X
港航好耐都冇玩限時劈價，今日又嚟料了！8/6 – 28/6出發飛桂林HK$950（未連稅，下同）；8/6 – 28/6以及1/7 – 12/7出發飛三亞HK$750（依家官網做緊HK$1,280），越南河內HK$950（河內少有特價，供應亦緊張），最後出票日期為本週六9/6，機票有效期2-7日例牌菜。官網暫時冇，上真旅網訂啦！據聞仲有東京HK$1,560優惠添！不過真旅網同Zuji都未見蹤影，唔知遲啲官網都有得賣時會否加入埋東京呢？留意啦！
（記得按下面「讚好」Share俾Facebook朋友）
我哋「又飛啦！」都同大家報過港航4至6月各地平機票。其實佢隻GV2（即2人同行）一直有做優惠，不過一般旅行社會以套票形式出售，所以冇特登報。尋晚港航屬下嘅港航假期喺Facebook度介紹佢一系列嘅2人同行筍盤，包括多條亞洲區航線，例如東京HK$1,580／大阪HK$2,320；台北高雄HK$990／台中HK$1,100；三亞海口HK$740／上海HK$950／北京HK$1,160；曼谷新加坡HK$950；河內HK$1,480（以上全部未連稅）。以價論價，以上咁多隻中以大阪／上海／北京／曼谷／河內有啲睇頭，其他嘅，喂老實講對手都做呢個價錢（甚至更平），而且單買1張飛都得。佢冇講明係咪一定要跟套票出，而官網係冇呢口價嘅。Anyway，有興趣可以Call下港航假期問清楚，如果唔駛跟Pack，咁就值得買啦！
查詢電話：2369 8888
（記得按下面「讚好」Share俾Facebook朋友）
係咪仲掛住陽光與海灘呢？天文台預告今年香港冬天特別凍，想近近地搵個地方避寒，可以考慮海南島三亞，冬季日間氣溫大約20-25度，仲好適合游水，而且機票又抵，就好似港龍有隻HK$1,290特價飛常伴左右！不過衰在呢口價嘅出發日期只限週六至週四，而且係夜機走（19:00/20:35），週五就加到HK$1,400但可搭早機09:35/11:10，隨你鐘意啦！出發日期最遲可以去到明年31/3（出票就31/12）。今個冬季，咪再屈喺屋企過冰冷Weekend喇！
留意位：
1. 最後訂票日期：31/12
2. 出發日期：即日至22/12，28/12 至 19/1 及28/1 – 31/3
3. 機票有效期：2 至 7日
4. 航班限制：香港往三亞只適用於星期六至星期四
（記得按下面「讚好」Share俾Facebook朋友）
星期五又係港航Show Quali時間！今次又玩晒冷早餐盤（即係Early Bird早購優惠），推出7個大陸航點優惠，面數最平就係海口同三亞HK$1,000（未連稅，下同），講最抵就梗係北京HK$1,640（呢條航線各間航空公司都堅守HK$1,800水位）同埋杭州HK$1,140（好少減！），仲有上海HK$1,300（仲可以平啲喎！）、成都同重慶HK$1,240（平時都做呢口特價盤，冇乜特別），出發日期去到15/12，都係老個句：手快有手慢冇！
話時話，港航乜嘢航點都出晒減價盤喎！下星期又可以拎啲乜嘢出嚟減呢？聖誕節有冇筍盤喔？萬眾期待嘅台北線呢？
留意位：
1. 售票日期：即日 – 15/10
2. 出發日期：25/10 – 15/12
（記得按下面「讚好」Share俾Facebook朋友）
遲啲大家會收到政府送嚟嘅HK$6,000，您諗住點駛呢？一於與民同樂！東瀛遊推出四個地點4日3夜HK$6,000一口價結伴同遊套票（未連稅），由依家到10月尾喺指定日子出發，去日本東京搭國泰，2人同遊加埋都只係HK6,000；去新加坡搭港航，3人同遊加埋共HK$6,000；曼谷一樣搭港航，HK$6,000可以4人一齊去！台中一樣4人同價；至於三亞，由於住靚靚渡假村（三亞亞太國際會議中心暨海航渡假村），所以只能玩3日2夜，不過一樣4人同遊。咁抵，你大可以拎政府俾你嘅Happy Money，請晒朋友家人豪一豪佢（30/9截止啦）！
（記得按下面「讚好」Share俾Facebook朋友）
[2/9更新：港航今日宣佈可以同佢直接訂，價錢仲平$100（即係HK$1,900），但唔包台中，如果想買埋台中就搵Agent訂，否則直接打去港航熱線3151 1888著數，快！]
