港航趁2月底農曆假尾聲，推出2個人氣熱點嘅超平機票，不過留意只限香港單程飛去：台北HK$180起（連稅HK$381），峇里島HK$550起（連稅HK$751），出發日期：台北2月25,26,27,28日（早午晚都得），峇里島2月23,24,25,26日（限坐加班零晨機）。咁點返香港呢？台北回程貴，可考慮落台中搭廉航HK Express，最平3月5日連稅TWD1,012（約HK$248，不包行李寄艙及飛機餐），來回加埋只係HK$629，自製超平Open Jaw（其他日子貴TWD300，約HK$73）！至於峇里島，回程直航冇平，可考慮AirAsia（經吉隆坡轉機）或虎航（經新加坡轉機），連稅約HK$1,300（不包行李寄艙及飛機餐），兩者加埋連稅唔過HK$2,000，慳番啲錢住靚Resort吧！仲可以順道玩埋新加坡及吉隆坡呢！港航官網有售。

網址：www.hongkongairlines.com

（覺得抵可用Whatsapp同LINE Share俾朋友架）

單程超平！港航香港飛台北$180，峇里島$550起，2月尾指定日期出發

雅高酒店集團（Accor Hotels）（旗下有索菲特（Sofitel）、鉑爾曼（Pullman）、美爵（Grand Mercure）、諾富特（Novotel）、美居（Mercure）、宜必思（Ibis）等品牌）剛推出新一期全球酒店Private Sales，有白金卡嘅朋友又有免費平住兼Upgrade機會！亞洲酒店6折起，地點有：新加坡、馬來西亞、中國、印度、印尼（入住日期由9月1日至11月30日）；日本（入住日期由9月15日至11月30日）；泰國、越南、老撾、緬甸（入住日期由2015年4月1日至2015年9月30日，遠期期貨）（韓國就冇）。Check過系統，沖繩那霸美居酒店每晚HK$556起（連稅計，下同）；東京宜必思新宿酒店每晚HK$678起；新加坡宜必思諾維娜酒店每晚HK$775起；吉隆坡諾富特市中心酒店每晚HK$615起；峇里島宜必思尚品庫塔圓形酒店每晚HK$271起。只要Search完後見到房價旁邊有 “Hotel Sale! 40% off your stay”先代表正貨。

長線城市都有劈，包括：澳洲、紐西蘭、斐濟、法屬波利尼西亞6折起（入住日期由9月1日至2015年1月31日）；英國、愛爾蘭6折起（入住日期由12月19日至2015年4月13日）；美國、加拿大6折起（入住日期由8月19日至2015年4月30日）；德國住2晚5折起（入住日期由10月1日至2015年8月31日）；意大利、西班牙、葡萄牙、希臘、摩洛哥、土耳其6折起（入住日期由8月19日至1月31日）；比利時、荷蘭、盧森堡6折起（入住日期：9月11日至3月31日）；奧地利、瑞士住2晚5折起（入住日期由10月1日至2015年1月11日）；東歐各國6折起（入住日期由10月1日至2015年3月8日）；拉丁美洲各國3晚以上6折起（入住日期由10月10日至2015年1月31日）；埃及、巴林、非洲各國6折起（入住日期由8月20日至12月31日）。

想搵以上平房，可上番佢官網望望。最後訂房日期為8月28日。老規舉：訂房前，請先比價。

亞洲區訂房網址：www.accorhotels.com/asia

其他地區訂房網址：www.accorhotels.com/others

（覺得抵可用Whatsapp同LINE Share俾朋友架）

雅高酒店集團Private Sales，全球酒店5折起，8月28日前訂房

虎航今日起推出買去程送回程優惠，香港來回新加坡連稅HK$862起，直航印尼峇里島及泗水來回連稅HK$1,465起，雅加達HK$1,386起，其實都幾抵，不過如果學識貨幣轉換大法用印尼盾結算，可以再額外平一百幾至三百幾（大約打75折）。轉完之後，新加坡來回連稅HK$735起，峇里島及泗水來回連稅HK$1,104起，雅加達來回連稅HK$1,045起，極度吸引（尤其係峇里島，來回都係直航呀！傳統航空公司貴兩三倍有多）！想學識貨幣轉換大法？步驟如下（適用於任何虎航目的地）：

Step 1：開啟IE或Chrome瀏覽器（Firefox唔Work）

Step 2：先開一個Tab，去虎航官網搜尋您想去嘅任何地方（例如香港<->峇里島），揀選來回航班後就要停一停，唔好再按任何鍵

Step 3：喺瀏覽器上開另一個Tab，再去虎航官網搜尋機票，今次必須揀印尼出發（任何城市都得），目的地任何城市都得，來回日期又係任何日子都得，出咗搜尋結果後，唔好按任何鍵

Step 4：去番Step 1嘅Tab，剔選”同意條款”及按Continue鍵，系統會自動改用印尼盾報價，價錢大約為港幣結算之75折，想知港幣係幾多，可以喺Price Details下Click “Currency Converter”計一計。之後繼續如常填寫個人資料同俾錢就得（若然買行李寄艙同飛機餐，亦可一併用印尼盾結算，又慳番筆）。請留意信用卡公司會收取海外簽賬手續費，一般約1%-2%左右

大法就係咁簡單！唔明歡迎發問！

今次劈價之出發日期：01/01/2014 – 31/03/2014（新加坡）；16/12/2013 – 30/09/2014（峇里島）；17/12/2013 – 30/09/2014（泗水）；26/11/2013 – 30/09/2014（雅加達）

