X
華航又劈價！不過今次要2人同行先得。只要去佢官網出飛，無論你飛台北／高雄抑或台中，2人同行統統減到HK$1,040起一張（連稅就HK$1,770起），如果你以PayPal俾錢，佢每張機票再減多HK$194，變相齋機票每張只需HK$846起，同上次狠劈水位差唔多，不過就要搵多個Friend飛了！唔緊要啦！出發日期限5月份，出票限期至28/4，機票有效期最長7日。
（記得按下面「讚好」Share俾Facebook朋友）
華航每日有一班機來回雅加達，之前我哋「又飛啦！」都報過佢筍盤，不過始終雅加達唔係熱門旅遊地點，好少人按Like，自此我哋已甚少再提。今日得知華航由7/5起，每逢週一／三／五加開來回一班凌晨機，去程凌晨01:15/05:00，回程凌晨00:50/06:50，真係用盡紅眼機時段！依家做緊72小時特價，劈到HK$650（連稅HK$1,299）！仲平過買印傭機票！真係平到痴孖根～～～但夜媽媽去，夜媽媽回，我就情願益家中印印回鄉放假算啦！又或者買嚟轉機去峇里，都唔錯吖！
留意位：
1. 出發日期：7/5 – 20/5
2. 機票有效期：30日
（記得按下面「讚好」Share俾Facebook朋友）
今日又要返工，聽日先放復活節長假，不過我相信呢幾日全港各大小公司都唔見咁大批同事返工（包括我，哈哈哈）。復活節想收到禮物？華航有喎！佢推出復活節期間訂機票6%優惠，優惠期依家去到9/4 23:59止，無論你訂乜嘢行程、幾時出發（2012年內）、邊個艙位等等，只要經佢特別網址訂購，均可獲機價6%折扣（不包括稅及油附）。PayPal回贈優惠由1/4起已經冇咗，相信呢6%可幫補一下大家（特別係訂長途機票，6%效力就更大），記得9/4前訂購！
留意位：
1. 必須喺以下網址訂購先有優惠：calec.china-airlines.com
2. 最後出票日期：9/4 23:59
3. 6%不包稅及油附
4. 公司代碼 ：EASTER-6PCENT / 密 碼：6PCENT
（記得按下面「讚好」Share俾Facebook朋友）
Help！華航上星期先推出劈價盤HK$875飛台北／高雄後，再斬多一刀！飛高雄，依家只需HK$715！你冇睇錯，真係HK$715（未連稅，連稅就HK$1,408）！去程除咗早上11:40唔搭得外，班班都得（包括華航及華信）；回程仲搞嘢，只俾你搭最夜個班：19:00/20:30！早去晚返，對香港人嚟講咪仲正！同上次一樣，要Enjoy呢口價必須以PayPal付款，以便獲得HK$195折扣．
留意位：
1. 出發日期：1/4 – 28/6（3/4 – 7/4及28/4 – 29/4除外）
2. 機票有效期：7天
3. 以PayPal付款可獲HK$195折扣
（記得按下面「讚好」Share俾Facebook朋友）
劈劈劈！華航近排同港航劈到你死我活，之前華航推3月份台北平機票減到$970，港航就變招推出$840但去程限坐最夜個班HX284 23:20/00:50。到4-6月新戰線，華航又同佢鍊過，呢次終於狠心一劈：劈到$875！而且台北高雄同價添！台北去程仲可以揀中午（11:05或12:50）或夜晚（21:30或22:15）班次，高雄去程揀11:40或21:05，回程就好多班都揀得！互片成咁，真係血流成河喎……我喺指荷包呀！搞到成日都想飛台灣添！不過想Enjoy呢口平價，記得喺官網用PayPal網上付款先得（佢會平HK$195）（P.S. 多謝網友Boco Leung今日報料）。
留意位：
1. 機票有效期：7日（如需要14日機票，加多HK$220）
2. 出發日期：1/4 – 30/6 （3/4 – 7/4除外）
3. 以PayPal付款可獲HK$195折扣
（記得按下面「讚好」Share俾Facebook朋友）
自從1/3港航正式開辦台北及高雄航線後，航空公司肉搏戰正式開始！首先係華航限時推出嘅超平3月機票，無論去台北定高雄，都比之前減多……HK$20！即係HK$970，連稅HK$1,663，本來拉近對手港航距離，點知港航即刻變招：飛高雄依然維持HK$960，而台北如果肯搭最夜個班機（HX284 23:20/00:50，可以趕搭國光號01:20加班車巴士入台北市中心），張機票減到HK$840，雖然比首航價HK$680貴HK$160，但勝在回程可以任揀，揀到最夜個班回程HX283 20:20/21:50就正囉～～～不過提一提你，最近港航成日因為大霧而Delay甚至取消，貪平者宜留意風險。
留意位：
1. 最後出票日期：華航到8/3，港航到29/3
2. 機票有效期：華航1-7日，港航2-7日
（記得按下面「讚好」Share俾Facebook朋友）
我哋知道印尼唔係大家嘅至愛（峇里除外），不過有平嘢點都要講一講（尤其係呢排2-3月筍盤真係差唔多，4月復活節假後又未出）。華航每日有一班來回首都雅加達（實情係台北經香港飛雅加達），呢張機票最近劈到HK$1,700左右，總之連稅就HK$2,243，唔係日日都有，最好自己上佢官網查，而有效期都幾長。不過提一提你，佢回程時間勁早：06:30！介意者請勿考慮，或者用嚟買俾工人回鄉探親用。
留意位：
1. 機票有效期：30日
2. 出發日期：20/2 – 2/4；8/4 – 12/7；20/8 – 22/12
（記得按下面「讚好」Share俾Facebook朋友）
跌破HK$1,000嘅台灣機票，繼台北／高雄後，今次到台中鳥！去官網訂，張機票本身就HK$1,070（稅就HK$663），如果你肯使用PayPal作網上結帳，可以減多HK$195，折實後張機票只係HK$875，連埋稅都只係HK$1,538，真係平過平霸啦～～～出發日期去到24/3，有效期7日。
（記得按下面「讚好」Share俾Facebook朋友）
X