去日本又係東京、大阪、褔岡、名古屋？嚟隻冷門啲呢！出發日期由依家至6月30日（農曆年同復活節旺季Block-out），坐東航經上海轉機飛日本各地淨機票來回HK$1,360起，連稅計：松山HK$2,366起、廣島 / 小松 / 岡山HK$2,396起、靜岡 / 新瀉HK$2,466起，仲包2件23kg（合共46kg）行李寄艙及飛機餐，掃貨朋友至啱用。機票可以OpenJaw，回程可以揀番名古屋／大阪／東京成田及羽田等大城市，唔駛走回頭路。Check過系統，以3及6月較易搵到，旺季期間未見。機票有效期1個月，啱就上Expedia買。

請留意：大陸空管頻頻，轉機時間最好預鬆起碼4-5小時以上

網址：www.expedia.com.hk

（覺得抵可用Whatsapp同LINE Share俾朋友架）

東航來回日本松山、廣島、小松、岡山、靜岡、新瀉$1,360起，包2件23kg行李，可OpenJaw，6月30日前出發

中國東方航空推出上海Last Minute清貨盤，出發日期由依家至12月18日，香港飛上海來回淨機票HK$636起，連稅計HK$1,157起，呢口價飛上海直迫廉航春秋航空，而東航係傳統航空公司，已包寄艙行李同飛機餐，有需要去上海就買啦。Check過系統，呢口價供應都唔少，去轉Long Weekend玩都有，最後訂票日期為12月5日，啱就上ZUJI訂啦。

網址：www.zuji.com.hk

（覺得抵可用Whatsapp同LINE Share俾朋友架）

東方航空Last Minute清貨盤，來回上海$636起，12月18日前出發

日元係咁跌，除咗東京／大阪等熱門城市外，有冇諗過想趁機去埋日本小城市？今次就介紹一隻罕見平盤：搭中國東方航空，經上海轉飛，出發日期由依家到3月期間，來回淨機票HK$1,330起，連稅計：廣島HK$2,370起、長崎HK$2,428起、鹿兒島HK$2,470起、靜岡HK$2,500起、岡山、新瀉（至1月中）HK$2,680起、旭川HK$2,990起、小松HK$3,080起。由於以上各航點香港均無直航（鹿兒島雖然有港航直航，但票價長期高企），轉機呢口價還可以。呢套飛最大賣點有二：1. 可以OpenJaw，想玩多幾個地點又不走回到路啱哂；2. 東方航空每位乘客包兩件23kg免費寄艙行李，Shopping狂啱晒。Check過系統，平機票數量以淡季為主，農曆年期間未見，另外部份航點因轉機時間需停留上海一個晚上，而2月供應極少，加上唔係日日都有航班，大家要俾多啲耐性Search，啱就上Expedia買飛。

請留意：大陸空管頻頻，轉機時間最好預鬆起碼4-5小時以上。

網址：www.expedia.com

（覺得抵可用Whatsapp同LINE Share俾朋友架）

罕見！東航平飛日本廣島、長崎、靜岡、岡山、新瀉、旭川、小松來回機票$1,330起

想淡季平飛歐美？今次輪到中國東方航空喇！出發日期由依家到2015年3月28日，最大賣點係可以Open Jaw！經上海轉機來回連稅計每位：莫斯科HK$5,852起、羅馬HK$6,439起、巴黎HK$6,576起、法蘭克福HK$6,915起、溫哥華HK$6,845起、檀香山HK$6,958起、三藩市HK$6,998起、洛杉磯HK$7,000起、倫敦HK$7,717起，整體唔過HK$7K都算係淡季入手價，而且可以Open Jaw兼有效期長達6個月，比起中東三寶更抵玩。Check過系統，優惠主要集中喺11月淡季，想買Open Jaw就記住係訂票時揀Multi City，賣哂就無，啱就上ZUJI買啦。

