國泰港龍上年做台灣2人同行HK$800，但剛剛喺31/1完咗喇！不過佢已宣佈Encore，價錢就比上次貴HK$100，出發日期由1/2至3/2；15/2至27/3，飛台北及高雄2人同行來回淨機票每張HK$900，連稅HK$1,555，相比起一眾對手如華航／長榮／港航甚至泰航，佢係最貴，但呢隻筍盤嘅最大賣點並非如此：因為佢回程可以俾您揀唔同城市，例如台北入高雄出，高雄入台北出，回程甚至可以揀埋台中，例如台北入台中出，高雄入台中出（不過台中來回就冇呢口價），自由度大咗，當堂值錢晒！雖然官網有呢隻盤賣，但只限同地來回，想分開城市來回，去Zuji買最方便（又或者打去國泰2747 1577出飛都得），反正同官網價錢相若，最後出票日期為27/3。

網址：www.zuji.com.hk

溫馨提示：華航已率先公佈將參與2013年「港人遊台機票三送一」活動，換領細則請瀏覽：www.china-airlines.com　（國泰港龍雖未宣佈加入，但留定登機證等公佈無壞）

（記得按下面「讚好」Share俾Facebook朋友）

飛台北，唔駛等長榮週末劈喇！由依家到一月底，長榮每晚20:00至早上08:00都會開賣19/2 – 26/3出發嘅台北超平機票，19/2 – 28/2出發就來回HK$690（連稅HK$1,384），1/3 – 26/3就平HK$40（連稅HK$1,344），去程限坐航班同之前嘅週末劈一樣：BR828（07:30/09:10）/ BR852（11:20/13:00）/ BR868（13:45/15:20）/ BR810（21:50/23:25）），7日有效期。Check過系統，二月份下旬想搵個Weekend飛台北？22/2週五去程仲可以搭BR810（21:50/23:25，選用全新A321-200客機，飛行報告已上載Facebook Fans Page），24/2週日台北回程最夜只有BR871（16:35/18:20），唔駛請假平飛台北！至於三月週日台北返港班機，最遲起飛都係下午，只有24/3週日先有夜機BR857（18:10/19:55）。嫌玩唔夠？不妨請多幾日假先返，否則等同遊機河，不去也罷。今晚起，記得每晚都入長榮指定Link望望，話唔定佢靜靜雞加啲新平機票入系統呢？

提提您：由於長榮將於12/3-10/4期間進行機組調換，來往港台之間嘅Hello Kitty飛機將會暫停服務，改由普通A330-200航機執飛，一心想搭Hello Kitty機嘅您，留意喇！

溫馨提示：華航已率先公佈將參與2013年「港人遊台機票三送一」活動，換領細則請瀏覽：www.china-airlines.com　（長榮雖未宣佈加入，但留定登機證等公佈無壞）

網址：eservice.evaair.com

（記得按下面「讚好」Share俾Facebook朋友）

長榮週末劈又嚟啦（其實有時佢會喺平日晚上低調Encore）！今次最大賣點，係首次推出三月台北平機票！價錢同一月一樣HK$650（連稅HK$1,344），去程限坐航班加多一班（BR828（07:30/09:10）/ BR852（11:20/13:00）/ BR868（13:45/15:20）/ BR810（21:50/23:25）），回程冇限制，1人飛都得，機票有效期2至7日。不過要提提您：由於長榮將於12/3-10/4期間進行機組調換，來往港台之間嘅Hello Kitty飛機將會暫停服務，改由普通A330-200航機執飛，所以如果一心想搭Hello Kitty嘅您，留意喇！最後出票日期為下週一（28/1）早上08:00。

網址：eservice.evaair.com

（記得按下面「讚好」Share俾Facebook朋友）

農曆新年過後嘅台灣機票，一劈接一劈！最新一刀係華信（即係華航）台中線，尋日仲話二月份出發淨機票HK$760，嘿嘿！三月份出發仲平呀陰公！出發日期1/3 – 27/3，來回HK$650，連稅HK$1,344，一人飛都得，七日有效期，Check過系統，如果揀最後一日27/3出發，1/4返，貼到復活節長假期去，只需請28/3一日假就得（因為27/3係夜機去），最衰回程係搭超級早機（AE1819 07:35/09:10），冇計！針冇兩頭利！呢隻Fare只限週末出票，最後出票時間為28/1週一早上08:00，睇啱就郁手喇！

網址：www.china-airlines.com

溫馨提示：華航已率先公佈將參與2013年「港人遊台機票三送一」活動，換領細則請按此瀏覽：http://www.china-airlines.com/hk/promotionhk/promotionhk000503.htm