最後出票日期：04/12/2013

網址：www.tigerair.com

（覺得抵請記得按Like同Share俾朋友）

5:30pm 25/10 Updated：虎航剛剛宣布，「買去程，送回程」優惠已延長至30/10/2013 23:59，未買嘅朋友不妨趁Weekend約腳去喇！

9:42pm 23/10 Updated：新加坡來回連稅最低原來係HK$862，比官方價仲平多兩舊，咁就可以考慮了！

香港直航峇里島，一向貴貴貴！但由今年16/12起，廉航印尼虎航將會改寫局面：開通香港直飛峇里島航線，今晚00:00起會開倉推售首批特價機票：買去程送回程，來回連稅HK$1,565起，平過港航／國泰／印尼嘉魯達航空超過三千，以後去峇里島就變得容易得多；此外，虎航亦將於17/12開辦香港直飛泗水航線，同樣買去程送回程，來回連稅HK$1,642起，好適合買俾印印用。兩條航線出發日期為12/01/2014 – 30/09/2014（部份日子不適用），如果近旺季日子（如農曆新年／復活節等）都有呢口價，唔駛諗，即搶！至於雅加達，今晚亦會推出買去程送回程，來回連稅HK$1,151起，都極之平！出發日期為15/01/2014 – 30/09/2014；而老戰場新加坡當然唔執輸！來回連稅HK$1,051起，出發日期為02/01/2014 – 28/05/2014，以早餐盤嚟講，只屬正常抵，唔急可以等下。提提您，以上價格不包行李寄艙及飛機餐。

香港<->峇里島：15/12/2013開始每日1班，時間如下（香港首航為16/12）

RI545 HKG02:35 – 07:35DPS 320 D
RI544 DPS20:35 – 01:35+1HKG 320 D

去程開零晨紅眼機，放工即去玩，爽！不過回程返港太夜，要搭N線巴士或的士了～

香港<->泗水：16/12/2013開始每日1班，時間如下（香港首航為17/12)

RI651 HKG07:20 – 12:00SUB 320 D
RI650 SUB23:25 – 05:20+1HKG 320 D

網址：www.tigerair.com

（覺得抵請記得按Like同Share俾朋友）

新加坡早餐盤，今晚零晨00:00又送上喇！因為虎航又開倉嘛！今次出發日期為10/10 – 30/11，飛新加坡機票來回玩半價，最平來回連稅HK$1,152起（已包括硬食嘅HK$114手續費），Check過系統，供應量唔錯。以價論價，唔係極品平，但有需要者仍可以入手（因為相差都係一二百蚊）。至於雅加達亦有半價，出發日期就唔同：25/7 – 30/9，不過Check過系統，平飛真係唔多，來回連稅起碼HK$1,633起，一踏到8月，連稅起碼HK$2K，相比之前首航價仍然貴成倍，雖云暑假出發，仍未算吸引，唔知一陣00:00後虎航會否放多啲平機票呢？今晚00:00後再望望吧！

網址：www.tigerairways.com

（覺得抵請記得按Like同Share俾朋友）

15/5，我哋「又飛啦！」率先披露新加坡虎航個仔：印尼曼達拉航空 Mandala Airlines將於24/7起開辦香港<->雅加達直航航線，原來今日已靜雞雞喺官網（即係虎航官網）開賣首航劈盤：買去程送回程（回程連油附都唔駛俾，不過印尼機場稅喺當地機場先俾，約HK$120），來回連稅最平HK$1,101起（已包括硬食嘅手續費HK$44），出發日期由25/7/2013去到明年29/3/2014，當然大時大節就冇回程$0機票啦！至於航班時間，已證實係每日對飛一班，香港飛雅加達為RI841 02:30/06:30，零晨紅眼機，回程為RI840 20:40/01:50+1，趕唔到尾班機場快線。不過之前都講過：雖然去程係零晨機，但去到雅加達可以轉駁早機飛印尼或其他東南亞城市（甚至澳洲珀斯及達爾文），回程亦可以中午先走，返雅加達亦趕及回程機返香港。印尼內陸廉航選擇多，價錢甚具競爭力，以後平飛印尼又有方法了！最後出票日期為29/5。

網址：www.tigerairways.com

（覺得抵請記得按Like同Share俾朋友）

華航雅加達航線不嬲都幾肯劈價，無辦法，來回時間唔好嘛！不過呢隻特別劈盤值得講下。喺20/4週六零晨，華航會有一班特別加班機由香港直飛雅加達，出發時間01:00，到達時間04:45，來回淨機票HK$910，連稅HK$1,547，呢隻Fare有兩大賣點，1. 機票有效期長達一個月，一般咁平嘅飛都只係7-14日左右，適合有意慢慢玩人士，而且到雅加達咁早，方面大家轉內陸機去印尼其他城市。但最正嘅係：2. 印尼傭工於香港機場出示有效工作證明，可額外享有15公斤免費行李託運（只限香港至雅加達航段），買嚟俾家中印印放假就正啦（記得叫印印到時拎埋僱傭合約正本以便辦理出境及入境手續）！

網址：www.china-airlines.com

（記得按下面「讚好」Share俾Facebook朋友）

港航自上週一一劈震天下後，小休一會，今日又發功！呢次佢玩Last Minute劈，將旗下幾個航點嘅3月份指定日子出發嘅飛劈劈劈，特點係要分開兩個單程買，唔係一次過買來回，彈性較大！只要您加入埋「紫荊會」，購買每個單程時都享有會員$50折扣優惠，來回買晒就有HK$100減，抵上加抵啦！來回連稅計，用埋紫荊會優惠，飛峇里HK$2,123，飛沙巴HK$1,490，平過AirAsia！抵到您驚！快啲去訂！至於詳細來回日子，請參考港航官網。

網址：www.hongkongairlines.com

（記得按下面「讚好」Share俾Facebook朋友）