「又飛啦！」一直努力為Fans搵盡全球平機票，今日又有另一隻「全港首報」！秋天飛北京嘅平機票已陸續出籠，其中國航近日更低調推出2人同行平飛，官網冇賣，佢亦冇乜特別宣傳，就俾我哋「又飛啦！」率先搵到。由28/8 – 31/10出發（28/9 – 30/9不適用），淨機票每張賣HK$1,520，連稅HK$2,222，比起1人飛機票慳三舊水，亦比旺季機票平近千元！來回航班冇限，國航咁多航班，隨時夾隻早去午後返都得！呢隻飛係G Class Code，可以賺50% AsiaMiles，以特價飛嚟講算係少有（雖然里數唔多）。去真旅網買啦！

網址：www.travelzen.com

（記得按下面「讚好」Share俾Facebook朋友）

貴為「又飛啦！」評為歐洲平霸之一嘅國航，今個秋冬想平飛歐洲機會又嚟啦！多條歐洲航線劈到盡，雖然淨機票價比卡塔爾／俄航甚至土耳其航空貴，但由於下欄費（稅及油附）比較低，所以連稅價一向係最平之一。今年1/10起飛倫敦格域HK$3,240（連稅HK$6,136）起、德國法蘭克福HK$3,200（連稅HK$5,722）起、慕尼黑HK$3,420（連稅HK$5,830）起、杜爾塞多夫HK$3,420（連稅HK$5,787）起、法國巴黎HK$3,310（連稅HK$5,567）起、意大利羅馬HK$3,550（連稅HK$5,487）起，其他歐洲大城市淨機票價亦係HK$3.2-3.6K咁上下，全部連稅唔過HK$6K，去邊度搵？總之今個秋冬想以最平價錢飛歐洲，堅係國航啦！

網址：www.airchina.hk

（記得按下面「讚好」Share俾Facebook朋友）

美加東岸機票，一向都唔平，就算秋冬，直航連稅點都要萬萬聲，不過好在有強國航空打救！中國國航嘅長途航班，早訂一向都幾平，就以今次介紹嘅秋冬早餐盤為例（出發日期為1/10 – 31/12），飛紐約HK$4,090起，飛三藩市同洛杉磯亦只係HK$2,990起，年尾聖誕都啱用，真係抵到無朋友。就算連埋稅，飛紐約亦只係HK$6,194，呢口價仲平過直航機淨機價！洛杉磯同三藩市同樣HK$5,094，仲想平？唯有等八九月國泰／新航推出嘅直航三四千蚊筍盤嘞！Check過系統，紐約HK$4,090呢口價供應尚算充裕，三藩市同洛杉磯就以11月打後先多啲，其中洛杉磯10-11月就比較多HK$3,780（連稅HK$5,884）之選，換言之貴近八舊，如果唔急，可以等一等。至於紐約，雖然回程要喺北京機場瞓一晚，不過紐約機票好難有平，睇啱就去馬啦！

留意位：

1. 機票有效期：21日

2. 最後出票日期：15/7

3. 出發日期：1/10 – 31/12

網址：www.airchina.hk

（記得按下面「讚好」Share俾Facebook朋友）

國航今日突然推出限時劈價盤，幅度都幾深，由依家到明日28/6下午14:59前透過Zuji訂飛，飛重慶來回HK$888（未連稅，下同），北京／大連來回HK$999，比平時減三至四成！最正嘅係重慶同大連適用日期係整個七月，暑假平飛又有著落；至於北京，暑假就冇，只提供秋冬三個時段（其中一個係國慶時間，正！），但北京機票極少低於HK$1,000，所以時間OK就合埋雙眼去搶啦！不過提提你，呢啲價未必日日有，視乎供應，想知你目標日子幾多錢，可上Zuji睇睇。

留意位：

1. 最後出票日期：28/6 14:59

2. 出發日期：1/7 – 31/7（重慶／大連）；1/9 – 6/9、1/10 – 3/10、27/11 – 4/12（北京）

3. 適用航班：重慶去程 CA420（18:25/20:30）回程 CA419（15:10/17:20）／大連去程 CA106（17:25/21:00）回程 CA105（12:55/16:25）／北京去程 CA102 （12:45/16:00）或CA112（14:10/17:30），回程任揀（當然港龍代碼共享就唔得）

