當港航跌到淨機票HK$320，國泰港龍終於還拖喇！講緊嘅係戰況慘烈嘅台灣航線！訂購今日至26/3，2/4 – 15/5以及18/5 – 31/5出發飛台北／台中／高雄來回機票，淨機票劈到HK$710，連稅HK$1,394，一人成行！機票有效期2-7日，來回城市更可以自由選擇，台北入台中走又得，高雄入台北走都得！總之三個城市來回任你揀，呢個價絕對係近年國泰港航新低價！不過最後出票日期只去到18/3下週一，有心去者快手啦！國泰港龍官網冇得訂，上Zuji啦！

記住31/8前去台灣三次來回，可以換取一張免費台灣機票，詳情請睇：台灣機票3送1活動，2013年又嚟啦！

網址：www.zuji.com.hk

（記得按下面「讚好」Share俾Facebook朋友）

華航終於推出4月台灣平機票，不過比以往提咗價！出發日期為2/4 – 30/4，飛台北／台中／高雄來回淨機票HK$750，連稅HK$1,467，飛台北限搭早機CI620（08:20/10:00），如果搭尾班夜機CI928（22:15/23:55），就要俾多HK$60（即係HK$810，連稅HK$1,527）；至於台中，HK$750機票只限4月頭段，4月中後段已經要HK$810起錶，而且無論HK$750定HK$810都要揀夜機去；至於高雄，去程坐CI934（10:10/11:30），回程冇限制，都係HK$750，呢隻就最抵玩喇！始終依家港航頂爛市，但4月起佢取消高雄航線，得番港龍同華航揀，咁華航HK$750的確仲有競爭力嘅！

必須經以下Link訂購先有優惠：

訂台北機票網址：https://calec.china-airlines.com/olb/tw/asp/itinerary.asp?depstn=HKG&arrstn=TPE&afntcode=EB

訂台中機票網址：https://calec.china-airlines.com/olb/tw/asp/itinerary.asp?depstn=HKG&arrstn=RMQ&afntcode=EB

訂高雄機票網址：https://calec.china-airlines.com/olb/tw/asp/itinerary.asp?depstn=HKG&arrstn=KHH&afntcode=EB

（記得按下面「讚好」Share俾Facebook朋友）

嘩！你冇睇錯！飛台北來回淨機票HK$320，連稅HK$1,004！是咁的：港航逢週末咪推出promotion code嘅！台北來回例減HK$300，本來冇乜特別，咁啱佢剛推出4月份週日至三出發來回淨飛HK$620，但重點係：呢隻Fare竟然可以用到HK$300 promotion code喎！咁減埋就係HK$320囉！小弟懷疑又係大漏洞乙個！唔駛諗！依家立即訂！聽朝起身應該冇！

搶飛步驟：

Step 1：出發日期必須揀4月週日至三，回程七日內

Step 2：如果見到有HK$620機票，恭喜您！就係你今次要搵嘅目標！

Step 3：記得先登記及login紫荊會會員（紫荊會免費申請網址：http://bit.ly/XiCJvm）

Step 4：再輸入promotion code : wZQ638EV（大細階必須跟足）

Step 5：系統會幫您減HK$300，總之連稅價係HK$1,004就去俾錢啦！

記住：必須登入紫荊會戶口，先可以使用其promotion code：wZQ638EV

網址：www.hongkongairlines.com

紫荊會免費申請網址：http://bit.ly/XiCJvm

（記得按下面「讚好」Share俾Facebook朋友）

一定全民瘋湧！ZUJI正式宣佈聽日（28/2）$10機票地點：台北！$10！加埋稅預六七舊，來回機票喎！用澳門船飛嘅價錢搭飛機，唔Like爆就假！至於詳情，一切留待聽早9:30am我哋「又飛啦！」同ZUJI聯合公佈！單料咁爆，仲唔立即Share俾朋友？

總括三日搶飛經驗，以下係一啲貼士值得大家參考：

1. ZUJI唔會一次過將所有$10機票倒入系統，佢分4個時段發放，ZUJI Facebook日日都有搶購時段嘅提示，我哋「又飛啦！」亦會全天候跟進，一有消息立即Post上嚟，所以記得Set定「又飛啦！」Facebook Page “Get Notification”功能（教學請睇：http://on.fb.me/123nSXl），一有消息，無論你用桌上電腦抑或手機，馬上Alert！

2. 今次去台北嘅飛每人最多可以買2張，記得準備好信用卡資料，自已及/或同行者資料（包括護照上嘅姓名，出生日期，性別），因為難得Load到入網站買到，一返轉頭就無晒架喇！到時喊都無謂！

3. 今次台北機票嘅出發時段係3月任何日子，平日同Weekend都有！

4. 建議選用+/-3日嘅機票搜尋器，比較易搵到目標，不過記住顯示嘅價錢唔會係$10，因為呢一頁所顯示嘅價錢係包含稅項同燃油附加費。就以聽日台北為例，連稅後價錢預計約為HK$6xx，咁呢個價即代表$10機票喇！

5. 開賣時，如果見到$10機票但再Click落去見唔到，唔駛灰心住，可能當下已經有人搶咗，但如果佢最終選擇唔交易，系統會放番張$10機票出嚟，您可以屆時再搶過，所以只要Keep住Reload版面，直到我哋喺Facebook Page同大家講「經已沽清」先收手都未遲。