大家都知港龍有HK$2,150一個價錢兩張機票優惠，其實佢對手香港航空都有類似Offer！不過官網冇得訂，要經Agent先有。Noble Vacation正推出「給一樣的價錢，不一樣的組合」優惠，依家到20/9訂香港航空同香港快運兩張來回經濟客位機票，加埋只係HK$2,000咋！仲平過港龍HK$150！最攞命嘅係，佢可以去埋新加坡、曼谷、布吉島、河內、北京、台中呢啲港龍/國泰都唔包嘅熱門旅遊地點！其餘航點包括重慶、成都、長沙、杭州、昆明、上海、三亞，一共14個，地點選擇與港龍相若，但勝在類別眾多，大陸又有，東南亞又有，而且出發日期可以去到2012年1月中，比港龍更Flexible！不過呢啲機位供應好有限，要就快手Call Noble Vacation訂飛！
留意位：
1. 機票出發日期：1/9 – 8/9；11/9 – 29/9；4/10 – 20/12；2/1/2012 – 18/1/2012
2. 以上價格未連稅及油附
3. 出票最後日期：20/9
查詢電話：2698 1998
查詢電郵：[email protected]
（記得按下面「讚好」Share俾Facebook朋友）
Facebook網友Kiko Tethys Bryant問9月有冇三亞平Package。由於三亞酒店／渡假村類別眾多，而且去得三亞總會大部份時間留喺酒店，有人鐘意靚，有人鐘意平，又有人鐘意追捧酒店品牌，所以咩嘢叫抵，真係人見人殊。我反而會關心有冇平機票，因為套票平嘅原因主要係機票用團體飛，至於酒店價錢，跟Package同自己上網訂分別唔大，而港龍同快運9月都搵到平機票。去三亞，4日3夜啱啱好，以下呢幾個週末，又平又抵玩，希望幫到你。
港龍航空
2/9（週五09:35/11:10）+ 5/9（週一12:10/13:35）：HK$1,400（未連稅，下同）
8/9（週四19:00/20:35）+ 11/9（週日21:30/23:00）：HK$1,290
22/9（週四19:00/20:35）+ 25/9（週日21:30/23:00）：HK$1,290
香港快運
22/9（週四11:30/13:00）+ 25/9（週日13:50/15:20；20:45/22:15）：HK$1,500
29/9（週四11:30/13:00）+ 2/10（週日13:50/15:20）：HK$1,500
睇嚟睇去，快運雖然貴少少，但22-25呢個Period可以做到早去晚返，似乎最抵．如果唔想請多一日假者，港龍夜機去夜機返都可以接受，HK$1,290 OK啦！
香港快運網址：www.hongkongairlines.com
港龍航空網址：www.dragonair.com
（記得按下面「讚好」Share俾Facebook朋友）
嘩！港龍開倉派米呀！尋日推出超震撼優惠。即日起到10/9，你可以HK$2,150（未連稅，下同）一次過同港龍買2套由香港出發嘅指定城市來回機票，一共有16個航點，包括台北、高雄、上海、杭州、南京、寧波、成都、重慶、長沙、武漢、昆明、青島、廈門、福州、三亞及廣州。你可以揀2個城市，或者揀同1個城市飛兩轉都得，計我話非常適合經常出埠公幹，甚至有情人／老婆／老公喺海外人士，因為港龍冇講明有限制1人只可買1套，換言之你買10幾套都得，除番開每張來回都係HK$1,075咋陰公（不過今次優惠竟然冇北京）！
而咁多嗰地點中，最抵買首推杭州，平時港龍賣開HK$2,500，南京、青島、寧波、成都亦係我心水抵買選擇。至於香港人好鐘意去嘅台北、高雄、上海，HK$1,075同其他對手相差無幾喎！叫住時間靚少少，同埋有Hagaz-Das雪糕食囉！
想買呢套優惠組合，冇得上網買，必須打電話去港龍訂票處，或去各大旅行社買，如果有心買飛者，今日行動要快！
留意位：
1. 旅遊日期：1/9 – 8/9；11/9 – 29/9；4/10 – 20/12
2. 優惠期至：10/9
訂票電話：3193 2222
（記得按下面「讚好」Share俾Facebook朋友）
X