網址：www.zuji.com.hk

（記得按下面「讚好」Share俾Facebook朋友）

「又飛啦！」自從16/1起都冇介紹俄羅斯莫斯科筍盤，嗰陣係羅宋湯航空直航劈到HK$1,040，但1月喎！仲零下唔知幾十度，應該冇乜人咁有勇氣去捱凍。依家就唔同，天氣已入夏，俄羅斯氣溫都有廿令度，想暑假去玩，依家訂仲有平機票，當然直航就無咁平啦！搭國航喺北京轉機，齋飛最平可以做到HK$1,930，連稅HK$3,755。嘩！呢口價同冬天差冇幾喎！不過有代價：去程需要喺北京機場逗留一晚，大約16小時啦！如果想即日轉機，呢個價，選擇好少，否則就俾多HK$1,150 – 即係HK$3,080，連稅則HK$4,905，想平想舒服，自己揀！最正係呢張機票有效期長達30日，可以慢慢玩盡俄羅斯大小城市，真係暑假又一平飛例證！

網址：www.airchina.hk

（記得按下面「讚好」Share俾Facebook朋友）

北京好少出特價盤，呢隻真係要報一報。去Zuji買國航，28/6前出發，呢隻2-7日飛，2人同行每位只需HK$1,160，連稅就HK$1,896，仲平過港航四舊，航班冇限（當然賣完即止），Check過系統，唔係日日都有得賣，不過最搞笑係28/6先出發，2/7返，呢一刻竟然仲有位！哈！回歸大假平飛有著落鳥！話時話，國航北京航線有時會採用同公司嘅澳門航空執飛，係香港搭澳門航空，又真係幾有趣～～～

網址：www.zuji.com.hk

（記得按下面「讚好」Share俾Facebook朋友）

作為歐洲平霸三寶之一，其實國航都幾抵坐，事關佢飛安紀錄一直良好（俄羅B我一向都驚驚地，卡卡航空梗係正啦，不過下欄超貴呢），駁機時間亦夠彈性。之前同大家講過國航飛倫敦格域連稅都只係HK$5,579，其實佢飛其他歐洲城市都一樣抵，連稅一般唔過HK$6K，包括德國法蘭克福／慕尼黑／杜爾塞多夫、法國巴黎、意大利米蘭、瑞典斯德哥爾摩、西班牙馬德里、希臘雅典，齋機票HK$3,400起，就算暑假旺季先去（20/7 – 20/8），都只係HK$3,720起，豪俾佢啦！不過呢批平機票唔係日日有，有啲地點亦賣得七七八八，有興趣者，不妨上官網或Zuji自己尋寶吧！

留意位：

1. 機票有效期：0-30日

2. $3,400機票出發日期：今日至19/7；21/8 – 21/12；26/12 – 31/12

3. $3,720機票出發日期：20/7 – 20/8；22/12 – 25/12

網址：www.airchina.hk

（記得按下面「讚好」Share俾Facebook朋友）

香港飛倫敦，直航連稅冇一萬都八千（暑假更加No Eye See），皆因俾希斯路機場（LHR）超昂嘅機場稅累死。唔想俾佢「夾生劏」，不如轉機場降落啦！除咗希斯路機場，倫敦仲有一個叫格域機場（LGW），以前嘅甘泉航空同依家嘅港航，都因為貪佢機場費用平而揀選。講到飛格域平機票，國航有一隻超筍盤，五月底前出發（去程揀二／四／六，回程揀日／三／五），淨機票價只需$2,780，連稅亦只係HK$5,579，仲平過俄羅B同卡卡航空，成為飛倫敦平霸之最！其實我都飛過格域，講真個度大把歐洲廉航進駐（例如EasyJet），用嚟轉機去歐洲不知幾好。如果你唔介意轉機，飛格域啦！況且入市中心仲快過希斯路一截。由於國航每日都有唔少機由香港飛北京，你可以揀一班停北京最少嘅班次，來回程最快各飛15 – 16小時，比直航多三四粒鐘，但荷包慳好多！

網址：www.zuji.com.hk

（記得按下面「讚好」Share俾Facebook朋友）