X
都有一排冇講廉航春秋航空，佢有一隻上海平盤，個價都幾靚仔，但要用美元結算：來回US$32.4起（約HK$253），連稅US$121,9起（HK$951），比用港幣結算平約HK$130，又係連稅跌破HK$1,000之選，值得考慮（記住：春秋航空係包埋15kg手提 + 寄艙行李配額）。Check過系統，10/5 – 9/6期間出發都有呢口價。若然您逗留日子超過7日，買春秋係抵好多，事關佢冇所謂機票有效期，鍾意點併來回日子都得，傳統航空公司就貴好多。
網址：www.china-sss.com/en（記住揀英文，先可以用美金結算）
（覺得抵請記得按Like同Share俾朋友）
大陸廉航春秋航空香港<->上海線再度出現來回連稅唔駛HK$1,000選擇：只需揀美元結算就得（喺搜尋器下面有「支付幣種」一欄），如果揀港幣結算，單程淨機票HK$199起，來回連稅HK$1,120起，但如果揀美元結算，單程淨機票US$16.1（HK$126），來回連稅US$125.8（HK$982），比港幣結算慳HK$138，就算計埋信用卡收海外簽賬之1-2%手續費，仍然有So。可惜呢口價供應量少，去程得番09/01，15/01兩日，不過回程US$16.1就有03，04，05，06，07，08，09，11，13，14/01，大家可以上番春秋官網發掘下。
（覺得抵請記得按Like同Share俾朋友）
冬天去上海，最抵梗係香港航空（來回淨機票HK$450，連稅HK$1,119起，紫荊會會員再減HK$50，免費申請：http://bit.ly/XiCJvm ），之但係機票有效期只有7日，想玩耐啲？今次介紹嘅春秋航空就啱您：Check過系統，11月份唔少日子都有單程淨機票HK$199蹤影，加埋來回淨機票HK$398起，連稅HK$1,096起。之前我哋都講過春秋航空有小漏洞（相關文章：http://flyagain.la/?p=7542）：用美元結算比港元抵。以今次為例，用美元結算，單程淨機票US$16（HK$125），來回US$32（HK$250），連埋稅US$122.4（HK$955），比港元結算平HK$141，一千蚊唔駛就飛轉上海食湯包（春秋航空仲包埋15kg手提 + 寄艙行李配額），應該好難再平喇！溫馨提示：春秋航空Delay情況頻頻，咁平入手，當然要有心理準備。
（覺得抵請記得按Like同Share俾朋友）
早在29/4，我哋「又飛啦！」先同大家分享過春秋航空有一個訂飛小漏洞：利用貨幣轉換大法，喺繁體版買飛，唔用港幣改以美金結算，就可以享受國內市場優惠（因為美金價係直接以人民幣轉換），亦唔駛經支付寶找數，直接用番Visa / Master卡找數就得（詳情請睇：http://flyagain.la/?p=7542）。最近日元不斷下跌，原來變相令買春秋機票更著數！點解？因為春秋日元價依舊用番10:1計算，但今日兌換價已跌到7.8:1，即變相平22%！最正嘅係，唔單止機票，連機場稅及燃油附加費都一併因匯兌而平咗。所以建議大家買春秋航空時，記得揀日元結算。提提您：以日元結算，春秋航空會多收您總價3%信用卡手續費，不過計落點都比港元結算有So，而且日元結算可以用AE卡呢（DBS AE卡 $6賺1里，梗係用呢張）！
用番上次介紹嘅廈門為例，6月份有唔少日子都有單程CNY9之選，換成日元就100日元，即係HK$7.8或CNY6.24，變相打7折。來回連稅8,610日元，加埋3%手續費，總價8868.3日元，折合HK$692，用美元就HK$715，用港元就HK$949！相差高達HK$257或27%，您梗識揀！唔駛七舊來回廈門？Well！去馬交來回搭船都俾三舊幾啦～
（覺得抵請記得按Like同Share俾朋友）
大陸廉航春秋航空，一向喺大陸市場（即係簡體版網頁）推出好多超平機票，例如CNY9一張單程機票（當然唔包稅及油附），香港呢？唉！平極都係HK$99單程未連稅。以往要享受同胞優惠，必須用國內銀行或支付寶找數，但喺香港唔普遍。今次就介紹春秋航空一個小漏洞：只要先揀繁體版網頁，再揀美元結算，系統會根據簡體版價錢直接轉為美元，咁就正啦！因為繁體版網站可以用Visa / Master找數嘛！咁咪可以借刀殺佛啦！
