上星期我哋「又飛啦！」先提過真航指定日子出發嘅5日團飛，淡季可以平到HK$1,280起（未連稅，下同）。唔想俾佢限死來回日期 + 即買即出票 + 玩超過5日但少於15日以下，佢官網剛剛推出嘅筍價就值得入手鳥！只要喺依家到12/7及27/8 – 21/12出發，可以平到HK$1,400起，連稅就HK$2,264，俾多少少就可以咁Free，抵啦！最搞嘢就係Check過系統，21/12去27/12返呢個聖誕黃金組合，竟然仲有位！天呀！聖誕節請一日半假就可以咁抵同Honey去渡過白色聖誕（如果你進取啲，27/12返嚟下午上班都得，因為佢到達香港係12:15）！呢啲飛數量非常有限，咁抵，梗係俾個Like佢啦！

網址：www.jinair.com

（記得按下面「讚好」Share俾Facebook朋友）

7-8月暑假高峰期飛首爾，係就貴啲，但依家訂又唔係貴到好離譜個隻。如果你可以12/7前出發，國泰一直做緊嘅首爾特價飛HK$2,800（連稅HK$3,625）可以諗諗：我哋「又飛啦！」一向好少介紹佢一般特價飛（限時個啲梗係立即報），皆因擺到咁耐都未賣晒，一定唔慌平得去邊，不過我哋Check過系統，佢呢隻飛7月用其實都算抵，話晒佢有21日有效期，依家就算訂12/7先出發，都仲有位賣，加上佢航班選擇多，廉航都接近呢口價啦！而且又有里數賺（2,570里），如果你預去得耐者（特別係學生哥／教師），呢張抵買！至於8月，Well，國泰唔駛諗，反而介紹泰航，雖然時間麻麻（去程15:30/20:10，回程10:20/12:55），但依家仲賣緊淨飛HK$2,558，連稅HK$3,383，廉航都唔止！國泰就去番官網訂，泰航去Zuji抵過官網兩舊幾。如果你仍然嫌貴，唔係冇方法，要搏濟洲或真航到時有冇啲賣唔去嘅飛Last Minute掟出嚟囉～～～

網址：（國泰）www.cathaypacific.com（泰航）www.zuji.com.hk

（記得按下面「讚好」Share俾Facebook朋友）

想食首爾筍盤，一般都係靠濟洲同真航（印度航空？Well…唔敢推介）。28/4我哋「又飛啦！」就介紹過濟洲航空隻Last Minute筍盤，今次就講下隻真航。佢有一隻5日指定日子來回機票，淡季來回就HK$1,280起，暑假（13/7 – 26/8）就升到HK$2,400，似乎淡季價抵玩啲喎！總代理聲稱週四／五保證出發，不過要留意佢逢週三及六係冇機來回嘅，有興趣可以打電話去總代理問問。

留意位：

1. HK$1,280 出發日期：3/5 – 19/6；25/6 – 26/6；1/7 – 12/7（21/6 – 22/6及28/6 – 29/6加HK$500）

2. HK$2,400 出發日期：13/7 – 26/8

3. HK$1,600 出發日期：27/8 – 25/9

4. 去程時間：LJ012（13:15/17:55）；回程時間：（09:30/12:15）

查詢電話：2524 4154

（記得按下面「讚好」Share俾Facebook朋友）

濟洲航空Last Minute秒殺優惠又嚟（都幾耐冇見）！趁下星期有5.1勞動節（有啲做大陸生意嘅朋友有3日假放架），就趁勢推出超平機票：飛首爾來回HK$1,468（未連稅），出發日期限定2/5，3/5，5/5，回程就6/5 – 10/5，真係非常之Last Minute！不過又真係好抵，有時間又未有旅遊著落者，即Call總代理出飛！

查詢電話：2185 6499

（記得按下面「讚好」Share俾Facebook朋友）

飛日本或韓國首爾，一般都係搭直航啦！不過如果你想一次過玩埋台灣（事實上有十個喺「又飛啦！」FB發問者，有六/七個都關於台灣嘅），長榮呢隻Promo就要留意。佢俾你免費停一次台北（來回任揀，兩次皆停加HK$1,000），咁飛首爾就HK$1,900（未連稅，下同），而日本方面，東京成田HK$1,800；福崗HK$2,000；大阪HK$2,270；札幌HK$2,670；小松HK$2,800，當中會遇上Hello Kitty飛機架！如果想一雞兩味，又或者係老堅Hello Kitty迷，呢個價著實唔錯，否則梗係寧願俾多少少搭直航算啦！

留意位：

1. 機票有效期：0 – 14日

2. 出發日期：8/4 – 26/4；29/4 – 28/6

3. 若需更改航班日期或停留台北，可於購票後經長榮航空訂位部辦理

4. 香港-台北來回航段僅可乘搭由長榮航空營運之航班

網址：www.evaair.com

（記得按下面「讚好」Share俾Facebook朋友）

上星期我哋「又飛啦！」先報過濟州航空4月5月嘅特價飛，咁3月份嘅Last Minute秒殺呢？尋晚出咗啦！無論飛首爾抑或釜山，來回只需HK$1,480（未連稅，咦？又貴咗啲！），指定日子來回5日，其中都有唔少橫跨週末嘅好選擇，特別係去釜山，佢去程係零晨02:00飛，回程22:00返，有啲都係星期六零晨飛（如10/3及24/3），即係週五放工後走，週三下午返，請3日假可以玩盡5日，抵呀！

查詢電話：2185 6499

（記得按下面「讚好」Share俾Facebook朋友）

4-7月飛首爾嘅筍盤，除咗尋晚報個隻濟州航空HK$1,850（未連稅，下同）外，韓亞航空呢隻HK$2,509又點可以漏提呢！尤其係好多「又飛啦！」Fans貪佢可以凌晨去晚機返，既可慳番第一晚酒店錢，回程又可以搭最夜個班20:10班機，返到香港23:00，可以Chur盡成個Weekend嘛！呢口價可以去到12/7，又係個句：暑假初仲可以平飛首爾，爽啦！一於去Zuji訂飛先。

網址：www.zuji.com.hk

（記得按下面「讚好」Share俾Facebook朋友）

又有新地點推出4月後平機票，今次輪到韓國。廉航濟洲航空推出咗1/4 – 31/5優惠，飛首爾同釜山一律HK$1,850（未連稅，下同），呢隻機票有效期為7日，唔係佢個批Last Minute秒殺機票咁限死你來回日期（個啲平五舊左右）。最正係復活節來回價亦只係HK$2,400，唔知仲有冇位？至於一般全年票價為HK$2,400（1個月有效期），暑假期間（13/7 – 18/8）就加到HK$3,100。咦？咁即係7月頭同8月中暑假期間都可以享用HK$2,400優惠播！

查詢電話：2185 6499

（記得按下面「讚好」Share俾Facebook朋友）