X
大韓航空啱啱推出韓國兩大城市Last Minute靚盤，出發日期由1月20日至1月31日，來回淨機票HK$1,900起，連稅計：釜山HK$2,499起、首爾HK$2,536起。以傳統航空公司嘅Last Minute平飛嚟講都算抵玩，加上仲有個好味伴飯做飛機餐。Check過系統，去程以夜機為主，回程就不限，視乎供應，機票有效期7日，啱就上Priceline買。
（覺得抵可用Whatsapp同LINE Share俾朋友架）
大韓航空Last Minute優惠，飛首爾、釜山來回$1,900起，1月30日前出發
淡季飛首爾，最平機票唔係真航空就係濟洲航空，但都要捱午去早返機，前後冇咁兩日。如果想早去晚返（甚至凌晨機離港），大韓有好嘢益您！佢剛剛劈咗9至10月份出發機票，來回淨機票HK$2,340起，連稅HK$3,095起，比以往平五六舊；飛釜山一樣有平，淨機票同樣HK$2,340起，連稅HK$3,059起，Check過系統，飛首爾供應量暫見充裕，大節日附近日子出發都仲有呢口價（例如中秋／國慶／重陽等）；飛釜山HK$2,340就較少，HK$2,530就較多（6個月有效期），機票有效期7日，最後出票日期為31/10。官網冇得賣，上真旅網啦！
您可能話：車！對手韓亞仲平添！但自從今年7月三藩市空難後，我哋「又飛啦！」已決定喺美國國家運輸安全局（NTSB）完成調查前，暫時唔會再推介韓亞，希望各位飛得安心！
（覺得抵請記得按Like同Share俾朋友）
首爾猛咁出6月份平機票，今次就輪到大韓航空：出發日期1/6 – 30/6，淨機票HK$2,260，連稅HK$3,040，比另一個Class賣平HK$300左右。雖然比濟洲航空貴，但大韓賣點始終係來回時間超靚（仲有個伴飯～～好味道），去程可以揀零晨機（仲要係A380班次），回程可以揀夜機KE607（19:45/22:30），機票有效期更長達1個月，咁已經值回票價啦！Check過系統，6月尾接近回歸假就唔多覺，其他日子就唔太難搵（當然週日想夜機返就難啲）。官網冇得賣，上真旅網啦～
（覺得抵請記得按Like同Share俾朋友）
春天飛三藩市想買特價飛？依家國泰都有淨機票HK$5,900連稅HK$8,404選擇，但機票有效期只有15日，想玩耐啲？大韓有好嘢益您！由31/3至31/5出發，經首爾轉機飛美國三藩市，來回連稅HK$6,998起，機票有效期長達三個月，只要加約HK$600可延長至一年，再加HK$800更可以停留首爾，加埋亦係八千鬆啲，但可以一雞兩味，仲可以食足一年，去大韓官網出飛吧（HK$6,998供應量較少，要慢慢搵）！最後出票日期為30/4。
（記得按下面「讚好」Share俾Facebook朋友）
早喺31/10，我哋「又飛啦！」講過大韓冬季21/12前出發飛首爾跌至HK$2,000低水平，咁21/12之後呢？終於有喇！大韓推出明年冬春早餐盤，出發日期為1/1 – 7/2 + 14/2 – 27/3，來回淨機票HK$2,030，連稅HK$2,877，延續冬天低價水平！去程仲可以揀A380航班KE608（00:55/05:20），正喎！Check過系統，供應量充足，至於貼近復活節呢？27/3（優惠最後一日）去就無呢個價，26/3就有，回程1/4（最後一日公眾假期）最遲只可搭KE613（10:10/12:45），不過HK$2,877連稅飛首爾過復活節，都有得諗喎！官網未有得賣，去真旅網啦～
（記得按下面「讚好」Share俾Facebook朋友）
記憶所及，「又飛啦！」好少提大韓優惠，因為佢好少劈價，飛首爾淨機票HK$2,500一向企得幾硬，不過踏入冬季，終於忍唔住啦～～21/12前出發（事實上21/12出發嘅賣晒，20/12出發就仲有貨），1個月有效期，飛首爾只係HK$2,000，連稅HK$2,879，平五舊水，大韓咁高質素，呢個價竟然接近廉航，超值啦！官網就未有得賣，上真旅網出飛吧！Check過系統，出發主要係下午機，回程都有下午選擇，未算太差，最大亮點係機票有效期長達1個月，選擇20/12出發，年尾或明年年頭返港都仲有HK$2,000呢口價，遊晒成個韓國都得啦！
（記得按下面「讚好」Share俾Facebook朋友）
年尾特價機票都出咗唔少，今日不如講下明年復活節早餐盤，事關呢啲傳統旅遊旺季，機票一定貴到嘔電，劈價？唔加爆您都偷笑啦！所以如果想踏正假期嗰4日（五／六／日／一）唔請假出埠，呢一刻見到筍盤就要入手喇！好！先送上一隻韓式早餐盤：飛首爾，搭大韓呢一刻仲有來回HK$2,530之選（連稅HK$3,377），咦？同平常日子差唔多價嘅？不過去程就要搭下午機KE614（15:30/20:00），第一日Bye Bye，回程最遲可以揀KE601（13:50/16:30），尚可接受。Check過系統，無論搭正嗰4日（29/3週五去，1/4週一返）抑或圍繞住復活節（甚至連埋清明節）長假期，呢一刻都仲有呢口價，如果一早已Plan定春天去首爾，趁依家冇乜人知，快手食埋呢隻韓式早餐盤喇！官網冇咁平，去真旅網買啦！
（記得按下面「讚好」Share俾Facebook朋友）
近期美加航線都有航空公司減價，今次就介紹一下大韓航空，佢推出一系列美加城市嘅Early Bird優惠（須於首爾轉機），最平飛三藩市就HK$4,420（未連稅，下同），飛熱門城市如紐約就HK$5,450，多倫多就HK$6,920，溫哥華就HK$4,970，都算幾抵嘅！我最欣賞係飛拉斯維加斯都只係HK$5,420，佢去程可以由首爾直飛到拉斯維加斯，呢套機票平時做七千以上，今次好抵！不過要留意係佢呢隻早餐盤聖誕新年同農曆年都唔適用，最後出發日期為29/2，有效期1年。有興趣可到旅遊熱線中心查詢。
查詢電話：2310 9931
（記得按下面「讚好」Share俾Facebook朋友）
X