加航少有平盤，呢次要睇睇：除咗直航有平外，轉機飛美國其他城市都有。出發日期由9月7日至12月31日、2015年1月6日至3月15日，香港來回溫哥華淨機票HK$4,954起，連稅計HK$7,127起、來回多倫多淨機票HK$5,800起，連稅計HK$8,025起、經溫哥華轉機飛其他美國城市（例如: 洛杉磯、西雅圖和拉斯維加斯）淨機票HK$4,905起，連稅計HK$7,229起。呢口價比之前平咗約HK500左右，加上機票有效期21日，去玩探親都啱用。Check過系統，驚喜在於聖誕出發都有，如12月23-30，去拉斯維加斯都有，請4日假就玩8日，其他日子以淡季平日為主。最後訂票日期為9月4日，啱就上ZUJI買啦。

網址：www.zuji.com.hk

（覺得抵可用Whatsapp同LINE Share俾朋友架）

加拿大航空美加盤，溫哥華$4,954、多倫多$5,800、轉飛美國西岸$4,905起，機票有效期21日

加航直飛多倫多連稅唔過一萬嘅盤又嚟喇！出發日期為10月9日-12月31日、2015年1月6日-2月13日、2月23日-3月20日、4月5日-6月15日，淨機票來回HK$6,300起，連稅HK$8,523起，雖然比上個月賣貴咗HK$400，不過東岸唔過萬仲要直航，仍然有睇頭。Check過系統，驚喜在於聖誕出發都有，如12月23-30，請4日假就玩8日，適合返鄉下探親用途，機票有效期為1個月，最後出票日期為8月30日，官網無得賣，啱就上ZUJI買啦。

網址：www.zuji.com.hk

（覺得抵可用Whatsapp同LINE Share俾朋友架）

加拿大航空淡季直航多倫多$6,300起，聖誕都有

直航加拿大多倫多連稅通常都過一萬，不過近日加拿大航空推出淡季優惠，先講多倫多：出發日期由10月9日-12月31日、2015年1月6日至2月13日、2月23日至3月20日、4月5日至6月15日，淨機票來回HK$5,880起，連稅HK$8,110起，東岸唔過萬真係好吸引；至於溫哥華出發日期由9月8日-12月31日、2015年1月11日至3月15日，淨機票來回HK$5,160起，連稅HK$7,337起。Check過系統，驚喜在於聖誕旺季出發都有，如12月23-30，請4日假就玩8日喇，供應量都唔少。飛溫哥華機票有效期為1個月，而多倫多就21日，無論探親定去玩都啱用。最後出票日期為7月31日，官網無得賣，啱就上ZUJI買啦。

網址：www.zuji.com.hk

（覺得正請記得按Like同Share俾朋友）

加航淡季直航多倫多溫哥華$5,160起，聖誕都有

美加東岸好少有平機票，有都係靠fanfares啦！但機票有效期通常得7-14日，好難用嚟探親留學用。今次介紹一隻組合盤，由香港航空同佢阿媽海南航空組成，先搭港航上北京，然後轉搭海南航空全新787夢幻客機直飛美加東岸。先講價錢：來回淨機票波士頓HK$3,750起（連稅HK$7,550），芝加哥HK$3,950起（連稅HK$7,750），多倫多HK$5,070起（連稅HK$8,795），唔算超平，但可以率先體驗全新787客機，都值得嘅！最緊要係機票有效期長達6個月，留喺當地慢慢玩/休息吧！出發日期為2/10 – 31/12，最後出票日期為30/10，官網有得賣但價超貴，平就上番ZUJI買吧！

網址：www.zuji.com.hk

（覺得正請記得按Like同Share俾朋友）

港航+海航美加早餐盤，搭787夢幻客機飛波士頓$3,750起，芝加哥$3,950起，多倫多$5,070起，6個月有效期

國泰港龍fanfares第67週又嚟啦！記得今早08:00開倉喎！今次推出11個城市，自由揀日子估計為20/04/2014 – 03/05/2014，指定日子估計介乎02/07/2014 – 17/02/2014。前者有機會跨5.1勞動節及清明節長假期，一陣8:00去搶喇！

