澳門航空哂冷出早餐平盤，出發日期由2016年1月1日至2月4日、2月12日至3月24日，想喺澳門直飛嘅澳門粉絲要留意喇！來回連稅計：高雄MOP1,238起、上海/杭州/廈門/南寧/鄭州MOP1,328起、台北MOP 1,338起、成都/重慶MOP1,628起、北京MOP1,928起、瀋陽MOP2,028起、東京MOP2,685起、大阪MOP 2,714起，其中高雄及台北線比過往平MOP300左右（梗係啦，台灣虎航咁平，無得唔減！），係入手靚價（話晒澳航包行李），至於其他航線則相約。Check過系統，供應量足，其中飛中國各航線只限週二至週六出發，另外回程日期必須為2016年3月26日前。機票有效期為7日，最後出票日期為9月4日，上官網買。

網址: www.airmacau.com.mo

（覺得抵可用Whatsapp同LINE Share俾朋友架）

澳門航空早餐盤大哂冷！來回連稅高雄MOP1,238、中國線MOP1,328、台北MOP 1,338、東京MOP2,685、大阪MOP 2,714起，2016年3月24日前出發

近排超多美加平盤，好似加拿大航空、美國航空、新加坡航空、聯合航空，不妨睇埋國航：香港經北京轉飛美加指定城市淨機票來回HK$2,190起，連稅計：三藩市／洛杉磯HK$5,030起、溫哥華HK$5,126起、檀香山HK$5,570起，飛東岸都有，紐約／華盛頓來回連稅HK$7,100起，整體價格一般般，勝在去程或回程可以免費Stopover（中停）北京一次，一票玩兩地，睇您想唔想去囉～出發日期由即日起至12月31日，機票有效期1個月，Check過系統，平飛供應充足，聖誕節前後都有平貨。最後出票日期為8月24日，上Expedia香港買。

請留意：大陸空管頻頻，北京轉機時間最好預鬆起碼4-5小時以上

網址：www.expedia.com.hk

（覺得抵請記得按Like同Share俾朋友）

國航飛三藩市/洛杉磯/溫哥華/檀香山/紐約/華盛頓$2,190起，免費中停北京，12月31日前出發

繼港歐台同港歐廣完咗後，又到全新嘅港歐亞出台，雖然近排都有港歐北，不過只限北歐地區，玩其他歐洲城市梗係睇呢隻：坐英國航空直飛倫敦，由歐洲城市經倫敦轉機返港，再飛東南亞城市，來回連稅HK$4,825起，賣點之一是坐傳統名牌英航直飛倫敦，部分機程更由A380空中巨無霸執飛，勝在夠新！歐洲返港航點選擇極多：馬德里、巴塞隆拿、華沙、米蘭、羅馬、法蘭克福、慕尼黑、巴黎、威尼斯、阿姆斯德丹、布魯塞爾、奧斯陸等，而返回香港後可Stoppover（中停）一段時間才開始第三段航程，目的地可選熱門的曼谷、吉隆坡、峇里（登巴薩）、新加坡、檳城、河內等，變相拆開兩個旅程，亦可選中國如上海、北京、廣州等，彈性極大。舉例第一程香港往倫敦11月4日出發，11月11日由歐洲返港，11月18日由香港往亞洲，來回連稅如下：

1. 香港直航倫敦// 華沙->香港 // 香港->曼谷 HK$4,825起
2. 香港直航倫敦// 馬德里->香港 // 香港->吉隆坡 HK$4,838起
3. 香港直航倫敦// 奧斯陸->香港 // 香港->上海 HK$4,906起
4. 香港直航倫敦// 威尼斯->香港 // 香港->新加坡 HK$4,934起
5. 香港直航倫敦// 慕尼黑->香港 // 香港->吉隆坡 HK$5,195起
6. 香港直航倫敦// 羅馬->香港 // 香港->吉隆坡 HK$5,286起
7. 香港直航倫敦// 阿姆斯德丹->香港 // 香港->登巴薩 HK$5,332起
8. 香港直航倫敦// 法蘭克福->香港 // 香港->新加坡 HK$5,313起
9. 香港直航倫敦// 巴黎->香港 // 香港->檳城 HK$5,530起
10. 香港直航倫敦// 布魯塞爾->香港 // 香港->河內 HK$6,296起

以上只屬舉例，可選的機票組合極多，大家不妨花時間組合心水來回城市。至於從東南亞城市返香港，可選擇Airasia、虎航、HK Express單程機票，如在中國城市可選直通車返港，舉例以上第一個例子加購HK Express單程曼谷往香港機票連稅約HK$324起，即是約5千頭即可玩盡香港連東南亞，相當抵玩！出發日期由10月5日至12月5日、12月24日至12月31日、2016年1月11日至2月3日、2月9日至3月15日，機票有效期2個月（夠晒長喇！），最後出票日期為9月1日，上Expedia香港出票。

