X
據日本共同網8/4報導：日本航空（JAL）宣佈由15/4起，將於東京成田<->倫敦航線的商務艙引入輕觸屏幕點餐系統，喜歡吃甚麼就點甚麼，稍後會進一步引入東京飛北美及歐洲航線上。日航解釋此項嶄新服務概念旨在”滿足不喜歡與空中服務員打交道的乘客需求”，您又點睇呢？
資料來源：http://china.kyodonews.jp/news/2013/04/50003.html
（記得按下面「讚好」Share俾Facebook朋友）
另一家同大家拜年嘅航空公司，就係日航啦！今次佢推出復活節後至暑假前平盤，出發日期為5/4 – 27/6，2人同行飛東京每張淨機票HK$1,880，連稅HK$2,707，航班去程限搭JL736（10:40/16:05），回程限搭JL735（18:15/22:00），早去晚返，機票有效期10日。雖然比國泰fanfares $990貴，但日航您起碼可以自選來回日期，唔駛俾國泰限死，適合一大班Friend去玩嘅人（人數少就可以搏Last Minute有冇fanfares啫，成班Friend去就無謂咁搏喇）。一如以往，日航可以俾您加國內線每程HK$500，最多兩程，必須喺網上訂飛時揀埋，唔可以事後追加。此外，如果喺日航官網訂飛，仲送您1,000日圓（約HK$83）百貨公司禮券，雖然唔多，都夠買手信！Check過系統，4月最早出發為8/4，如果一心想去東京睇櫻花就要小心，因為預計8號啲櫻花都Bye Bye！至於5.1勞動節，1/5來回都冇位；至於7.1回歸假，27/6去程有位，1/7就冇，不過30/6或2/7都有位，日航啲平飛一向勁搶手，睇啱今晚就要郁手啦！最後出票日期為4/3。
（記得按下面「讚好」Share俾Facebook朋友）
早喺8/12，我哋「又飛啦！」先介紹日航劈明年1月至3月東京機票，每位HK$1,900（連稅HK$2,778），14/12截止。事隔幾日，日航又拎番出嚟劈！不過今次就需要2人同行，價錢方面就每張減HK$50（HK$1,850，連稅HK$2,734），出發日期同上次相若：8/1至7/2；14/2至27/3，航班一樣（去程限搭JL736（10:30/15:25），回程限搭JL735（18:10/22:30），早去晚返），機票有效期一樣係10日。Check過系統，貼近農曆新年同復活節都冇呢個價，一般日子就唔難搵到，想3月下旬飛東京睇櫻花？Sorry，都冇呢口價。咁又係嘅！大時大節點肯平俾您？另外您可追加日航國內線，每張HK$500，最多可加兩程。呢次優惠去到24/12截止。
（記得按下面「讚好」Share俾Facebook朋友）
早喺12/11，我哋「又飛啦！」同大家介紹過日航早餐盤2人同行飛東京HK$2,050，除著對手ANA尋日推出單人飛東京HK$1,900後，無計啦！立即跟劈！價錢同ANA睇齊HK$1,900（連稅HK$2,778），但機票有效期比ANA多3日到10日。去程限搭JL736（10:30/15:25），回程限搭JL735（18:10/22:30），早去晚返，出發日期同ANA一樣為1/1至27/3（2/2 – 14/2不適用）。Check過系統，一般日子供應量充裕，但貼實復活節出發（例如27/3去1/4返）嘅就賣晒，暫時只搵到26/3去4/4返，雖然叫跨埋復活節長假期，但10日假期前後都要請足5日大假，感覺唔太So，不過一心想復活節飛東京睇櫻花者，呢個價搭日航，點都買得過。最後出票日期與ANA一樣為14/12，想出飛，去日航天地啦！
（記得按下面「讚好」Share俾Facebook朋友）
日航今日又推出飛東京2人同行優惠，對上一次推出同類型劈價盤為28/9，但出發日期只去到14/12，今次嘅出發日期為26/12/2012 – 26/3/2012（07/2 – 14/2農曆新年期間不適用），淨機票每人HK$2,050（連稅HK$2,940），去程限搭JL736（10:30/15:25），回程限搭JL735（18:10/22:30），早去晚返。咦？橫跨新曆新年都用得喎！況且2/1/2013起正係日本冬季激安開始，想買福袋去掃貨？係時候入手啦～再配埋張AirAsia／JetStar等日本廉航內陸線，飛埋北海道或其他地方都得。機票有效期0-10日，最後出票日期為17/12。官網冇得訂，去番日航天地訂啦！
（記得按下面「讚好」Share俾Facebook朋友）
日航早喺8月頭，推出過2人同行飛東京每張HK$1,750優惠，當時最後出發日期為30/11，後來日航再推出明年春天早餐盤，但都冇包括12月嘅。今日日航突然宣佈將秋冬劈價Encore：出發日期為1/10至14/12（19/10及20/10除外），去程限搭JL736（10:30/15:25），回程限搭JL735（18:10/22:30），2人同行每張HK$1,900，機票有效期為10日，今次出發日期更去到12月中。日航好少翻炒，係咪釣魚台問題搞到要立即應變？10-11月正係東京紅葉佳期，之前冇入手嘅Fans，就要趁今次意外優惠快手食糊喇！Check過系統，呢一刻供應量算充裕，不過日航優惠一向甚為搶手，要快喇！一如上次，您可以每程HK$500買日本內陸機票（最多2程），比上次更正嘅係：直接同日航買飛每人可額外獲贈2,000日元（約HK$200）百貨公司禮券。咁鬼抵，唔知其他對手跟唔跟劈呢？
（記得按下面「讚好」Share俾Facebook朋友）
日航秋季2人同行飛東京優惠只去到30/11止，咁之後呢？今日日航又推一批冬季早餐盤，不過12月出發就冇嘞！出發日期由2/1 至 26/3（2/2 – 15/2農曆新年假期除外），2人同行飛東京淨機票每張HK$1,850（連稅HK$2,751），航班方面去程只可揀JL736（10:30/15:25），回程限坐JL735（18:10/22:30），早去晚返Good喎！機票有效期為10日，可賺Asia Miles 50%（來回約1,823里），國泰特價飛邊有吖！此外額外加內陸機每程HK$500，最多兩程（去札幌睇雪Yeah！），但謹記必須一併訂購，唔可以先買東京來回再返嚟買內陸機，咁就享受唔到優惠，之前有「又飛啦！」Fans賴過嘢，訂購時留意啦！
（記得按下面「讚好」Share俾Facebook朋友）
眼見國泰同ANA分別推出2人同行飛東京優惠，日航決定再劈一刀，價錢平過對手！由27/8至30/11飛東京，2人同行每位只收HK$1,750，連稅HK$2,592，更可以每程HK$600優惠價訂購內陸機票（北海道地區除外，最多2程，須於訂購東京機票時一併購買），比國泰同ANA平多HK$150，加上佢可以俾你帶2件23kg行李（即共46kg），機票有效期更長達10日（其他7日），競爭力馬上番咗嚟！Check過系統，平日仲有供應，Weekend就比較緊張啲，當然臨近大節日就免問啦！去日航天地官網出飛！
（記得按下面「讚好」Share俾Facebook朋友）
X