地點　淨機票 ｜連稅價（評語）

克拉克 / 安吉利斯 HK$490 | HK$1,046（一世唔去）
河內 HK$790 | HK$1,471（一般淡價）
寧波 HK$790 | HK$1,463（繼續翻炒）
杭州 HK$890 | HK$1,563（4月出發）
高雄 HK$890 | HK$1,525（應該5.1）
吉隆坡 HK$990 | HK$1,699（可能2月）
暹粒 HK$1,390 | HK$2,141（好耐冇見）
大阪 HK$1,590 | HK$2,373（應該指定）
巴黎 HK$2,590 | HK$5,101（值得考慮）
三藩市 HK$3,390 | HK$5,806（再減一舊）
多倫多 HK$3,990 | HK$6,326（瞓身搶購）

以上只作參考用途，其他稅項及附加費或會有所變動。

國泰FanFares網址： www.cathaypacific.com

港龍FanFares網址： www.dragonair.com

「國泰港龍fanfares往績全紀錄」（by Google Doc)：http://bit.ly/Y5JkUl　<–記得Bookmark！

相關文章；官方親自Share！國泰港龍fanfares至勁搶飛攻略！http://flyagain.la/?p=7434

（覺得抵請記得按Like同Share俾朋友）

飛多倫多機票一向貴爆，直航冇過萬唔駛諗。肯轉機？聯合航空原來有隻筍盤，竟然冇人發現：來回淨機票HK$5,040起，連稅HK$7,789起，去程經芝加哥轉機，回程經紐約紐華克（可惜去程頂盡可以停一日芝加哥，回程冇得Stop Over），連稅唔駛八千飛多倫多，比較罕見。最重要係出發日期去到明年31/07，Check過系統，除咗12月中至1月尾冇之外，由依家一直到明年7月都唔難搵到，當中4月復活節長假以及7月暑假更有唔少日子揀！需要返去探親者，趁冇乜人知，靜靜雞入手喇！機票有效期1個月，最後出票日期31/10。

網址：www.zuji.com.hk

（覺得抵請記得按Like同Share俾朋友）

又係長途機票系列，今站嚟到加拿大！好少劈價嘅加航推出兩隻筍盤：直航溫哥華來回淨機票HK$4,050起，連稅HK$6,344起；飛多倫多（經溫哥華轉機）來回淨機票HK$6,100起，連稅HK$8,447起（直航連稅要一萬頭）。直航溫哥華仲有呢口價，應該係加航近期少見之作，最值得推介！如果您需要秋天飛去溫哥華採親者，唔好等，要即食！至於飛多倫多，呢口價當然唔算最平，不過多倫多線需求一直好大，難有大減價益街坊。出發日期為6/9 – 31/10，機票有效期21日，最後出票日期為16/9，香港出發限坐AC8（19:50/16:35）。官網冇得賣住，不如上真旅網望住先。

網址：www.travelzen.com

（覺得抵請記得按Like同Share俾朋友）

我哋好耐冇同大家發掘多倫多平機票，無他嘅！直航好難有筍盤（之前加航做冬季Promotion，連稅都要過萬，報唔落手），除非您好好彩遇上國泰fanfares啦！唔想等？長榮幫到您。由9月至12月出發，經台北轉機來回多倫多，來回淨機票HK$4,730起，連稅HK$6,970起，足足慳三／四千；如果想停台北，呢隻fares講明回程可免費停一次，補番少少台北機場稅就得（HK$79）。如果您想訂，建議喺官網揀選”中途停留 / 不同點進出”，再將整個行程拆開三段，包括：1. 香港->多倫多；2. 多倫多->台北；3. 台北->香港，見淨機票價錢比起唔停台北同價者就卜啦！機票有效期為1個月，夠晒您一雞兩味玩盡多倫多及台北。

網址：www.evaair.com

（覺得抵請記得按Like同Share俾朋友）