（記得按下面「讚好」Share俾Facebook朋友）

好多「又飛啦！」Fans近日都不停問我哋：農曆新年有冇平機票呀？Well，如果想完全唔請假：9/2週六（年廿九）飛，13/2週三（大年初四）返，搵勻晒全亞洲，飛東京ANA夠膽收您連稅HK$17,000！泰航曼谷來回連稅都要HK$5,000，本來心淡啦，哈！天無絕人之路！竟然俾我哋搵到最後筍盤！是咁的，如果去台中，去程搭香港快運UO168　（17:10/18:45），回程搭UO169（19:35/21:20），淨機票HK$1,150，連稅HK$1,811，如果做埋港航紫荊會會員，仲有額外HK$50減，即係連稅HK$1,761，只係比平時淡季飛貴三四舊，但以咁Last Minute先買大時大節機票嚟講，簡直筍到無朋友！不過提提您：HK$1,150呢隻Fare喺港航官網已經所餘無幾，執筆之時，去程UO168仲剩番三個位，回程UO169仲衰，得番最後兩個位，相信呢篇Post一出，都好快無埋，各位「又飛啦！」Fans，極速搶啦！

網址：www.hongkongairlines.com

（記得按下面「讚好」Share俾Facebook朋友）

14:40 25/1 Updated：華航改咗$650優惠，要2人同行先有，1人飛嘅HK$760就有

二月份飛台灣嘅筍盤，終於嚟啦（當然唔包括農曆新年假期）！華航率先推出二月份飛台北／台中／高雄三地劈盤，出發日期為1/2 – 3/2；15/2 – 28/2，飛台北或高雄淨機票HK$650，連稅HK$1,344起，不過呢個價比較難搵，台北去程都係搭最早班機CI678（08:20/09:55），下一個Class嘅HK$760就較多供應，而且來回時間選擇頗多；至於飛台中來回淨機票最平HK$760起，連稅HK$1,454，7日有效期。至於大家最關心嘅新年機票，一般班次應該冇，至於凌晨新春加班機有冇優惠，我哋「又飛啦！」會幫大家密切留意！

飛台北：https://calec.china-airlines.com/olb/tw/asp/itinerary.asp?depstn=HKG&arrstn=TPE&afntcode=LSTMIN

飛高雄：https://calec.china-airlines.com/olb/tw/asp/itinerary.asp?depstn=HKG&arrstn=KHH&afntcode=LSTMIN

飛台中：https://calec.china-airlines.com/olb/tw/asp/itinerary.asp?depstn=HKG&arrstn=RMQ&afntcode=LSTMIN

（記得按下面「讚好」Share俾Facebook朋友）

華航飛台北最早班機CI678 同CI 620（08:20/09:55）不嬲較少人訂，冇他嘅：08:20起飛最遲07:20 Check-in， 即係您要5點起身兼出發！不過如果您真係想玩盡台北，其實早去係唔差，事關入到台北市中心，去埋酒店Check-in，剛好12點左右，仲可以閃去鼎泰豐嘆小籠包兼有半日時間玩。華航呢個Weekend推出早機優惠，經以下指定Link訂飛，去程限搭CI678/620（其實出發時間一樣，只係唔同日子航班編號唔同），回程冇限制（不過亦唔太多選擇，但亦有夜機嘅），來回淨機票HK$650，連稅HK$1,344，2-7日機票，正式同長榮睇齊！不過如果再減到HK$500，同長榮距離拉番長少少就更Perfect！出發日期為19/2 – 27/3。

提提您：據聞台灣觀光局今年可能會Encore上年嘅”31/8前飛三次台灣送一張下半年來回機票”活動，詳情仲未落實，所以依家起飛台灣，記得保留登機證以作日後申請呀！

網址：www.china-airlines.com

（記得按下面「讚好」Share俾Facebook朋友）

長榮週末劈又嚟啦！今次台北機票同上週一樣：1. 價錢同樣HK$650（連稅HK$1,344）；2. 去程限坐航班一樣（指定坐BR828（07:30/09:10）/ BR852（11:20/13:00）/ BR810（21:50/23:25），回程冇限制，如有供應，可以揀Hello Kitty航班）；3. 1人飛都得（當然2-7日機票有效期係指定動作），唯一唔同係最後出發日期比上週多兩日至5/2，上週末走寶嘅您，今次好訂喇！最後出票日期為下週一（14/1）早上08:00。

提提您：據聞台灣觀光局今年可能會Encore上年嘅”31/8前飛三次台灣送一張下半年來回機票”活動，詳情仲未落實，所以依家起飛台灣，記得保留登機證以作日後申請呀！

網址：www.evaair.com

（記得按下面「讚好」Share俾Facebook朋友）