網址：www.expedia.com.hk

（覺得抵可用Whatsapp同LINE Share俾朋友架）

港歐亞出台！英航直飛倫敦，歐洲返港再飛東南亞來回連稅$4,825起，可坐A380，2016年3月15日前出發

歐洲平飛主要睇中東三寶，間唔中「國貨」都有筍嘢：搭中國國際航空，由澳門飛歐洲（經北京/上海轉機），回程返香港，來回淨機票HK$2,460起，連稅計：巴黎HK$4,203起、慕尼黑HK$4,212起、法蘭克福HK$4,323起、斯德哥爾摩HK$4,350起、米蘭HK$4,456起、杜塞爾多夫HK$4,488起、維也納HK$5,116起、倫敦HK$5,219起、日內瓦HK$5,350起。呢套飛仲可以Openjaw（不同城市往返），舉例法蘭克福入，慕尼黑走連稅HK$4,192起，仲可免費Stopover北京／上海1次（雖補少少機場稅，而飛京滬少有平飛，順便玩埋都唔錯）。亦可以調翻轉香港出發，回程去澳門，價錢一樣。如果想香港出發及回程，就加HK$1,200-HK$1,400左右（倒不如順道玩埋澳門先）。出發日期由9月15日至12月31日，Check過系統，平飛供應充足，不過大節日就冇平。機票有效期1個月，8月31日前出票，上Expedia香港買。

請留意：大陸空管頻頻，北京轉機時間最好預鬆起碼4-5小時以上

網址：www.expedia.com.hk

（覺得抵請記得按Like同Share俾朋友架）

國貨平霸！國航澳門飛歐洲回程返香港$2,460起，香港往返$2,900起，可Stopover北京/上海，12月31日前出發

去大阪、東京去到熟晒？不如轉玩日本其他城市，尋找秘境：國航由香港經北京、大連或上海往返日本仙台、廣島、函館淨機票HK$1,260起，連稅計：仙台HK$2,034起、廣島HK$2,134起、函館HK$3,084起，呢口價堅抵玩，因為除咗廣島即將有港龍或快運直飛外，其他地方點都要轉機，而且埋單價都唔平。最緊要係回程可以揀番名古屋／大阪／東京成田及羽田等大城市，唔駛走回頭路。舉例廣島入，東京走來回連稅HK$2,302起。機票有效期1個月，去程或回程可免費Stopover（中停）北京、上海或大連，一票玩多地。出發日期由10月1日至12月21日、12月26日至12月31日，機票有效期6個月（特長！），Check過系統，平飛數量唔多，集中平日出發，8月31日前出票，上Expedia香港買飛。

請留意：大陸空管頻頻，轉機時間最好預鬆起碼4-5小時以上。

網址：www.expedia.com.hk

（覺得抵可用Whatsapp同LINE Share俾朋友架）

平飛秘境！國航飛日本仙台、廣島、函館$1,260起，可從東京/大阪回程，免費中停內地，12月31日前出發

飛北京嘅平飛選擇主要靠南航，但時間差（午去早返），所以好多人會卻步，想等Fanfares又難，不如睇睇中國國際航空，2人同行來回每位計：來回HK$1,498（連稅HK$1,830）起，呢口價比南航貴HK$387，但贏在航班選擇多，早去晚返都得。出發日期由即日至11月30日，供應量足，但國慶期就冇平，機票有效期7日，最後訂票日期為11月30日，啱就上Ctrip買。

網址：www.ctrip.com.hk

（覺得抵可用Whatsapp同LINE Share俾朋友架）

細閱名城再賞楓！國航來回北京$1,498起，11月30日前出發

趁暑假仲唔周遊列國？學生哥想買平飛又想長逗留，今次港航學生優惠不容錯過：（來回連稅計）三亞/海口HK$1,081起、福州HK$1,131起、河內HK$1,174起、台北HK$1,393起、上海/南京/杭州HK$1,431起、曼谷HK$1,623起、重慶/成都HK$1,681起、北京/天津HK$1,781起，當中以北京最抵，因為少有減價；上海及河內呢口價都有啲睇頭。出發日期由即日至8月24日，以上各價只適合持有學生證人士人手。如果仲未咁快開學，可以等9月淡季先去。機票有效期為21日（長過一般平飛），最後購票日期8月17日，上官網買。

請留意：喺機場Check-in時必須出示學生證，否則要補差額

網址：www.hongkongairlines.com

（覺得抵可用Whatsapp同LINE Share俾朋友架）

暑假學生限定！港航來回連稅飛三亞$1,081、河內$1,174、台北$1,393、上海$1,431、曼谷$1,623、北京$1,781起，8月24日前出發

港航「話飛就飛」今晚00:00（7月29日）開賣，今期開得2條單程中國線同1條日本線，一啲都唔吸引：單程往北京/重慶HK$750（連稅HK$1,034）起，可以不理。至於日本線來回札幌HK$4,350（連稅HK$4,640）起，都叫平過上期幾舊水，但只得8月9至8月11日出發，日子真係啱先買啦！出發日期由8月5日至8月19日（各航點之出發日期各有不同），機票有效期7日，最後出票日期為7月31日，上港航官網買。

網址：www.hongkongairlines.com

（覺得抵可用Whatsapp同LINE Share俾朋友架）

唔平！港航Last Minute飛，來回札幌$4,350起，8月指定日期出發