去亞洲，有兩個地方最好買Package，一個係我介紹過嘅蘇海島（因為機場係Bangkok Airways興建，直航獨家，機票難平），另一個就係汶萊喇！無計啦！淨係得皇家汶萊航空有機去。學聯有一個4日3夜嘅套票HK$3,190起，我就建議揀中央酒店（Center Point Hotel），雖然貴多HK$600，但Location好，位於Gadong旺區，嗰度夜市每晚6點開始，食到飽死都係HK$20-30左右。以為有錢國家就消費高？唔一定架！套票仲包埋半日Day Trip，帶你去睇汶萊國家博物館、蘇丹皇宮、清真寺、蘇丹登基紀念館，不過當中有買紀念品環節，嘿嘿！點解唔帶我哋參觀吳尊間屋同佢間Gym House？

留意位：

1. 特區護照免簽證，BNO需簽證

網址：www.hkst.com

（記得按下面「讚好」Share俾Facebook朋友）

八月去旅行唔想捱附加費？又有一個選擇！中航假期賣緊一套幾筍嘅上海套票，HK$2,490起，包東航來回香港至上海浦東／虹橋機票，3晚五星級上海天禧嘉福璞緹客酒店（連早餐，Agoda連稅賣緊HK$950一晚），每位仲送1張浦東機場至市區磁浮火車飛，住多一晚更送你虹橋機場單程接送服務（蝦，唔知可唔可以浦東入，虹橋走？）。扣下扣下，張機票咪只係HK$850？可能因為呢類五星級酒店主要做商務客，平日房間供應緊張，反而會收你每人HK$500附加費，斷估大家好少閒日去旅行囉呵？

網址：www.caacholidays.com.hk

（記得按下面「讚好」Share俾Facebook朋友）

如果你有小朋友，呢個Offer就真係Fit晒！傲遊天地推出泰航親子Package，成人每位HK$2,790起，二人同行即送1位12歲以下小童加床同機票費用，除番開每人HK$1,860起，仲送埋泰國機場到酒店私家車來回接送服務，又唔收暑期附加費，真係平到笑。呢個Package有好多酒店揀，我會推介4星Novotel Siam Square，室內前幾年翻新過，Swimming Pool設有小童池，但最重要係價錢合理只係HK$3,390。一出門口就係Siam購物區，可以行晒Siam Square、Siam Paragon、Siam Center、Central World、MBK…..同小朋友去旅行，方便就腳好緊要，如果唔係佢必定扭計。

網址：www.bliss-travel.com.hk

呢個8月，去邊度都要狂俾附加費，愈來愈難幫大家搵到筍盤。今次呢個芒果網北京3天套票，賣點唔係平，而且賣特色。坐港龍往返，以$3,159起嘅價錢，可以入住北京紅牆史家花園飯店。如果肯俾多啲去到$3,699起，就可入住涵珍園國際飯店，呢間四合院式飯店古式古香，最重要係位於南鑼鼓巷，係近年北京人氣鼎盛嘅胡同區之一，市政府大力保存胡同建築，區內有唔少酒吧、咖啡店、服飾店同食店，係當地潮人出沒之處。雖然呢度的確係遊客區，但行落去嘅感覺又唔係好「遊客」，夠晒寫意悠閒。唔鐘意住一般高級五星級酒店嘅，可以考慮呢度吖！

留意位：

15/7-25/8期間週五及六出發，每位加收$160；其他日子加收每位$410（Weekend反而加咁少！筍喎！）

網址：www.mangocity.com

（記得按下面「讚好」Share俾Facebook朋友）

清邁一向冇直航機，港龍就特別喺暑假開咗兩班機，仲推出4日3夜嘅「清邁夏日直航精選套票」，據聞反應唔錯。第一班機7月28日已全部爆滿，而第二班機7月31日仲有少量供應。酒店方面，現時只有Mecure Chiang Mai同dusitD2 Chiang Mai有房，前者HK$3,699，後者就HK$4,499，包早餐包來回接送，仲送HK$150免稅品禮券，以旺季直航嚟講都算超值，起碼慳番轉機時間。呢個Package冇得網上即時確認，需要打電話/電郵訂，趁今日仲有半日辦公時間，嗱嗱淋打去Book位啦！如果你有國泰AE卡，記得用呢張買，因為佢地做緊Promo，買套票有3倍Asia Miles送。

香港>清邁 7月31日 KA8282 11:50/13:35

清邁>香港 8月3日 KA8283 15:35/19:35

網址︰www.cxholidays.com

（記得按下面「讚好」Share俾Facebook朋友）

蘇梅島一向比其他泰國城市較難有平機票出，皆因機場係曼谷航空(Bangkok Airways)專利經營。香港暫時亦只有佢提供來回直航，獨市生意下，機票價格好難平。其實跟套票出會平唔少，例如呢套安運滿Fun遊嘅優惠套餐，指定於29/7, 30/7, 3/8或5/8出發，5日4夜住4星Saree Samui嘅Tropical Villa，只係HK$4,599(包早餐，未連稅)，以住有質素嘅Villa而言的確抵。經查詢後，發現現時只有30/7同3/8有非常少量機位，係就趁早喇！

Saree Samui 係2009年先開業，位於Mae Nam海灘上，全部Villa獨立屋設計。Tropical Villa面積約920平方呎，內有私家泳池，房內仲有Boss音響貫串開放式廁所，Shower同埋戶外浴池。不過留意，Resort附近靜英英，冇乜Shopping 點同餐廳，但如果你同Honey嚟抑或想靜靜地過一個假期，住呢度一定啱你。

網址 : http://www.wincastle.com.hk

去倫敦玩，雖然市中心地鐵Tube系統好完善，不過能夠同成班Friends揸車四圍走，特別去近郊，又真係另一番興緻。新航有一個倫敦機票連租車Package，坐A380飛機，包4天租車嘅，最平由HK$5,899起，包7天租車嘅，最平由HK$6,199起（由依家到8月31日，12月17-28日呢兩段日子會加收HK$200），以旺季而言非常合理。租車服務由Europcar提供。個Package仲包埋汽車保險，無限車程里數同Westfield購物優惠等。

睇過佢張Price List，我建議大家揀W Class Code嘅飛，每人只需加HK$300就可賺埋機票里數，長途喎！此外來回是旦一程可以俾你Stop Over新加坡，一張機票2地遊。機票有效期為6個月，慢慢玩啦（須於2012年1月31日前出發）！

網址：http://www.sia-holidays.com

依家曼谷做緊大減價呀！大店又減，細店又減。今次介紹中泰旅運嘅BKK平Package，坐泰國東方航空(OX)，5日4夜會員價HK$1,999(未連稅，2人同行)，早機去晚機返。點做會員? 去佢Office填份表就得喇！不過週四/五去要加HK$200。都只係HK$2,199啫！豪俾佢啦！

Package包4晚all Season Bangkok Victory Monument酒店。呢間Accor集團旗下酒店於今年1月先開幕，屬4星級數，走Hip Hotel路線，全酒店設免費Wi-Fi，鄰近翟度翟，步行3分鐘就到Sanam Pao BTS站。週六早上睡醒即去掃貨，夠晒方便。

由Sanam Pao BTS搭2個站即到Phaya Thai站轉機鐵。曼谷機鐵6月起開通全新Express，由Suvarnabhumi機場直達Phaya Thai站，只須18分鐘，特惠價單程90銖(約HK$25)，來回價150銖(約HK$42)，優惠期至今年年底。又平又快，以後唔駛再受的士司機氣啦！

網址 : http://www.jetimetours.com.hk