華航近排成日失驚無神跌啲幾舊水飛台北Last Minute機票，我哋「又飛啦！」當然有報啦！至於暑假高峰期，觀察咗一排，似乎華航冇心再劈啦！因為佢近排力谷兩隻飛台灣平盤（叫得平盤，梗係唔係最筍但都食得落），一隻係暑假旺季0-7日機票連稅HK$2,189，如配合PayPal付款可再減HK$155，減番開淨機票HK$1,295（飛台北／高雄／台中同價），早去晚返。咁當然唔係HK$655個啲咁筍啦！但暑假算啦！以前太平啫！至於尋日推出嘅送高鐵飛優惠，連稅話就話HK$2,029起，實情只係淡季價，喺7-8月最高峰期係連稅HK$2,559（台北／高雄／台中同價），兩者相差HK$370，剛好與買一張台北落高雄單程高鐵一樣，咁即係冇著數啦！又要向華航預先申請，又要親身去香港Office拎換領券，仲要去到高鐵站換飛，咁Q煩，都係買番普通平盤算數。

網址：www.china-airlines.com

 （記得按下面「讚好」Share俾Facebook朋友）

華航連續兩個週末將台北早去夜返嘅機票劈到HK$655，對於一啲想放工就去嘅朋友，呢隻新劈優惠你要留意喇！去程揀CI924（21:30/23:10）或CI928（22:15/23:55），回程冇限制睇供應，配合PayPal付款優惠HK$155後，呢隻2-7日有效期嘅淨機票平到HK$655（連稅HK$1,394），夜機去都跌唔破六舊水，睇嚟個價暫時見底鳥！出發日期由30/5 – 12/7，踏到少少暑假，同長榮另一隻夜去劈盤HK$810睇齊，不過回歸假期前嘅週五（29/6）就不適用，真係識訂價！訂購時間無限制，賣完即止。

網址：www.china-airlines.com

（記得按下面「讚好」Share俾Facebook朋友）

講完馬公，戰線又返嚟台北／高雄！上星期華航先搞完Weekend限時劈，飛台北或高雄只需HK$665（需配合PayPal付款優惠HK$155，否則機票價HK$820），點知今個禮拜又Encore！價錢一樣，玩法一樣：2人同行，台北去程一樣限坐華航08:20早機，回程任揀；高雄去程一樣限坐AE982（10:15/11:35），回程任揀睇供應。唔同嘅係，今次出發日子順延一星期，即係28/5 – 10/6．喂咁搞法，以後想Last Minute平飛台灣，逢週六都要捕住華航啦！

網址：www.china-airlines.com

（記得按下面「讚好」Share俾Facebook朋友）

華航今日突然推出劈價盤，星期六先出，爭啲睇漏眼！去台北及高雄，需2人同行，齋飛每張HK$820，配合PayPal付款優惠HK$155後，再減至HK$665！台北去程限坐CI678（08:20/10:00），高雄去程限坐AE982（10:15/11:35），回程揀邊班都得。呢隻飛要喺官網訂購，最後出票日期為週末23:00（估計連埋週日晚卦），出發日期21/5 – 3/6，絕對係Last Minute到震！（記得留番登機證，以便申請台灣機票買3送1優惠）

網址：www.china-airlines.com

（記得按下面「讚好」Share俾Facebook朋友）

又劈？華航再發癲！今晚六點佢失驚無神推出Last Minute優惠，但需2人同行，14/5至27/5飛台北或高雄，去程可以揀早機，回程揀乜都得，淨飛HK$820，連稅HK$1,560，如果配合埋佢PayPal優惠，每人再減HK$155，即係每人齋飛減到HK$665，喂！早去晚返呀陰公！唔同之前焗你搭夜機！咁劈法，相信好快就跌到HK$500呢個我會每星期都飛台灣嘅底線囉！唔知對手又會點回應呢？國泰你又話窮窮窮，點解咁耐都唔出手？提提你，呢隻Fare最遲要本週日13/5 23:59訂購，機票有效期為7日（記得留番登機證，以便申請台灣機票買3送1優惠）。

網址：www.china-airlines.com

（記得按下面「讚好」Share俾Facebook朋友）

嚟緊禮拜日係母親節，華航就趁勢推出女士專用優惠（係女性就得，唔駛係母親架）。透過官網指定網頁訂台北或高雄來回商務艙，可享有10%折扣優惠，淨飛就賣HK$2,124起，連稅就HK$2,863起。雖然比經濟艙貴一個開，但假假地都叫商務客位吖！可以用佢個機場Lounge，機上餐飲又好啲，坐又唔駛迫，最緊要係來回乜嘢航班都揀得，唔似佢幾百蚊平飛咁俾人限時限刻。你諗下，搭商務短途點都要你三四千吖！呢次連稅唔駛三千，真係好抵。我哋知道「又飛啦！」超多女Fans，咁度身訂造嘅優惠，梗係要第一時間話你知（記得保存登機證票尾，以便申請台灣機票買3送1優惠喎）！

留意位：

1. 需透過以下指定網址登入（公司代碼：P4CA；密碼：ILUVMUM ）

2. 機票有效期：7日

3. $2,124特價飛最後出發日期為30/6

訂購網址：https://calec.china-airlines.com/olb/tw/asp/b2b2c_login.asp

詳情：www.china-airlines.com

（記得按下面「讚好」Share俾Facebook朋友）

嘩！華航反擊呀！呢排佢同長榮日日「開拖」，益晒我哋呢班花生友！今早先講長榮反擊推出台北HK$810筍價外，華航急急再劈！推出台北超級Last Minute筍盤：只要喺下星期30/4 – 2/5去程搭CI2928（08:20/10:00，應該係加班機），或再下星期三9/5搭CI678（08:15/09:55），回程任揀（7日機票，仲有得儲里數），機票最平只需HK$716（連稅HK$1,445，但需配合PayPal付款減HK$194優惠），前者咁啱夾到1/5勞動節，慳番一日假，後者就Weekday飛差少少，機位有限，快啲Share俾朋友齊齊訂飛！

網址：www.china-airlines.com

（記得按下面「讚好」Share俾Facebook朋友）

邊有人自己劈自己架？咪華航囉！你睇，我哋「又飛啦！」星期一先講佢5月份2人同行飛台灣HK$846起（未連稅，下同），點知3日之後，佢自己狠劈自己一刀，將6月份頭6日（1/6 – 6/6）出發嘅台北機票，再減多HK$200，變成HK$646！不過當然有限制：去程要揀早上9點前或晚上9點後（前者得1班CI678 08:15/09:55，後者有2班，分別係CI924 21:30/23:10及CI928 22:15/23:55），回程揀邊班都得，7日機票，今次1人成行都得，邊有咁平架！靜雞雞話埋你知吖！7/6 – 13/7期間出發去台北嘅機票，以同樣出發條件，張機票只係貴少少：HK$776（29/6 – 2/7除外）！暑假又一平飛例證！不過記住用PayPal付款，以便獲得HK$194折扣，呢個折扣會於28/4截止。

網址：www.china-airlines.com

（記得按下面「讚好」Share俾Facebook朋友）