請留意：大陸空管頻頻，轉機時間最好預鬆起碼4-5小時以上。

網址：www.zuji.com.hk

（覺得抵可用Whatsapp同LINE Share俾朋友架）

淡季飛歐美，東航來回連稅$5,852起，可Open Jaw，機票有效期半年

去上海以為廉航春秋航空最平？點知連東航都癲埋一份！佢突然推出超級Last Minute大劈：出發日期為6/6 – 14/6，即買即飛嗰隻，來回淨機票HK$690起，連稅HK$1,309起，連平霸港航都唔夠佢嚟！Check過系統，如果12/6（週四）去15/6（週日）返都有呢口價，來回程冇航班限制，想早去晚返又得，想慳番一日假可以週四晚搭夜機去又得。記住東航係傳統航空公司，呢口價包埋行李寄艙及飛機餐架！機票有效期7日，可以上ZUJI買。

網址：www.zuji.com.hk

（覺得抵請記得按Like同Share俾朋友）

東航Last Minute急劈！來回上海$690起，6月6至14日出發

呢個漏洞，有啲風險，但未至於死得人，所以都報。是咁的：外國網上旅行社airfasttickets德國分站（http://www.airfasttickets.de）賣機票部份，喺計算下欄費用（例如燃油附加費 + 機場稅等）計錯數！令到某啲航點賣得特別平，例如佢賣香港<->上海浦東嘅中國東方航空機票，來回淨機票105€（HK$1,120）的確冇錯，但稅只有15.23€（HK$163）！再加上佢依家做緊限時折扣Code：買滿100€可以折30€，用埋之後，來回連稅竟然低至90.23€（HK$963），比起官網平HK$8xx！出發日期由依家到暑假都有！秋天至冬天貴HK$300左右。東航係傳統航空公司，包行李寄艙及飛機餐喎！同春秋航空差唔多，有心去梗係訂啦！除咗上海，其他地方都有類似情況，大家不妨上番http://www.airfasttickets.de 尋寶吖！見到不妨報料吖～

30€折扣Code：JETZTFLIEGEN30（買滿100€以上方可使用）

漏洞嘅嘢，老規舉：千祈唔好打電話／email問對方，以免打草驚蛇！手快有手慢冇！

出手前，務必留意以下要點：

1. 海外旅遊網站不受香港旅遊業協會監管，風險必須自負；
2. 網站全部用德文，睇唔明請用Google Translate翻譯下（用Chrome瀏覽器最好，可以一按即全頁翻譯）；
3. 如果有任何問題，可能需要致電德國熱線（0049 (0) 69 780 800 100），IDD自付，服務員識唔識講英文？唔知喇！

網址：www.airfasttickets.de

首報！大漏洞！中國東方航空來回上海連稅$963起！暑假都有！

搵上海平機票，一般都係靠港航或春秋航空，不過前者平機票有效期一般只係7日，後者廉航一間，唔係太多人Like。中國東方航空就睇準對手弱點，推出限時劈，賣14天有效期平飛：飛上海（虹橋及浦東）及寧波，來回淨機票HK$650起，連稅計上海HK$1,308，寧波HK$1,314，呢口價以東航嚟講好少有！出發日期為7/3 – 16/4；22/4 – 30/4；6/5 – 29/5；3/6 – 26/6及30/6。Check過系統，供應量足。官網雖然有售，但ZUJI平佢HK$50左右，梗係去後者買。最後出票日期為8/3，係就爽手啦！

網址：www.zuji.com.hk

（覺得抵請記得按Like同Share俾朋友）

想買歐洲平機票，平霸東航又有新貨返：出發日期由依家至15/7，連稅計（下同），來回羅馬HK$5,209起，法蘭克福HK$5,980起，倫敦HK$6,308起。呢隻筍盤最大賣點係可以平玩Open Jaw，例如倫敦入／羅馬出，法蘭克福入／羅馬出，來回竟然跌至HK$5,109！倫敦入／法蘭克福走就HK$5,589，呢批價錢真係平到嘔！Check過系統，復活節前期出發都有（例如10,11/4出發，20/4返），其他日子亦唔難搵。機票有效期1個月，最後出票日期為31/3，ZUJI有售。

網址：www.zuji.com.hk

（覺得抵請記得按Like同Share俾朋友）