X
今年西方情人節同中式情人節（元宵）剛好同一日，東航特別推出14/2出發往上海嘅超劈飛賀一賀：來回淨機票HK$670，連稅HK$1,342，目的地可以揀浦東或虹橋，講平一定唔夠港航揮，但東航勝在機票有效期長達1個月，咁就值錢得多。14/2剛好係週五，一於嚟過上海超平Happy Weekend吧～官網有售，最後出票日期為13/2。
東航網址：ck.ceair.com
如果想玩Open Jaw（如虹橋入，浦東出），東航官網冇得賣，上ZUJI吧，仲平HK$20添：www.zuji.com.hk
（覺得抵請記得按Like同Share俾朋友）
去紐約可以平到幾盡？繼年尾Last Minute歐美機票怒劈後，東航官網今日又出現另一神價：來回淨機票HK$1,330起（連稅HK$3,836起，經上海轉機），如果您用Visa Card找數，再平多HK$30俾您，呢口價應該係史上最低（唔計國泰嗰次搞嘅HK$50 fanfares特別Promotion），出發日期為4月內，機票有效期1個月，不過可揀日子唔多，請大家儘快上佢官網發掘下。
呢隻Fare係Q艙，不能改不能退，但燃油附加費及機場稅可以退，咁平嘅價錢，就算唔去最多咪輸HK$1,300，其實都幾抵搏，入得過！
網址：ck.ceair.com
（覺得抵請記得按Like同Share俾朋友）
尋日我哋「又飛啦！」首報嘅東航年底超筍盤，飛巴黎來回淨機票只係HK$1,330起（連稅HK$3,853），您有冇入手呢（詳情請睇：http://flyagain.la/?p=11561）？唔想去巴黎？得！因為呢隻東航超筍盤仲有其他航點選擇，包括法蘭克福（來回連稅HK$4,162起），倫敦（來回連稅HK$5,297起），甚至連美國嘅三藩市（來回連稅HK$4,690起）同夏威夷（來回連稅HK$4,690起）都有，除咗倫敦因為油附及機場稅太貴外，其他航點呢口價真係平到爆炸（尤其係夏威夷，罕見），出發日期同樣為24/12 – 31/12，機票有效期為1個月，不過相比巴黎，呢幾個航點嘅平飛供應量唔多，要靠自己上ZUJI慢慢發掘下（官網冇得賣），最後出票日期為01/01/2014。
（覺得抵請記得按Like同Share俾朋友）
呢單唔知係咪漏洞抑或真巨劈，點都好，首報！東航今個月底飛巴黎機票出現超級平價：來回淨機票HK$1,330起，連稅HK$3,853起，機票有效期1個月，不得退款及改期。Check過系統，呢批超平機票嘅出發日期大約為24/12 – 31/12，回程08/01至1月底都有，部份日子回程由於需要轉2次機（巴黎->阿姆斯特丹->上海->香港），稅金會多HK$400左右，不過都係抵買！想同Honey年尾去花都過浪漫聖誕節同新年倒數，趁未有人知，快手搶購喇！官網冇得賣，上ZUJI啦！最後出票日期為01/01。
（覺得抵請記得按Like同Share俾朋友）
尋晚我哋「又飛啦！」先報咗國航飛美國秋冬平盤，蝦！點知低處未算低！今次「又飛啦！」率先全港首發：中國東方航空美洲秋冬筍盤大激劈！8/9打後到年底，飛洛杉磯HK$2,510（連稅HK$4,926），紐約HK$2,700（連稅HK$5,116），檀香山HK$2,840（連稅HK$5,256），抵到得人驚！驚就快啲訂！洛杉磯同國航相若，紐約仲比國航平多一千！檀香山最正，皆因呢個價全世界都做唔到，況且極少有筍盤！其實東航訂飛都幾自由，去程一個價，回程一個價，明碼實價，簡單易拼。Check過系統，呢批最平選擇集中喺10月中下旬後，聖誕節附近日子嘅就貴一千左右。洛杉磯同檀香山可以做到上海中停2-3小時即轉，紐約方面，由於上海出發班機係早上10:50，基本上香港出發嘅冇一班機可以做到無縫接駁，要喺上海浦東機場瞓一晚。建議揀最夜個班飛上海浦東嘅機MU506（20:25/22:30），起碼喺上海留少幾粒鐘吖！回程就可以等2-3小時即走。最後提醒大家：追求乜都有乜都好者，東航絕非您杯茶，切記！
網址：hk.ceair.com
（記得按下面「讚好」Share俾Facebook朋友）
X