講咗咁多，就搵件例子試下！香港<->廈門航線喺簡體版網站做緊優惠：7月前出發，淨機票單程CNY9，來回連稅CNY641，折合HK$802左右。但如果響繁體版網頁用港元結算，單程淨機票最平都要HK$129，來回連稅HK$1,029，足足有HK$227差距。呢個時候，只要您留番喺繁體版並轉為美元結算，單程淨機票即刻換成最平US$1.4（HK$11）起，來回連稅US$102.3（HK$798）起！同人民幣結算差唔多！咁即刻用香港信用卡找數啦！Check過系統，呢批US$1.4機票數量都唔少，來回廈門唔駛八舊水港紙，相信係史上新低了！以往我哋少報大陸版優惠，全靠呢個小漏洞，以後一定同大家睇埋大陸版優惠，一於借刀殺佛，齊齊又飛啦！
（記得按下面「讚好」Share俾Facebook朋友）
洛陽紙貴，但機票超平！大陸廉航春秋航空開辦香港直航洛陽服務，只此一家，別無他選！做法聰明吖！逢週三及日各有一班對飛，去程9C8564（19:20/21:40），回程9C8563（16:00/18:20），似乎最啱係週三放工去，請週四及五兩日假，已可飛去呢個著名古城玩！依家佢做緊首航優惠，四月份出發單程HK$129起，來回連稅HK$1,029起，的確非常吸引（尤其係佢獨市經營），如長期Keep到呢個價，一定有得做！最衰佢未出五月份價錢吖，都想知佛誕假期有冇呢口價，事關呢個Long Weekend好多地方機票已經被炒高喇！
（記得按下面「讚好」Share俾Facebook朋友）
大陸廉航春秋航空尋晚癲劈，一刀將香港飛杭州同廈門機票劈劈劈，單程淨機票劈到人民幣￥9起（折算HK$11），來回連稅人民幣￥597（折算HK$747）起，出發日期二至三月都有。Check過系統，杭州人民幣￥9機票得番香港出發先有，回程最平人民幣￥99，來回連稅人民幣￥687（折算HK$858）；廈門來回唔少日子都仲有人民幣￥9機票。拿講真：個價其實同港龍fanfares唔差太遠，如果鍾情Full Service者，揀番港龍好過，但如果您好似小弟咁，一蚊幾毫都要平盡佢（事實上，一個幾兩粒鐘機，平就得啦），呢個價已經平無可平（除非有漏洞價）。不過提提您：呢個優惠，用港幣結算係冇嘅！必須用人民幣結算，而且必須用國內信用卡／國內網上銀行／支付寶找數，唔可以用大陸以外嘅信用卡如Visa / Master等等。有玩開淘寶嘅Fans，最簡單就係用支付寶付款喇！
溫馨提示：輸入乘客資料時，清單會自動加入安達遨翔旅遊保險￥110/份，記得Click”無需購買請選擇”選項，就可以免除呢筆款項。此外，春秋航空對乘客行李要求非常嚴格，免費行李額（包括托運行李和非托運行李）為15kg。
（記得按下面「讚好」Share俾Facebook朋友）
前晚我哋「又飛啦！」漏夜報春秋航空推出HK$0機票，尋日下午2點一望：HK$0當然冇，其他CNY99單程平機票原來一定要用大陸信用卡／銀行戶口或支付寶找數！滿以為香港人今次冇行啦！點知原來今日先係波！春秋航空由今日起推出香港版開倉，每日下午2點起限量推出5個航點平機票，包括香港<->上海、香港<->杭州、香港<->南京、香港<->重慶、香港<->廈門，單程HK$129起，來回連稅約HK$1,013起（不包行李寄艙及飛機餐）。根據尋日大陸版開倉嚟睇，每個航點佢會拎一啲指定日子指定航班出嚟賣HK$129，以上海為例，尋日大陸版只提供一日選擇！其他新航點就有唔少日子供應，所以如果想搶上海平機票，不宜抱太大希望，新航點就唔同。另一方面，記得每張訂單只可訂一張飛，如果有2人或以上嘅，就要分開購買。如果您係12月16日生日，恭喜您！只要向春秋航空香港辦事處申請，首199位朋友可以享有HK$0優惠（當然要俾稅及油附啦），係就依家拿拿林去以下網址申請喇～
（記得按下面「讚好」Share俾Facebook朋友）
X