X
為慶祝AirAsia日本1/8開航（17/9先減咗，依家又嚟？），今晚香港時間23:00（日本時間00:00），AirAsia又將日本內陸航線劈劈劈，東京成田出發飛沖繩／福岡／札幌，單程連稅通通HK$10（JPY 100）起！出發日期為28/8 – 27/10，同上次一樣！上次單程連稅HK$198/298喎！唔通啲飛唔去？一陣Check下先！想去札幌朋友，只要配合香港<->東京平機票，秋季去札幌好Easy，23:00記得郁手搶！
（記得按下面「讚好」Share俾Facebook朋友）
樂桃航空終於開放今年28/10至明年30/3嘅機票訂購，今日（1/8）香港時間下午2時開賣．一如以往，最平你可以搵到單程免油附HK$888之選（來回連稅$2,194起），但亦唔會日日有，亦根據往續，佢之後又會推出HK$688之選，所以如果一陣睇啱HK$888嘅話，不妨訂咗先，否則千多元個啲就避一避了！寧願遲啲睇下有冇劈盤仲實際．
（記得按下面「讚好」Share俾Facebook朋友）
小弟都等咗ANA出淡季機票好耐，眼見國泰日航聯合達美港航都出晒，唯獨佢冇，尋日終於嚟啦！先嚟隻2人同行餐先！每人價飛東京HK$1,890，大阪同名古屋HK$1,990，連稅後，東京HK$2,769，大阪HK$2,880，名古屋HK$2,865。先分析隻東京盤：由於佢來回各有一早一午機，比較Flexible，Under HK$2K坐ANA有架妹Serve你，點都係抵！大阪同名古屋就頭痛啲，皆因午去早返（大阪去程NH176 15:25/20:00，回程 NH175 10:55/13:45；名古屋去程 NH1242 14:00/18:55，回程 NH1241 09:30/1245），來回唔見一日，除非你去日本時間長啲（例如玩足7日），咁仲可以蝕得起，否則去大阪搭番同系隻樂桃算啦！名古屋除非你堅要去，否則遲啲可能再減（因為時間唔靚，需求亦不高），等下無壞（或者會推出單飛同價）。去到呢到，一眾淡季日本平機票經已出籠，下一步就睇下各路英雄會否再度互劈。呢個靚價官網未有得訂，上真旅網買啦！
留意位：
1. 最後出票日期：29/11
2. 出發日期：27/8 – 27/9；2/10 – 19/10；23/10 – 30/11
3. 機票有效期：7日
（記得按下面「讚好」Share俾Facebook朋友）
今年中秋國慶，咁啱得咁橋係連假，故此唔請假：29/9（週六）去2/10（週二）返，就有一個4日3夜之旅了！可惜啲機票已被人炒貴晒呢！去日本東京嘅散飛，最平連稅都去到近HK$5,000！買團飛？受氣啦！「又飛啦！」點敢送你一程？今次就介紹另類方法，以淡季價錢遊東京！是咁的，只要提早一日出發（28/9週五），去澳門搭澳門航空，回程一樣2/10，2-7日機票，淨機票竟然仲係賣緊MOP$1,899，連稅就MOP$2,937，就算加埋來回船飛$300，都仲係三千頭左右，幫你慳近二千（同樣提早一日，香港出發連稅一樣四千尾）！不過代價當然係來回再加一小時啦！但其實澳門航空飛東京時間都幾靚仔架！去程NX862（09:30/15:00），回程NX861（16:00/19:50），拍得住香港出發嘅東京航班。蝦！大家都係放國慶中秋假啫！點解香港飛東京咁多班次，竟然仲平過澳門？你又知唔知點解呢？
（記得按下面「讚好」Share俾Facebook朋友）
日本AirAsia今晚（19/7）香港時間23:00開始又開倉啦！出發日期為28/8 – 27/10，當然冇上次咁激HK$5啦！東京飛札幌福岡單程連稅HK$198（原價HK$458），飛札幌咁鬼平，坐子彈火車都唔得啦！至於沖繩單程HK$298（原價HK$668），夾埋張香港東京平機票，今個秋天想去日本南北一樣抵到震。不過供應量只有2,000張，要就快手！想喺AirAsia開倉時暢通無阻去搶票，可睇番我哋之前介紹嘅文章：三招教你突破AirAsia Waiting Room限制，搶飛快人一步！（不過補充：mobile版呢招暫時唔work，因為AirAsia現已暫停服務）
（記得按下面「讚好」Share俾Facebook朋友）
尋日先講完聯合下半年飛東京最平HK$1,640，達美今日終於跟注，本來以為平幾舊，點知又係HK$1,600，稍為失望，不過點都算平架喇！出發日期同聯合睇齊：24/8 – 31/12，亦一樣所有大節日全部冇平飛放出（包括國慶中秋／聖誕節），機票有效期2-7日，時間都係早去晚返：去程DL156（08:20/13:55），回程DL155 （19:20/23:00），比聯合更早去，更早返，最緊要係：佢一向準時，加上公司夠實力，買咗唔駛擔心去唔成啦！
網址：zt.delta.com
（記得按下面「讚好」Share俾Facebook朋友）
今年秋冬嘅東京早餐盤，暫時只見過日航／港航同埋國泰有，美系兩大勢力：聯合同達美，前者率先跑出，推出下半年（出發日期：24/8 – 31/12）嘅東京平飛，2-7日有效期，淨機票約HK$1,640，連稅就HK$2,482，雖然聯合質素一般，但以呢個價入手同埋早去午返（去程UA78 10:15/15:20，回程UA79 17:25/21:40），算抵買喇！Check過官網，連到大假期嘅唔駛諗（例如中秋國慶及聖誕新年），一般日子就仲有大量供應。佢都抵成咁，唔知稍後出手嘅達美又點劈？一向佢都平過聯合喎！
（記得按下面「讚好」Share俾Facebook朋友）
日本樂桃上週五講明今日會開賣大阪香港9-10月（出發日期：3/9 – 27/10，不包括13-18/9及4-9/10）平機票，價錢終於供佈：大阪單程飛香港HK$698連油附（唔連稅，飛機餐及行李寄艙），同首航特價一樣，日本樂桃上週五講明今日會開賣大阪香港9-10月（出發日期：3/9 – 27/10，不包括13-18/9及4-9/10）平機票，價錢終於供佈：大阪香港單程HK$698連油附（唔連稅，飛機餐及行李寄艙），同首航特價一樣，來回連稅HK$1,817，其中以九月平機票選擇較多，個別Weekend出發都仲有HK$698之選，值得去馬！
（記得按下面「讚好」Share俾Facebook朋友）
X