今次介紹嘅航空公司，係「又飛啦！」嘅稀客：佢就係印尼嘉魯達航空公司喇！佢依家做緊3月直航峇里島優惠：來回淨機票HK2,760起，連稅HK$3,367起，機票有效期14日，出發日期為5/3 – 31/3（不過Check過，3月尾最近係25/3，唉！貼唔到復活節假）。雖然平唔過港航之前嘅一劈震天下優惠，但以嘉魯達本身嚟講，呢個的確係佢低價，況且峇里島直航少有筍嘢（依家港航又上番價），所以有心去峇里島者，不妨比較下。去程搭GA857（15:45/20:50），回程搭GA856（09:45/14:45），時間就一般咗啲。官網冇得賣，上真旅網啦！

網址：www.travelzen.com

（記得按下面「讚好」Share俾Facebook朋友）

捷星（JetStar）早喺2星期前已預告會推出久違嘅買1送1優惠，當時話等佢Facebook Page Fans數目到88,888先推出喎！蝦！依家仲差幾百人，忍唔到，要出手！JetStar已率先俾登記會員依家立即優先搶飛：唔駛擔心！有好嘢我哋「又飛啦！」梗係第一時間Share俾大家啦！依家只需經以下指定Link入JetStar官網即可偷步搶飛（一般公眾就要等到明日11/12上午09:00先搶到）！出發日期為9/4 – 25/4及7/5 – 30/5兩段時間，早餐盤！來回連稅每人HK$698起（不包行李寄艙及飛機餐），已經觸及JetStar史上最低位（仲平過虎航最近做嘅HK$793，不過佢就1人飛都得）！最後出票日期為13/11 23:59，搶飛時記得必須揀雙數乘客先有買1送1優惠（例如2/4/6/8），單數就冇，除咗新加坡，其他航線都有做買1送1優惠，當中峇里來回連稅每人HK$1,489都甚有睇頭（新加坡轉機），趁依家未有太多人知，No Talk即搶！

網址：www.jetstar.com

（記得按下面「讚好」Share俾Facebook朋友）

印尼雅加達雖然唔係港人熱門旅遊地點，但啲機票一向唔平，今日華航Crazy Tuesday就推出咗兩個印尼航點劈一劈：香港直飛首都雅加達HK$1,260起（連稅HK$1,899起），台北轉機飛泗水HK$1,890起（連稅HK$2,809起），出發日期去到31/12。咁您會問：買嚟做乜？雖然您未必有興趣去雅加達，但華航呢張飛真係幾有用：需知道香港直飛印尼峇里一向好鬼貴，華航飛雅加達有一班零晨紅眼機（CI677 01:15/05:00），用嚟接駁早機去峇里，甚至其他渡假小島都非常啱用。印尼內陸廉航多的是，AirAsia印尼比較有保證，之前咪教大家先買AirAsia超平內陸機，再吼定華航雅加達優惠嘅？咪就係咁囉～

網址：www.china-airlines.com

（記得按下面「讚好」Share俾Facebook朋友）

AirAsia好耐冇推出$0機票，聽晚（18/9）零晨又劈啦！講緊嘅係AirAsia明年春夏機票大開倉，出發日期為1/4至30/9，整整六個月長！今次佢分兩個階段推出：首階段係18/9零晨00:00開始賣，全部係國內線機票，部份淨機票$0起（稅同油附梗係要俾啦）！由於航點非常多，建議您上番官網Check價錢。由於AirAsia系統以連稅及油附報價，搵馬來西亞內陸機票時，若然您見到HK$69或76者，都應該係$0機票，唔駛諗，即搶！西馬飛東馬，或東馬飛西馬者，均以HK$126起步，一見呢批貨就唔怕買；泰國國內線方面，所有HK$28者都屬於$0機票，主要集中喺曼谷飛清萊／董里／佛統，清萊抵買啦！最後印尼，HK$5一睇就知等如$0機票，例如峇里去泗水就係HK$5！峇里去雅加達都係HK$147，買定看門口啦！第時夾番張華航香港雅加達平機票就得。至於國際線劈價將會喺20/9零晨00:00開始，詳情稍後報導！

網址：www.airasia.com

（記得按下面「讚好」Share俾Facebook朋友）

隨著九月淡季來臨，大劈價終於降臨！國泰率先起兵，將其印尼峇里機票怒劈七成：平時賣開五六千，竟然三折益街坊！由依家到5/10前出發，來回淨機票只需HK$1,643，連稅HK$2,249（平時搭轉機，新航淨機票都要二千）！初初以為系統出錯，但再比較唔同網站後發現係真，先敢報上嚟！不過咁平梗係有代價：來回時間勁差！去程限搭CX671（20:35 / 01:15，逢二、五、六先有），回程限搭CX670（07:15 / 11:55，逢三、六、日先有）。由於峇里酒店唔平，而且去得個度都想豪歎Resort，如果您只係想玩三四日嘅，就唔好貪呢隻Fare（因為前後冇咗兩日），否則如果拉到一星期（機票有效期最長7日），可以去馬，事關頭尾兩晚可改住Cheap Cheap酒店，五星級Resort就留番中間幾日歎囉！Check過系統，呢一刻仲有，不過相信今明兩日必定掃清光，所以要快手啦！官網冇得賣，Zuji啦！

網址：www.zuji.com.hk

（記得按下面「讚好」Share俾Facebook朋友）

今早零晨AirAsia開始推出年底超平早餐盤，想連埋酒店一齊訂？可以去佢旗下套票網站AirAsiaGo。一向跟佢出套票比自己分開訂酒店同AirAsia機票平少少，今次就趁機票劈價，連訂指定酒店都額外打9折（酒店範圍廣泛，泰國／馬來西亞／澳洲／印尼等等乜都有），真係「雙劈合壁」，超平超值！出發日期同出票日期皆與特價機票相同，落Booking時記得輸入優惠代碼：BHS2801。

留意位：

1. 最後出票日期：1/4

2. 出發日期：1/10 – 31/1

3. 優惠代碼：BHS2801

4. 必須2人同行

網址：www.airasiago.com

（記得按下面「讚好」Share俾Facebook朋友）

我哋知道印尼唔係大家嘅至愛（峇里除外），不過有平嘢點都要講一講（尤其係呢排2-3月筍盤真係差唔多，4月復活節假後又未出）。華航每日有一班來回首都雅加達（實情係台北經香港飛雅加達），呢張機票最近劈到HK$1,700左右，總之連稅就HK$2,243，唔係日日都有，最好自己上佢官網查，而有效期都幾長。不過提一提你，佢回程時間勁早：06:30！介意者請勿考慮，或者用嚟買俾工人回鄉探親用。

留意位：

1. 機票有效期：30日

2. 出發日期：20/2 – 2/4；8/4 – 12/7；20/8 – 22/12

網址：www.china-airlines.com

（記得按下面「讚好」Share俾Facebook朋友）

港航不嬲鐘意週五晚出劈價盤，都靜咗一段日子，依家又嚟料！揀咗3個城市一刀劈，所有航班都有份減。曼谷HK$940（未連稅，下同），新加坡HK$1,060（我揀番新航！），峇里HK$2,730（都話減極都貴），下星期二7/2前出飛，最遲31/3出發，咁又可以貼住復活節大假期出走囉（國泰個Offer最後出發日期為29/3，難偷假）！

留意位：

1. 最後出票日期：7/2

2. 出發日期：10/2 – 31/3

3. 機票有效期：2 – 7日

網址：www.hongkongairlines.com

（記得按下面「讚好」Share俾Facebook朋友）