6. 請記住：話就話某個時段會開賣，但絕對唔係第一分鐘就即刻賣，而係當．中．嘅某個時間，ZUJI會突擊放飛，然後開賣20分鐘，只要您Keep住Search，又或者開啟「又飛啦！」Facebook Page “Get Notification”功能，甚至乎上嚟我哋「又飛啦！」Facebook Page打聽下各路fans匯報，搶飛無難事，只怕有心人。

7. 如果您搵到$10機票，請立即按Add Basket，及以光速輸入所有資料（系統會預設您買埋保險，您可以剔走唔買），千祈唔好以為系統會幫您Hold飛20分鐘。

搶票網址：www.zuji.com.hk

條款及細則：zuji.com

（推廣活動內之航班為指定航空公司營運，包括中國國際航空、中華航空、中國東方航空或香港航空。機票數量有限，售完即止。）

想知其他日子劈邊度，記得日日留意我哋「又飛啦！」同ZUJI聯合公佈！

（記得按下面「讚好」Share俾Facebook朋友）

人氣旅遊網站ZUJI原來已經10歲大喇！為隆重慶生，ZUJI特別由25/2至8/3，逢週一至五，每日推出4次限時嘅HK$10機票搶購優惠（未連稅，下同）。呢10個地點，長短途都有（嘩！$10機票飛長途，葡航漏洞機票都唔止啦 >.<） ！咪以為$10就係坐廉航，查實今次佢哋係賣傳統航空公司機票，即係有免費餐飲／行李寄艙／機上娛樂個隻！所以論劈價之狠，絕對係史上最強，驚天地，泣鬼神！

聽早週一（25/2）開工後，佢哋會率先開賣第一站：高雄！ZUJI會喺聽早週一9:00公佈第1個開賣時段，我哋當然第一時間為大家報導！之後嗰3個時段，ZUJI會透過官網及其Facebook Page先俾貼士，然後突擊公佈，我哋「又飛啦！」會全天候跟進，一有消息立即Post上Facebook Page，所以記得Set定「又飛啦！」Facebook Page “Get Notification”功能，一有消息，無論你用桌上電腦抑或手機，馬上Alert（教學請睇：http://on.fb.me/123nSXl）！請記住：每次開賣限時20分鐘，出發日期同航空公司名稱會於開賣時先揭曉，您必須於限時內完成交易，遲咗就冇！仲唔Share俾朋友聽日一齊搶？

搶票網址：www.zuji.com.hk

條款及細則：zuji.com

（推廣活動內之航班為指定航空公司營運，包括中國國際航空、中華航空、中國東方航空或香港航空。機票數量有限，售完即止。）

想知其他日子劈邊度，記得日日留意我哋「又飛啦！」同ZUJI聯合公佈！

（記得按下面「讚好」Share俾Facebook朋友）

台灣觀光協會正式公佈「台灣3送1活動」詳情：凡於1/1/2013至31/8/2013止，到遊台灣三次者，只要保留三次來回（共六張登機證）的正本，即可連同有台灣移民署印章的出入境入台證副本，或照相留存之副本（即係用手機拍都得），或有相片及移民署印章之多次入台證副本，於30/9/2013前，郵寄或親自交往九龍尖沙咀廣東道30號新港中心第一座6樓602A室台灣觀光協會香港辦事處，即可換領香港來回台灣經濟客位之機票兌換券乙張。如屬郵寄者，須連同貼上1.4元郵票的回郵信封。

三次來往台灣機票（即共六張）可以係任何航空公司，但送嗰張來回機票就由台灣觀光協會決定邊間航空公司，如有查詢，可於辦公時間內致電：2581-0933 查詢。

記住：必須使用香港有效護照出入台灣，用其他國家護照係唔得嘅！

詳情請睇：www.welcome2taiwan.net

（記得按下面「讚好」Share俾Facebook朋友）

後新年劈價者，華航宣佈加入戰團！飛台灣來回淨機票HK$650佢都堅守咗幾個月，到依家終於再跌啦！減HK$40去到HK$610，來回連稅HK$1,298起，貼住港航週末熱賣價，真係低到得人驚！出發日期為1/3 – 27/3，台北去程指定搭超早機CI678（08:20/09:55）；台中去程指定搭夜機AE1832（20:40/22:10）；高雄去程指定搭夜機CI938（21:35/22:55），以上三個地點回程時間冇限制睇供應。Check過系統，台北呢個價26/3 – 27/3出發已經冇晒，26/3飛要貴HK$100到HK$710，27/3飛直頭冇特價；台中最遲只係26/3出發，返香港最遲亦只係31/3，食唔到復活節最後一日公眾假期（1/4）；高雄最遲亦係26/3出發，回程1/4仲有位，只可惜係早機CI931（09:05/10:35），啱心水就去馬喇！始終今年復活節機票咁緊張，仲有呢啲筍價，唔錯啦！

網址：www.china-airlines.com

（記得按下面「讚好」Share俾Facebook朋友）

依家先決定新春玩避年？搭泰航去台北啦！其實自從泰航重新開辦香港<->台北航線後，我哋「又飛啦！」從來冇介紹過，皆因來回時間真係差：去程晚機20:30/22:20，本來好適合放工一族，但衰在回程係超早機07:40/09:25呢！所以一直當佢隱形。之但係如果您依家先訂聽晚飛台北嘅新春機票，Check過系統，真係泰航最平！唉算啦！鬼叫您唔想請假又咁Last先決定咩！淨機票HK$1,710，連稅HK$2,364，依家買，即刻執行李啦！

網址：www.thaiairways.com

（記得按下面「讚好」Share俾Facebook朋友）