X
又幫大家搵到暑假平飛喇！今次仲係日本添！搭聯合航空，18/7前飛東京，7日機票，來回只需HK$1,638（連稅HK$2,499）！Check過系統，雖然唔係日日都有呢口價，但供應量暫時都算充足（當然回歸假就冇啦），7月先出發都仲有日子供應，不妨自己上官網慢慢尋寶。聯合時間不嬲靚仔，去程UA78 10:15/15:20，回程UA79 17:25/21:40，早去晚返！
（記得按下面「讚好」Share俾Facebook朋友）
唔夠錢飛馬爾代夫？鄰近嘅沖繩有冇興趣先？我哋「又飛啦！」二月尾同大家講過，港航推出名為A21嘅早訂折扣計畫，當時報沖繩個隻飛平到HK$2,290（未連稅，下同），點知原來可以仲抵（不過有效期只去到20/6）：2-7日有效期機票，減至HK$2,050咋！即係仲慳多廿舊四，用嚟津貼下酒店都好吖！依家沖繩天氣回暖，慢慢步入盛夏之時，一於六月中至底飛一個Weekend啦！Check過系統，仲有得賣，咁筍盤都冇人吼？係咪冇做大肆宣傳之故？
留意位：
1. 出發日期：3/6 – 20/6
2. 機票有效期：2 – 7日
（記得按下面「讚好」Share俾Facebook朋友）
復活節長假期終於完結，慳家旅客又係時間出外玩餐飽！「又飛啦！」已經同大家講過4-6月日本東京大阪平機票，咁名古屋呢？係就冷門啲，原來都有筍盤喎！去Zuji訂飛，搭國泰揀2人同行，每人只需HK$2,082（連稅就HK$2,935），優惠期去到27/6（27/4 – 29/4不適用），呢個優惠官網冇出（佢賣單人飛HK$3,900），亦都冇乜人提過，想搵下新日本地方走番轉，諗諗佢吖！
留意位：
1. 出發日期：08/4 – 26/4；30/4 – 27/6
2. 機票有效期：2-7日
（記得按下面「讚好」Share俾Facebook朋友）
7-8月旅遊旺季，想平飛大阪，今年有喎！Option 1：之前提過嘅新廉航桃子航空，7月起會推出香港<->大阪新航線；Option 2：就係呢篇好介紹！深圳航空逢週一／三／五／日有機飛深圳<->大阪（中途稍停福州，停1:20分鐘，唔駛轉機），依家劈價，淨機票單程由CNY600起，折合來回HK$1,500起，連稅就HK$2,910左右，淡季你梗冇胃口，之不過連暑假都做呢口價，比香港出發平成半，係咪都心郁郁呢！最緊要係機票有效期長達30日，免費行李寄艙磅數更高達30KG，好適合走水貨或成日去日本瘋狂Shopping嘅你，今年暑假想平飛日本，終於有著落。
留意位：
1. 最後出票日期：31/12（需出發日前45日出票）
2. 出發日期：07/5 – 31/12
3. 航班時間：去程 ZH9097 08:20/15:20；回程 ZH9098 15:25/20:05
4. 機票最長有效期：30日
（記得按下面「讚好」Share俾Facebook朋友）
始終大家都鐘意東京。尋晚咁夜先報隻達美HK$1,640筍盤，一夜之間已錄得幾十隻Like，以咁夜出Post嚟講真係唔錯～～～好！「又飛啦！」再接再厲！登登登登～～～ANA終於出場鳥！去真旅網訂飛平到HK$1,990（連稅就HK$2,842），上次仲要2人同行先有呢口價，今次單人飛都得，真係平到無話可說！仲可以揀早去晚返（去程最早可揀09:40/15:00，回程可揀最夜個班18:20/22:05），美中不足係出發日期只去到29/6，7月份冇呢口價，官網未有架！
留意位：
1. 最後出票日期：31/3
2. 出發日期：8/4 – 26/4；29/4 – 29/6
3. 機票有效期：0 – 7日
（記得按下面「讚好」Share俾Facebook朋友）
呢排「又飛啦！」介紹嘅4至6月東京平機票，有效期大多係去到6月尾，今次介紹呢隻達美航空就超正啦！出發日期最Last屎可以去到19/7！機票有效期為2-7日，只需HK$1,640（HK$1,440個批前幾日一推出即被秒殺，報唔切唔好意思）！連稅都只係HK$2,463。7月中飛東京都可以咁抵，班學生哥／老師一定超開心，最正係佢真正做到早去晚返，去程08:20/13:40，回程19:20/23:25。冇計啦！生意難撈，Fans享福！
網址：zt.delta.com
（記得按下面「讚好」Share俾Facebook朋友）
搵到東京平機票？咁下一步就要搵平酒店啦！我哋「又飛啦！」都有一排冇介紹Agoda嘅平酒店，今次就幫大家搜查東京筍盤。港人至愛嘅新宿方面，好多港人住嘅新宿華盛頓竟然打六折，價錢去到HK$597（未連稅，下同），平時一般八九舊，呢次真係超平（平到接近商務酒店水平）。喺歌舞技町旁邊嘅Best Western Shinjuku Astina都平到HK$1,129（打七折）；至於台場地區，望住全海景嘅台場東京日航酒店打五折，平到HK$1,329，四星半嚟架！Grand Pacific Le Daiba仲筍，打六折平到HK$1,210；品川方面，新高輪王子酒店六折，跌破一千大關HK$955。品川王子酒店打六折HK$1,090，位於JR品川站旁邊，Location贏晒！想俾多少少住好啲？住東京大倉啦！依家打七折只需HK$1,882，超五星級架（澳門個間都貴個佢，陰公）！
網址：
新宿Best Western Shinjuku Astina七折
（記得按下面「讚好」Share俾Facebook朋友）
飛東京想搵平機票，唔難；但其他城市呢？特別係港人至愛嘅北海道札幌，以前都仲有港航撐下，但自從1/3起同大家講Bye Bye後，想直航有平機票？難過中中銀3連張紀念鈔囉！蝦，不過近期原來ANA低調做Promo，中停東京，來回札幌只需HK$3,122起（連稅就HK$3,946），出發日期仲去到29/6添！想平過佢？Well，除非你肯搭強國嘅航空公司囉。去邊度訂？梗係Zuji啦！
留意位：
1. 出發日期：8/4 – 26/4；29/4 – 29/6
2. 最長逗留日子：7日
3. 最後出票日期：31/3
（記得按下面「讚好」Share俾Facebook朋友）
X