Q煩，都係買番普通平盤算數。

網址：www.china-airlines.com

 （記得按下面「讚好」Share俾Facebook朋友）

如果你係學生哥，或者有家人係學生哥，咁呢篇Blog一定要睇！港航今日推出學生超特價飛（全日制學生適用，不限年齡），無論飛台灣嘅台北／台中／高雄，抑或大陸嘅北京／上海／成都／重慶／杭州／南京，一律收你HK$780（未連稅），港航同香港快運均適用。出票時需出示學生證明。咁平飛當然有代價：出發日期只限週一至週三，不過反正都放緊暑假，冇所謂啫！聽早叫埋其他同學仔，打去東南西北旅遊出飛啦。

留意位：

1. 最後出票日期：30/6

2. 機票使用日期：1/6 – 11/7

3. 機票有效期：2-7日

4. 只限週一至三出發

查詢電話：2783 0881

（記得按下面「讚好」Share俾Facebook朋友）

鄭少秋今晚又有新戲上！係人都知佢「搞」到股市一仆一碌，點知連機票價都「搞」埋！華信（即係華航子公司）今早突然劈出台中機票，見你港龍上週賣HK$700（未連稅）咁開心，佢就大劈到HK545，連稅就HK$1,285（須配合PayPal付款以取得HK$155折扣），實行同你同港航死過（終於跌到HK$500水平，如果台北都有呢個價就正啦）！限時72小時發售，出發時間為21/5 – 30/6，不過Check過系統，平飛通常集中於平日回程，星期五飛星期日返者，選擇唔多，想回歸假期去？逢30/6後先返者都冇咁平，真係識定價。

網址：www.china-airlines.com

（記得按下面「讚好」Share俾Facebook朋友）

港龍呢個Weekend將台中劈到HK$700，香港快運緊係二仔底：死跟！由於母公司港航官網一向冇提供台中線網上訂購服務，想執佢平貨？去Zuji啦！齋飛HK$684，連稅HK$1,391，最後出發日期去到10/7，比港龍嘅30/6再遲啲，至啱學生哥放暑假玩餐飽！不過對於一般打工仔，爭十幾蚊你揀邊間？自己諗！呢隻筍盤最後出票日期為週二22/7，比港龍遲多兩日，但依家多咗競爭，相信呢口價會陸續有嚟，大家睇實啦。

網址：www.zuji.com.hk

（記得按下面「讚好」Share俾Facebook朋友）

有部份「又飛啦！」Fans都知道尋晚零晨開始港龍推出限時3日劈價盤，不過亦有唔少Fans早訓覺，咁我哋不厭其煩同大家講多一次。由依家到本週六（19/5）23:59前，訂桂林或台中就HK$700（未連稅，下同），台中之前做$1,250，依家平近半！仲平過港航／華信喎！可惜台中優惠出發日期只去到30/6，不過桂林到31/8，即係暑假都飛得。清邁或西安就HK$1,300，清邁出發日期包晒整個暑假（1/7 – 29/8），有冇抵成咁呀！重點推介！西安當然筍，不過有幾多人去呢？至於濟洲HK$2,100，表面上價錢一般（淡季2人同行每位只係HK$1,589），但暑假飛韓國不嬲唔平，而且呢次可以1人成行，都諗得過！所有機票有效日期為2-7日。由於出發期限度度唔同，詳請請去番官網睇睇。

網址：www.dragonair.com

（記得按下面「讚好」Share俾Facebook朋友）

今日係港龍台中線復航大日子，恭喜晒！早於16/4我哋已率先報咗可透過Zuji訂飛，依家連官網都有得訂，比Zuji貴HK$45：來回HK$1,250（未連稅，下同），差價咁少，上官網訂啦！況且官網出飛有樣好，就係可以俾你用番HK$1,250出Open Jaw缺口飛，你可以揀台中入／台北高雄出，或者台北高雄入／台中出，想Online訂港龍／國泰缺口飛，依家只有官網先做到咁平。HK$1,250呢口價嘅7日有效期機票，出發日期去到28/6，之後就係HK$1,450，不過都只去到12/7為止。唔緊要啦！係人都知國泰／港龍呢期收入唔多掂，斷估到時都會繼續劈，就好似今日咁， 原本第二班飛台中嘅KA492都取消咗，客人唔夠，唔劈點掂？拭目以待啦！

網址：www.dragonair.com

（記得按下面「讚好」Share俾Facebook朋友）